Спорт
Волкановски го поддржа Кирјос: Сакам да гледам како Австралијците тепаат!

УФЦ шампионот Александер Волкановски му даде поддршка на својот австралиски сонародник, Ник Кирјос пред неговото прво финале на Вимблдон и откако самиот Кирјос изјави дека е разочаран што нема поддршка од најголемите австралиски спортисти.
Во петокот, 27-годишниот Кирјос изјави дека е разочаран што екстенисерите како Пет Кеш и Марк Филипусис не сакаат да го поддржат на Ол Ингланд клубот, откако Кеш изјави дека однесувањето на Кирјос е „засрамувачко“ за Австралија. Кирјос го издвои само капитенот на Дејвис куп репрезентацијата, Лејтон Хјуит, како човек кој секогаш го поддржувал.
Но, УФЦ суперѕвездата Волкановски, кој минатиот викенд ја одбрани титулата во перо категорија против Макс Холовеј, се јави преку Инстаграм.
„Сакам да гледам како Австралијците тепаат на светска сена! Ајде, Ник, ние сме тука зад тебе“, напиша Волкановски на Инстаграм.
Секако, за одбележување и тоа што Волкановски има македонско потекло, додека Кирјос, секако, има грчко потекло.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.
Спорт
Бојан Димоски се сели во ТСЦ

Левиот бек Бојан Димоски кариерата ќе ја продолжи во ТСЦ. Клубот од Бачка Топола ќе издвои 100.000 евра за неговиот трансфер од Акрон, дознава „Моцарт Спорт“.
Во ТСЦ процениле дека им е потребно засилуваеа на левата страна, бидејќи Немања Петровиќ сè уште не се вратил на теренот поради сериозна повреда од минатата сезона.
Димоски одигра четири натпревари оваа пролет за Партизан, на кој му се приклучи од Акрон како позајмен играч.
Пред тоа, ги бранеше боите на Брера од Струмица и на Вардар. Одигра 20 натпревари за репрезентацијата на Македонија.
Спорт
Кристал Палас го заврши трансферот на Јереми Пино

Шпанскиот репрезентативец Јереми Пино е новото засилување на Кристал Палас, во кој ќе ја наследи улогата на доскорошниот лидер на „орлите“ Еберечи Езе.
Езе, минатата недела се пресели во Арсенал, а освојувачот на ФА Купот од трансферот заработи 79.000.000 евра. Менаџерот Оливер Гласнер експресно најде замена за Езе. Кристал Палас ќе му плати на Виљареал 30.000.000 евра за Пино.
Момчето од Канарските Острови одигра 170 натпревари за „жолтата подморница“, со напаѓачки настап од 22 гола и 23 асистенции. Тој ја освои Лигата на Европа во 2021 година, но и Лигата на нации во 2023 година со Шпанија, за која играше 15 пати.
На почетокот на сезоната, клубот од главниот град на Англија го изненади Ливерпул и го освои Комјунити Шилд, додека во Премиер лигата освои два бода во првите два натпревари.