Спорт
Вучиќ: За нас не е ЛШ, треба да играме во Лига Европа и Конференциската лига

Претседателот на Србија, Александар Вучиќ, смета дека Лигата на шампионите не е натпреварување во кое српските клубови можат да играат рамноправно со европските ривали.
Благодарение на добрите резултати во европските купови во претходните сезони, оваа беше историска, бидејќи Србија имаше директен претставник во Лигата на шампионите, заедно со тим од Лига Европа и Конференциската лига. Три екипи во групната фаза од европските натпреварувања, српските тимови во 12 натпревари освоија само два бода.
Црвена звезда минатата недела, беше блиску до реми со Лајпциг во Белград, но не успеа и доживеа пораз 1:2. Тој натпревар го следеше српскиот претседател Александар Вучиќ.
На гостувањето во „ТВ Пинк“ изјави дека верува оти Лигата на шампионите не е натпреварување во кое Црвена звезда треба да биде рамноправна со другите ривали.
„Луѓето се незадоволни, Лајпцигводи. Нема место за кртики? Значи, еден играч на Лајпциг вреди колку целиот тим на Црвена звезда? Имаме што да бараме во кошарката, не затоа што сме многу поталентирани, да бидете целосно фер.Звезда и Партизан, Партизан и Звезда, имаат повеќе пари од државата Србија во кошарка од која било европска екипа од нивната земја. Ниту Реал Мадрид, ниту Барселона, ниту Олимпијакос, ниту Панатинаикос… Никој од државата не добива толку пари колку што добиваат Партизан и Црвена звезда. И луѓето од нов имаат право да бараат резултати.
А во фудбалот сме далеку… Чави Симонс вреди 75.000.000 евра, тој што ни го даде голот. Повеќе од целиот тим на Звезда. И тоа не е многу познат. Кога ќе ги погледнете нивните стопери кои се брзи како Усеин Болт, тоа е неверојатно. Ние сме далеку од нив. Лига на шампиони, не е за нас, за нас онаа Лига без грижи, Конференциска лига, а понекогаш да играме и Лига Европа. Останатите, ајде да симнеме капа, да му честитаме на мајсторот. Онаму каде што ќе освоиме бод, тоа е добар резултат“, рече претседателот на Србија
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Димитриевски би можел да се пресели во Елче

Столе Димитриевски до крајот на преодниот рок ќе ја напушти Валенсија. Целта на македнскиот репрезентативец е да остане во Шпанија.
Димитриевски, минатото лето како слободен играч пристигна во Валенсија од Рајо Ваљекано. Претходно клубот го продаде Георги Мамардашвили во Ливерпул, но клубот од Англија репи да го остави голманот на позајмица.
Кога клубовите се договорија јасно беше дека Димитриевски ќе биде резерва. Бранеше само на натпреварите во Купот и на неколу натпревари во првенството кога Грузиецот беше повреден.
Статусот на Димитриевски не се подобри ниту по завршувањето на сезоната, Мамардашвили замина, но Валенсија реши на позајмица од Атлетик Билбао да го донесе младиот голман Хулен Агирезабала.
Поради ваквата одлука на клубот македонскиот репрезентативец сака да ја напушти „Местаља“.
Шпанските медиуми пишуваат дека постои шанса Димитриевски новата сезона да ја мине на позајмица во Елче. Клубот по пауза од една година се врати меѓу шпанската елита и бара искусен голман за предизвиците во Примера.
Foto/ EPA/Rodrigo Jimenez
Спорт
Де Брујне ја објасни разликата помеѓу Конте и Гвардиола

Кевин Де Брујне вели дека се стреми кон 25-от трофеј во својата прва сезона со Наполи и ги објасни разликите помеѓу Пеп Гвардиола во Манчестер сити и Антонио Конте.
„Би рекол дека имаат два различни начини на игра. Пеп е веројатно малку повнимателен во контролата и поседот на топката, додека Конте е малку поструктуриран во играта и многу се фокусира на менталитетот. Пеп работи повеќе во просторот“, изјави Де Брујне за „Кориере дело Спорт“.
„Постојат неколку различни работи, но секој тренер има свои принципи и карактеристики“.
Белгиската ѕвезда, исто така, објасни кој трофеј најмногу сака да го освои за време на неговиот престој во Наполи.
„Веројатно Скудетото, но никогаш не сакам да бирам. Ќе земам што можам да освојам. Сепак, бидејќи никогаш не сум играл во Италија, освојувањето на лигата би била добра цел, тоа би било многу кул“.
Спорт
На сите играчи што ќе испаднат од Серија А ќе им бидат намалени платите

Италијанската фудбалска федерација и Серија А постигнаа договор со кој платите на фудбалерите ќе бидат намалени за 25 проценти доколку нивните тимови испаднат во Серија Б.
Петгодишниот договор беше објавен денеска. Намалувањето на платите има за цел да го намали финансискиот притисок врз клубовите испаднати од Серија А и ќе важи за сите договори потпишани по 2 септември 2025 година.
Новиот систем автоматски ги намалува платите, освен ако не е поинаку наведено во договорот на играчот.
Постојните договори ќе останат предмет на претходно договорени услови. Доколку тимот се врати во Серија А, платите ќе се вратат на нивната оригинална вредност.
Колективниот договор, исто така, воведува структура на минимална плата врз основа на возраста на играчот, која не може да се намали дури ни по испаѓањето.