Кошаркарите на Оклахома со победата на теренот на актуелниот шампион Бостон, математички обезбеди пласман во плејофот. Во „Ти-Ди Гарден“ во Бостон, Оклахома победи 118:112.

Играчите на Оклахома Сити Тандер ја забележаа 17. победа во последните 18 натпревари.

Шеј Гилџис-Александер уште еднаш ги предводеше Тандер до победата, овојпат со 34 поени, а најсилната офанзивна поддршка ја имаше во Чет Холмгрен, кој натпреварот го заврши со 23 поени и 15 скока.

Ова беше втор натпревар на Оклахома и Бостон оваа сезона и втора победа на Тандер против актуелниот шампион.

На домашниот тим не им помогна ниту одличното издание на Џејсон Тејтум и неговите 33 поени.

Кошаркарите на Бостон имаа 63 обиди за три поени, што е рекорд на франшизата по бројот на обиди надвор од линијата од 7,24 метри. Уфрлија само во дваесет.

Една од причините за поразот на Селтикси, покрај нивното упорно инсистирање на удари од далечина, беше и лошиот настап на Џејлен Браун, кој го израмни својот минимум во сезоната со десет поени.

Втор најефикасен кај Бостон беше Дерик Вајт со 22 поени, а Ал Хорфорд постигна 18.

Њујорк синоќа на спектакуларен начин дојде до победата, со тројката на Микал Бриџис на крајот од продолжението на мечот против Портланд. Така Никс дојдоа до „тесна“ победа во Орегон со резултат 114:113.

Бриџис го заврши натпреварот со 33 поени.

О-Џеј Ануноби со 23 поени и Карл-Ентони Таунс со 21 поен го следеа Бриџис.
Кај Портланд се истакна Дени Авдија со 27 поени.

Легендарниот Роналдо Назарио да Лима (48) ја повлече кандидатурата за претседател на Бразилската фудбалска конфедерација.

Двократниот светски шампион со „кариоките“, сега бизнисмен, рече дека му недостига поддршка од локалните фудбалски претставници за да го предизвика актуелниот претседател Едналдо Родригез.

Роналдо во декември најави дека ќе го предизвика Родригез, кој беше критикуван од навивачите и поранешните играчи, но не и од локалните фудбалски претставници.

Изборите треба да се одржат во наредниот период, се уште не е познат точниот датум. Инаку мандатот на Родригез истекува во март следната година.

На Роналдо му беше потребна поддршка од најмалку четири локални сојузи за да се кандидира, но поранешниот напаѓач на Интер и Реал Мадрид не обезбеди поддршка.

„Локалните сојузи одбија да ме примат во нивните седшта, тврдејќи дека се задоволни од актуелното раководство и ја поддржуваат кампањата за реизбор на Родригез. Не можев да го претставам мојот проект, да ги споделам моите идеи. Немаше простор за дијалог. Јасно е дека немам шанси да се кандидирам. Повеќето федерални функционери го поддржуваат актуелниот претседател, тоа е нивно право и јас го почитувам тоа без оглед на моите убедувања“, напиша Роналдо на социјалните мрежи.

Мандатот на Родригез беше обележан со правен спор, при што тој беше сменет во декември 2023 година поради нерегуларности во изборниот процес, но еден месец подоцна бразилскиот Врховен суд ја поништи таа одлука.

Во тој период, Родригез го доживеа својот најголем неуспех, бидејќи постојано тврдеше дека постигнал договор со тренерот на Реал Мадрид, Карло Анчелоти, кој на крајот го остана во Реал.

Бразил од клупата го предводи Доривал Јуниор, а во јужноамериканските квалификации за Светското првенство се наоѓа на петтото место со 18 бодови по 12 меча.

Најдобрите шест репрезентации ќе обезбедат директен пласман на СП 2026 година.

Атлетико Мадрид на бизарен начин ја заврши сезната во Лигата на шампионите. Во реваншот од осминафиналето, Атлетико по изведувањето пенали испадна од Реал.

На „Метрополитано“, Атлетико победи со 1:0, а пенал серијата му припадна на Реал со 4:2.

Клучен беше пеналот на Хулијан Алварез во втората серија, Аргентинецот се лизна, но сепак успеа да постигне гол. ВАР собата се вклучи во тој момент и пресуди дека Аргетнинецот два пати ја допрел топката, па голот беше поништен.

„Видов дека Хулијан ја спушти ногата и дека топката не се движеше, но ВАР пресуди поинаку. Вакво нешто во животот не сум видел, сакам да верувам дека ја допре топката. Не сум видел досега дека ВАР реагира во пенал серија“, рече тренерот на Атлетико на прес конференцијата, а потоа им постави прашање на новинарите.

„Дали видовте дека два пати ја допре топката. Немојте да се плашите, дали некој од овде присутните вде дека два пати ја допре топката. Кренета рака, ако некој го виде тоа“.

Julián Alvarez disallowed penalty frame by frame
byu/AlmostNL insoccer