Постои голема веројатност на крајот на сезоната Андреа Пирло да добие отказ на местото тренер на Јувентус. Во дебитантската сезона поранешниот фудбалер од средниот ред го загуби шампионскиот наслов, а сега на Јуве опасно „му виси“ и местото кои идната сезона носи во ЛШ.

Моментно се споменуваат имињата на тројца тренери кои би можеле да бидат наследници на Пирло, а сите тројца во моментов водат клуб во Серија А.

Се работи за шефот на стручниот штаб на Болоња, Синиша Михајловиќ, за кормиларот на Лацио, Симоне Инзаги, како и за предводникот на Наполи, Џенаро Гатузо.

„Corriere dello Sport“ пишува дека е фаворит за преземање на „Старата дама“ и наводно веќе бил воспоставен првиот контакт.

Србинот тренерската кариера ја започна во 2006 година како помошник тренер во Интер, а досега бил на клупата на Катанија, Фиорентина, Сампдорија, Милан, Торино, Спорттинг Лисабон и селекцијата на Србија.

Пред 7 години Јуве и Михајловиќ преговараа за тоа тој да седне на клупата на тимот од Торино, но до договор не дојде.

Италијанците пишуваат дека Јуве овие денови добил две „корпи“. Наводно во клубот сега не сакаат да се вратат Масимилијано Алегри и Зинедин Зидан.

Дефанзивецот на Манчестер Сити, 26-годишниот Емерик Лапорт одлучи да игра за шпанската фудбалска репрезентација. Иако тој ги помина сите младински категории во француската репрезентација, никогаш не дебитирал за А-селекцијата. Поради баскиските корени има право на настап за „Фуријата“.

Уште пред 5 години Лапорт се поврзуваше со настап за Шпанија, но тогаш порача дека сака да игра за Франција. Доби повик за натпреварите на Франција против Бугарија и Холандија во квалификациите за СП во 2018 година, но не доби прилика за настап.

Три години подоцна е повикан за настап против Албанија, односно Андора, но се повреди.

Потоа веќе не беше во планот на селекторот Дидие Дешам, па сега екс-фудбалерот на Атлетик Билбао реши да настапува за Шпанија.

За 10 дена шпанскиот селектор Луис Енрике ќе го објави списокот со репрезентативци на кои ќе смета на ЕП, а на него, според информациите, ќе има место и за стоперот на Сити.

Оваа сезона Лапорт одигра 27 меча за „граѓаните“, а „Transfermarkt“ неговата фудбалска вредност ја проценува на 50 милиони евра.

Плејмејкерот на НБА тимот, Сакраменто Кингс, 24-годишниот Дајрон Фокс изјави дека бил заразен со Ковид 19, но не поминал баш најдобро со опасниот вирус.

„Како да ме прегазил камион, плус и силна главоболка, болки во коските, дехидрација, истоштеност“ објасни кошаркарот.

Ниту еден НБА тим не може да открие позитивен тест на свој кошаркар без одобрение од лигата, па тоа доведе до конфузија во најсилната кошаркарска лига во светот.

Фокс нема настап за Кингси од 21. април.