Спорт
Време е за промени во тенисот – Од 2025 година без линиски судии

Светската тениска асоцијација (АТП) одлучи од 2025 година да нема линиски судии на турнирите во нивната организација. Сè ќе биде електронски, а на теренот покрај играчите и собирачите на топчиња, ќе биде уште само главниот судија.
„ELC live“ кој ја детектира патеката на топката првпат беше претставен во 2017 година на завршниот турнир „NextGen“.
Линиските судии се вработуваат драстично помалку од почетокот на пандемијата на коронавирус, за да се намали бројот на луѓе на теренot.
Електронскиот систем главно се користи на тврди терени, но АТП најави дека во иднина ќе се користи и на земјена подлога.
Одредени турнири, како Ролан Гарос, сè уште одолеваат на промените, па ангажираат линиски судии, чии одлуки лесно може да се проверат поради трагата што ја остава топката.
„Ова е важен момент за нашиот спорт, не е момент во кој стигнавме без внимателно размислување. Традицијата е суштината на тенисот, а линиските судии играа важна улога низ годините. Сепак, ние имаме одговорност да ги прифатиме иновациите и новите технологии“, рече Андреа Гауденци, директор на АТП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Миовски се враќа во Шкотска, ќе потпише за Глазгов Ренџерс

Македонскиот репрезентативец Бојан Миовски се враќа во Шкотска. Џирона и Глазгов Ренџерс го договориле трансферот. Миовски ќе гоо стави потписот на договорот со „полицајците“ кога ќе ги мине лекарските прегледи, кои се најавени до крајот на денот.
Бојан Миовски две сезони блескаше во дресот на Абердин, во кои постигна 44 гола. Минатото лето реши да се пресели во Шпанија, за да игра во Лигата на шампионите. Џирона за него на Абердин му плати 8.500.000 евра.
Во Каталонија немаше добра сезона, постигна четири гола во 25 натпревари во сите натпреварувања, но речиси не играше во вториот дел од сезоната, поради повредите, но и поради одлука на тренерот.
Неговиот статус не се смени ниту во новата сезона и покрај тоа што беше стартер во првото коло против Рајо Ваљекано (0:2). Миовски одигра 45 минути, а потоа беше заменет кога голманот Газанига доби црвен картон.
Во второто коло и убедливиот пораз од Виљареал, Миовски воопшто не беше во составот на Џирона и тогаш беше јасно дека во клубот повеќе не сметаат на него.
Џирона реши да го продаде напаѓачот и покрај тоа што имаше до јуни 2028 година.
Глазгов Ренџерс за Миовски на Џирона ќе и плати 5.000.000 евра.
Foto/ EPA
Спорт
Челниците закажале состанок со Аморим

Манчестер јунајтед, во средата доживеа шокантна елиминација од Лига купот од членот на Четвртата лига Гримзби.
Поразот во медиумите беше означен како најголем срам во клупската историја. Логично е дека елиминацијата предизвика потреси во клубот.
Рубен Аморим не успева да ги спроведе своите идеи, а за време на репрезентативната пауза се очекува да разговара со клупските челници, објавува „Дејли меил“.
Португалецот истакна дека нешто мора да се промени, но да се сменат 22 играчи е невозможно. Медиумите оваа изјава ја протолкуваа како знак на заминување.
Сепак, во клубот не размислува за такво сценарио, иако Аморим нема победа во првите две кола од Премиер лигата. Ќе видиме дали оваа шлаканица во Купот ќе ги раздвижи „црвените ѓаволи“, кои потрошија повеќе од 200.000.000 евра во овој преоден рок.
Фото/ Принтскрин
Спорт
Шкендија ги дозна противниците во Конференциската лига

Македонскиот шампион Шкендија ги дозна противниците во главната фаза во Конференциската лига.
Софтверот на УЕФА одреди Шкендија да игра дома со Слован Братислава, Јагиелонија и Шелбурн, а клубот од Тетово ќе гостува кај Рајо Ваљекано, Дрита, АЕК Ларнака.
Распоредот на натпреварите и станицата УЕФА ќе го објави во недела.
Првото коло е закажано за 2 октомври, а шестото коло ќе се игра на 18 декември. Првите осум екипи на крајот од лигашката фаза директно ќе влезат во осминафиналето од натпреварувањето, а екипите од 9-то до 24-то место ќе ја играат плеј-оф за пласман во осминафиналето.
Финалето на Конференциската лига ќе се игра на 27 мај во Лајпциг.
Foto/ dailysports.net