Спорт
Во вторникот се „кладеше“ дека е зарезен со коронавирусот, денес доби позитивен тест

Контроверзниот австралиски тенисер со хрватско потекло, Бернард Томиќ, кој пред два дена во квалификациите за Австралија опен, се „кладеше“ дека е заразен со коронавирусот, денес потврди дека добил позитивен ПЦР тест.
Томиќ, во вторникот, предизвика скандал во текот на мечот со Роман Сафијулин, Во вториот сет, на прашањето од судијата дали се чувствува добро, Томиќ одговорил не и потоа шокирал со одговорот и ги обвинил организаторите за негриржа.
„Мислам дека имам коронавирус, тврдам дека во наредните два дена ќе бидам позитивен. Ве уверувам во тоа. Видете, доколку не бидам позитивен во наредните три дена ќе ве честам вечера. Во спротивно ти честиш. Не ми се верува дека никого не тестираат. Играчите на терен излегуваат откако ќе направат брзи тестови во своите соби. Нема ПЦР тестирања“, и рекол Томиќ на судијката од Бразил, Алина Да Роча и продолжил да игра.
Томиќ не успеа да го мине првото коло, го загуби мечот со 1/6, 4/6, а потоа веднаш заминал во изолација.
And here’s video of Tomic’s remarks. Wild stuff.
He’s still competing. Hope Safiullin dodges the handshake! #AusOpen https://t.co/iqFL6bDkcL
— Ben Rothenberg (@BenRothenberg) January 11, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Пафос освои бод кај Олимпијакос, Бодо/Глимт се врати од 2:0 против Славија

Вчера деботантите Карабаг и Унион Сен Жилоа забележаа сензационални победи во Лисабон над Бенфика, односно во Ајндховен над ПСВ, а и вечерва клубвите што прв пат играат во Лигата на шампионите имаа успешни настапи. Пафос одигра 0:0 против Олимпијакос во Атина, а Бодо/Глимт во Прага се врати по минусот од два гола и одигра 2:2 со Славија.
Спорт
Одбраната на трофејот во Купот Вардар ќе ја почне против Новаци
Фудбалскиот клуб Вардар одбраната на титулата во Купот на Македонија ќе ја започне на домашен терен против Новаци.
Во Куќата на фудбалот со ждрепка беа одредни осминафиналните двојки. Се игра еден натпревар, а термините се 24.09.2025 и 29.10.2025.
Осминафинални двојки во Купот на Македонија:
Македонија ЃП – Струга Трим Лум
Охрид Лихнидос – Шкупи 1927
Вардар – Новаци
Башкими 1947 – Силекс
Шкендија – Тиквеш
Работнички – Брегалница 2008
Шкендија Арачиново – Пелистер
Беласица – Детонит Плачковица
Спорт
Парти инсистира дека е невин по обвиненијата за силување

Фудбалерот на Виљареал, Томас Парти, претпладнево се изјасни за невин кога се појави пред судот во Лондон, по обвиненијата за силување и сексуален напад.
Парти беше обвинет по пет точки за силување и едно обвинение за сексуален напад, поради спорни настани во 2021 и 2022 година. Обвиненијата се однесуваат на три жени.
Парти во тоа време беше член на Арсенал, а веќе една година англиските медиуми пишуваат за овој случај.
„Топџиите“ не го продолжија договорот со 32-годишникот, па тој го напушти клубот како слободен агент и се пресели во Шпанија со одобрение на судот.
Според условите што ги постави судот, Парти не смее да контактира со ниту една од трите жени, мора да пријави каква било промена на адресата во полиција и мора редовно да одговара на судските покани за сослушувања. Следното е закажано за 2 октомври.
Фудбалерот ги негира сите обвинувања.
Парти синоќа играше за Виљареал, против Тотенхем во првиот натпревар од Лигата на шампионите, на тереното влезе во 78-та минута, но не можеше да го спречи поразот на „Жолтата подморница“.
Парти е роден во 1993 година во Гана, а на 19-годишна возраст дојде во шпански Леганес. Набрзо се пресели во Атлетико Мадрид, во чиј прв тим беше од 2015 до 2020 година, исклучувајќи ги позајмувањата во Мајорка и Алмерија.
Тој беше член на Арсенал од летото 2020 година, кога клубот за неговиот трансфер на Атлетико му плати 50 милиони евра.
Foto/ EPA