Спорт
Втор позитивен тест за Хрватот Вушковиќ, му се заканува суспензија, но и затвор?
![](https://makfax.com.mk/wp-content/uploads/2022/12/regular-16-9-1-1.jpg)
На младиот хрватски дефанзивец, Марио Вушковиќ му се заканува долга суспензија од фудбалот, но и затворска казна во Германија, откако Хамбургер потврдија дека и неговиот втор примерок бил позитивен на еритропоетин (ЕПО), средство кое го зголемува бројот на црвените зрнца и вообичаено беше злоупотребуван од велосипедистите, на кои им е потребна голема издржливост.
21-годишниот Вушковиќ, кој пристигна во Германија од Хајдук во текот на летниот преоден рок, првпат беше позитивен во септември, по што клубот го отстрани од тренинзите на клубот, а полицијата влезе во неговиот стан и му беше одземен компјутерот и телефонот.
Според германските медиуми, покрај казната од четири години за позитивниот тест, можно е тој да добие и затворска казна, посочувајќи на примерот на поранешниот германски боксер, Феликс Штурм, кој во 2016 беше осуден на три години затвр поради допинг, физичко насилство и затајување данок.
HSV statement on Mario Vuskovic's positive B sample ⬇https://t.co/yQWwAkl7Zl
— HSV English (@HSV_English) December 15, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Заврши ЕП за Филип Костиќ
![](https://makfax.com.mk/wp-content/uploads/2024/06/12304166.jpg)
Репрезентативецот на Србија, Филип Костиќ го заврши учеството на Европското првенство поради повреда на коленото, тврдат медиумите во оваа земја.
Костиќ се повреди против Англија, натпреварот го заврши во 41.минута. Реакцијата на фудбалерот откако беше заменет говори дека повредата не е наивна.
Костиќ со солзи во очите го напушти теренот.
„Во понеделник ќе оди на сминање. Можеби е посериозно повреден. Чувствуваше болка во надворешниот дел на коленото“, рече по завршувањето на мечот со Англија, српскиот селектор Драган Стојковиќ.
Спорт
Тен Хаг: Саутгејт лошо го постави мечот со Србија
![](https://makfax.com.mk/wp-content/uploads/2024/06/12304309.jpg)
Менаџерот на Манчестер јунајтед, Ерик тен Хаг, за една холандска телевизија направи анализа на натпреварот Англија-Србија. Англичаните не играа добро но сепак победија со 1:0.
„Во првото полувреме уживав само во играта на Белингем. Ја водеше Англија, играше на повисоко ниво од останатите играчи. Англичаните играа многу пасивно. Константно се враќаа назад ѝ дозволија на Србија да напаѓа“, рече Тен Хаг.
После тоа, човекот кој ќе остане на „Олд Трафорд“ и следната сезона го критикиваше англискиот селектор, Герет Саутгејт за начинот на на кој го подготвил натпреварот. Саутгејт.
„Англичаните поведоа со 1:0, а потоа Саутгејт реши да се коцка затоа што не напаѓаше, туку и дозволи на Србија да ја контролира играта, а во нападот ако се укаже шанса да направи нешто тогаш во ред, ако не никому ништо“.
Спорт
Крај на сагата, Хезоња останува во Реал
![](https://makfax.com.mk/wp-content/uploads/2024/06/b0fb160b-hezonja-real-olympiacos.jpg)
Капитенот на кошаркарската репрезентација на Хрватска, Марио Хезоња останува член на Реал Мадрид.
Главна вест на водечкиот шпански спортски медиуми „Марка“, среде Европското првенство во фудбал етрансферот на Хезоња. Според овој извор тој решил да го продолжи договорот со Реал Мадрид.
Тоа значи дека сагата конечно заврши и дека Хезоња нема да ги засили Барселона, Панатинаикос или Партизан и нема да се обиде повторно во НБА лигата.
На Барселона не и се допадна неговото однесување, односно неговите изјави по освојувањето на шампионската титула во Шпанија, поради што „клупските челници го искинале договорот со Хезоња.
Како и да е, хрватскиот репрезентативец сакаше се да реши пред почетокот на квалификациите за Олимписките игри и успеа во тоа.
Што се однесува до Барселона, тие го решија горливиот проблем со ангажманот на капитенот на Партизан, Кевин Пантер.