Спорт
Вучиќ им порача на Партизан и Звезда: Платете данок
![](https://makfax.com.mk/wp-content/uploads/2023/04/thumb3.jpg)
Српскиот претседател Александар Вучиќ им се обрати на најголемите српски клубови. Тој им честиташе на успесите и им порача по завршувањето на сезоната да си ги измират долговите кон државата.
„Им честитам на кошаркарите на Партизан за де факто пласманот во Топ 8. Се надевам дека до крајот на сезоната ќе си ги платат долговите. Звезда има долг од околу 1,5 милиони, а Партизан околу 7 милиони, додека ФК Партизан има долг од околу 18 милиони што е ужасно, Звезда плати 7,3 милиони евра од долгот што го има, а од Партизан велат дека клубот земал позајмица. Не ме интересира од каде ги добиле парите? Звезда ги даде парите и јас им честитам на тоа, а како ќе се оддолжат дали од ЛШ тоа не е моја работа. Во Звезда ситуацијата е поповолна отколку во Партизан Им помогнавме и на едните и на другите, успешно не претставуваа во кошарка, а во фудбал Звезда беше некогаш повеќе понекогаш помалку успешна. Партизан сега доби и кинески спонзори и тие треба да се занимаваат со нивните спонзори, чекаме да заврши сезоната и да платат.Позајми од кој сакаш и плати и на државата.Нема да дозволиме други да бидат сопственици. .. Вака, да бидам искрен, фрламе пари во бунар, затоа што знаеме дека тоа е важно за дел од народот. Ги имаме Чукарички, ТСЦ капа долу, мајстори, вие маестрално управувате. Терзиќ (Црвена звезда), плати 7,3 милион браво мајстори и покажаа дека државата е приоритет, а државата не се уценува со викање „Вучиќ пе*ер“. Еве, ако ќе ви биде полесно, јас ќе бидам пе*ер, и ќе има 10 м автопат. Плаќајте даноци. Тоа е ваша одговорност. На Звезда и посакувам многу среќа во Лигата на шампионите, особено по долги години пропаѓање“, изјави Александар Вучиќ и посочи уште еден пример.
„ФК Војводина функционира перфектно по долги години во кои пропаѓаше. Ја водат тешки, но сериозни луѓе. Ја водат како приватна компанија и затоа Војводина нема повеќе долгови. Ќе победите поголеми екипи од Шериф ако ги средите финансиите, Честитки за Звезда, честитки за Партизан, очекувам и Партизан и Звезда да плаќаат данок затоа што сите мора да го прават тоа“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва