Спорт
Во солзи, Роџер Федерер ја заврши кариерата
Роџер Федерер стави крај на професионалната кариера и не можеше да ги задржи солзите.
Во моментот кога Џек Сок одигра форхенд винер, со кој ја означи победата на „Тимот на Светот“ против „Тимот Европа“, тоа го означи крајот на кариерата на Роџер Федерер.
По 1527 меча, 1251 победа, 310 недели на врвот на АТП листата, 103 трофеи, 31 Грен слем финале, 28 мастерс титули, 20 грен слем титули, пет години кои ги заврши како број еден, легендарниот Швајцарец замина во пензија.
Дублот што го одигра со Рафа Надал на Лејвер купот Лондон, против Џек Сок и Френсис Тиафо стави крај на неговата богата. Американците славеа 4:6, 7:6, 11:9.
Во исто време и него го совладаа емоциите, легендарниот Швајцарец веднаш заплака.
За последен пат обожавателите ширум светот го видоа на големата сцена, по што следеа овации од публиката во Лондон.
“Им реков на момците, не сум тажен, среќен сум. Прекрасно е чувството да се биде овде. Уживав во овие чевли. Сè ова беше последен пат за мене. Сите сме тука, семејството, момците, пријателите, фановите. Немаше многу стрес, но се плашев дека нема да биде добро, грбот, телото, нешто да не ми се скрши. На крајот се беше супер. Играв со легенди, Рафа, Едберг, Лејвер. ..“, рече Федерер, а потоа се расплака.
Roger Federer vient de ranger sa raquette. Une fin de carrière magnifique pour un joueur fantastique. Il nous aura fait vibrer jusqu'au bout, ce sportif est clairement le plus complet de tous, Bonne retraite à toi champion !! ????❤️#Federer #LaverCup #LaverCup2022 pic.twitter.com/NHQfaCZ7hw
— VANKYPOU (@Vankypou) September 23, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино: Не одлучувам јас дали ќе го напуштам Челзи
Тренерот на Челзи, Маурисио Покетино изјави дека не е сигурен дали ќе има време да го врати клубот на врвот на англискиот фудбал.
Челзи на домашен терен го победи Тотенхем со 2:0 во натпреварот од Премиер лигата и ги задржа шансите за пласман во европските натпреварувања.
„Сините“, речиси цела сезона се справуваат со повреди, а во моментов дури 14 играчи поради повреди се надвор од тимот. Се шпекулира дека аргентинскиот стручњак би можел да го напушти клубот на крајот на сезоната.Тој не сакаше да одговори на ова прашање.
„Мислам дека е доста“, изјави Покетино за Скај на прашањето за шпекулациите околу неговата иднина.
„На сите тренери им треба време за да пренесат идеи и филозофии. Уште повеќе кога екипата е ваква. Ни треба време. Тоа не е моја одлука. Тешко е бидејќи секоја недела сум под лупа. Но, тоа не е моја одлука. Ако сакаме да испишеме историја со Челси, не чека многу работа. Ќе бидиме дали ќе имаме доволно време“.
Челзи моментално е осмо на табелата со 51 бод од 34 натпревари во Премиер лигата и заостанува три бода зад шестопласираниот Манчестер Јунајтед, кој го држи последното место кое обезбедуа пласман во европските купови.
Спорт
Тренерот на Бенфика сега е прв фаворит за нов тренер на Баерн
Баерн беше подготвен да го претстави Ралф Рангник како тренер кој ќе го наследи Томас Тухел следната сезона, но австрискиот тренер се премисли во последен момент и реши да остане на кормилото на репрезентацијата на Австрија. Претходно Баерн го одбија Чаби Алонсо и Јулијан Нагелсман.
Баерн ја продолжува потрагата по наследникот на Тухел, а според „Билд“ следен кандидат е Роџер Шмит (57), актуелниот тренер на Бенфика.
„Билд“ тврди дека Баерн сега со сите сили ќе тргне по Шмит, чиј договор со Бенфика е со важност до 2026 година и има откупна клаузула од 30 милиони евра. Сепак, португалскиот клуб наводно не е целосно задоволен од неговата работа, па постои можност Баерн да го добие на друг начин, наместо да плати голема сума.
Спорт
Сунес: Салах е најсебичниот играч што некогаш сум го видел
Греем Сунес, легендата на Ливерпул, кој со клубот од Енфилд освои пет титули во англиското првенство и три европски купа, го нарече Мохамед Салах најсебичниот играч што некогаш го видел.
Салах пристигна во Ливерпул во трансфер од Рома во 2017 година, тој одигра 346 натпревари за клубот, постигна 210 голови и забележа 88 асистенции.
Сонес верува и дека Салах наскоро ќе го напушти „Енфилд“.
„Мислам дека Мохамед Салах ќе го напушти Ливерпул. Беше одличен и ако замине во Саудиска Арабија ќе стане најголемата ѕвезда таму. Има многу високо мислење за себе и беше лут што не го започна натпреварот против Вест Хем. Тој е најсебичниот играч што некогаш сум го видел.“