Спорт
Вознијацки се пензионира во јануари: Ги остварив сите мои соништа
Поранешната светска тенисерка број 1, Каролине Вознијацки објави дека се повлекува од професионалниот тенис со долг пост на Инстаграм, ставајќи на кариерата во која дури во вториот дел ги оствари своите најголеми успеси.
Вознијацки, сепак, ќе се натпреварува на Австралија опен во 2020 година во јануари, што ќе биде нејзин последен турнир.
„Играм професионален тенис од мојата 15-та година и сега го комплетирам ова прво поглавје од мојот живот. Со 30 ВТА титули, прво место на ВТА листата 71 недела, победа на ВТА финалето, 3 олимпијади и освојувањето на Австралија опен во 2018, остварив сè што било кога сонував на тенискиот терен. Секогаш си велев дека кога ќе дојде времето, има работи кои сакам да им се посветам надвор од тенисот. Последните месеци, по бракот со Дејвид имам поинакви цели и страсти во животот“, напиша Вознијацки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Наполи пронајде замена за Де Брујне?
Наполи е принуден да бара нов играч од средниот ред во зимскиот преоден рок по сериозната повреда на клучниот играч Кевин Де Брујне, кој би можел да го пропушти остатокот од сезоната.
Тренерот Антонио Конте го постави доведувањето на нов играч од средниот ред како приоритет, а на врвот на неговата листа на желби е Коби Маину од Манчестер Јунајтед, додека Сунгуту Магаса од Вест Хем се споменува како алтернатива.
Иако минатата сезона ја освои титулата во Серија А, Конте дополнително го засили средниот ред ова лето со спектакуларниот слободен трансфер на легендата на Манчестер Сити, Кевин Де Брујне.
Белгискиот играч од средниот ред имаше одличен почеток на сезоната и брзо се адаптираше, но во октомври доживеа сериозна повреда во победата од 3:1 над Интер.
Прегледите покажаа висок степен на руптура на бицепсот на феморисот во горниот дел од десната нога.
Се шпекулира дека рехабилитацијата на Де Брујне ќе трае до крајот на февруари или почетокот на март. Ситуацијата е уште позагрижувачка бидејќи тој оперираше истиот мускул во 2023 година, поради што го пропушти поголемиот дел од сезона во дресот на Сити.
Конте мора да бара нов играч од средниот ред, и заедно со Маину, кој падна во втор план во Манчестер Јунајтед, на листата се наоѓа и Сунгуту Магаса од Вест Хем.
Додека Маину останува примарна цел, Магаса се разгледува како алтернатива. Според новинарот Николо Чекарини од „Тутомеркато“, Магаса е поевтина опција бидејќи би можел да биде достапен за само 15 милиони евра.
Поранешниот играч на Монако се приклучи на Вест Хем минатото лето и оваа сезона има одиграно осум натпревари во Премиер лигата, од кои само четири како стратер.
Foto/ freerangestock
Спорт
Хамилтон: Само сакам да се исклучам од Матриксов
Луис Хамилтон едвај чекаше да заврши сезоната во Формула 1, сезона во која ги забележа најлошите резултати во кариерата.
Се очекуваше многу од Британецот, за кого ова беше прва сезона во Ферари, но целата сезона беше катастрофална.
Хамилтон никогаш не успеа да стигне до подиумот во сезоната, која штотуку заврши, додека единствената победа ја забележа во спринтерската трка во Кина.
Од друга страна, ниту Ферари не блескаше, тие имаа една од најлошите сезони во поновата историја.
„Во моментов, само се радувам на паузата, сакам целосно да се исклучам. Да не разговарам со никого. Никој нема да може да ме пронајде оваа зима. Нема да го имам телефонот со мене. Искрено, се радувам на тоа. Само сакам да се исклучам од Матрицата (Matrix). Секогаш го имам телефонот со мене, но овој пат оди во корпа за отпадоци“, објави Хамилтон.
Луис ја заврши сезоната со дури 86 поени помалку од својот клупски колега Шарл Леклер.
Foto/ freerangestock
Спорт
Корејка го уценувала Сон, ќе лежи четири години во затвор
Жена од Јужна Кореја беше осудена на четири години затвор за изнуда поврзана со капитенот на националниот тим и ѕвездата на МЛС, Сон Хеунг-Мин, објави новинската агенција Јонхап.
Гореспоменатата жена побарала пари од фудбалерот, тврдејќи дека е бремена и дека тој е татко на детето.
ената е обвинета за изнуда на 300 милиони вони (170.000 долари) од Сон кон крајот на 2024 година, откако му испратила, резултати од преглед направен со ултразвук и му се заканила јавно дека ќе објави дека е бремена со него. Потоа се обидела да изнуди дополнителни 70 милиони вони од него со помош на нејзиното тогашно момче, кое е осудено на две години затвор за обид за уцена, објави Јонхап.
Двајцата се во притвор од мај. Обвинетите ја искористиле славата на Сон и неговата „ранливост“ за видот на кривично дело што го сториле, предизвикувајќи му значителна ментална болка, според пресудата на судот.
Фудбалерот одбил да го плати преостанатиот износ и поднел тужба. Судењето се одржа минатиот месец на затворено рочиште каде што се појави 33-годишниот Сон, моментално играч на Лос Анџелес.
Foto/ freerangestock

