Спорт
WhoScored: Барди во идеалниот тим на европските квалификации

Специјализираниот фудбалски портал „WhoScored“, анализирајќи ги резултатите, го избра идеалниот тим, во штотуку завршените квалификации за пласман на Светското првенство во Катар.
Меѓу најдобрите единаесетмина се наоѓа и македонскиот репрезентативец Енис Барди. Според порталот Барди има вкупен рејтинг 7,82.
„Клучниот играч на Македонија во завршницата на квалификацискиот циклус. Извонредна партија во победата над Ерменија од 5:0, каде што постигна хет-трик. Има просек од 2,3 клучни додавања по натпревар“, пишува „WhoScored“, во својот коментар.
Осуммина во овој тим доаѓаат од репрезентациите кои се пласираа на Мундијалот во Катар. Двајца, Барди и Жоао Кансело од Португалија ќе играат бараж за пласман на Светското првенство, а само голманот на Лихтенштајн, Бенжамин Бушел, со својата репрезентација ги заврши настапите.
Покрај Барди во идеалниот тим на порталот се најдоа: Бенжамин Бушел (Лихтенштајн), Жоао Кансело (Португалија), Хари Мегваер (Англија), Вирџил ван Дајк (Холандија), Јоаким Меле (Данска), Стивен Бергис (Холандија), Дуашан Тадиќ (Србија), Мемфис Депај (Холандија), Хари Кејн (Англија) и Роберт Левандовски (Полска).
Фото/ffm.mk
? Most perfect WhoScored rated ? performances in European World Cup qualifying:
? ?? Memphis Depay – 4
? ??????? Harry Kane – 2? See who joins the duo in the full best XI from European World Cup qualifying ?
— WhoScored.com (@WhoScored) November 17, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Најлошиот натпревар во кариерата на Никола Јокиќ – ова никогаш не му се случило на трикратниот МВП на НБА

Денвер Нагетс на Никола Јокиќ ги победија Оклахома Сити Тандер со 113:104 и поведоа со 2-1 во полуфиналето на Западната конференција, но центарот на тимот од Колорадо нема да го памети добро овој натпревар.
Јокиќ го заврши натпреварот без ниту една тројка, иако упати десет удари кон противничкиот кош.
Не е прв пат центарот на тимот од Колорадо да го заврши натпреварот без ниту една тројка, но му се случи за прв пат да не помине топка низ обрачот по десет обиди.
Досега, Јокиќ имаше најмногу промашени шутеви, осум, на 10 март 2022 година, против Голден Стејт Вориорс.
Спорт
Драма во Шпанија: Тренерот на Жирона итно префрлен во болница

Фудбалскиот тренер на Жирона, Мичел Санчез, напиша на социјалната мрежа X дека е хоспитализиран, но не ги наведе причините поради кои е примен во болница.
„Морав да бидам хоспитализиран и ќе бидам под лекарски надзор неколку дена“, напиша Санчез, додавајќи дека се чувствува добро и со нетрпение очекува да се врати на клупата.
Поради здравствената состојба, Санчез нема да го предводи тимот на натпреварот против Виљареал во сабота. Жирона моментално е на 15-то место на табелата, шест бода над зоната за испаѓање, а до крајот на првенството остануваат уште четири кола.
Ниту клубот, ниту тренерот не објавија повеќе детали за неговата здравствена состојба.
„Се чувствувам добро, под надзор сум на лекар и ги бројам деновите до враќањето на работа за да можеме да ја продолжиме борбата до крајот на сезоната. Ќе бидам отсутен од теренот, но во постојан контакт со стручниот штаб“, рече Санчес.
Минатата сезона, Санчез го предводеше каталонскиот клуб до историско трето место во шпанското првенство. Сепак, тимот се соочи со проблеми оваа сезона откако клучни играчи го напуштија клубот за време на летниот преоден рок, па Жирона е само 15-та на табелата со 38 бода, и сè уште не ја надминала борбата за опстанок.
Спорт
Средба која се чека со години: Ана Ивановиќ и Ѓоковиќ повторно заедно?

Ана Ивановиќ и Новак Ѓоковиќ би можеле повторно да се сретнат за прв пат по долго време.
На турнирот во Женева, најдобриот тенисер на сите времиња, Новак Ѓоковиќ, ќе ги направи последните подготовки за Ролан Гарос, а се очекува да пристигне и некогашната српска тенисерка Ана Ивановиќ во својство на почесна гостинка и поранешна шампионка, пренесуваат српските медиуми.
Нивната средба би можела да се случи во многу деликатен момент за двајцата.
Имено, се повеќе се шпекулира дека Ана поминува низ брачна криза со Бастијан Швајнштајгер и дека развод е на повидок.
Од друга страна, Новак поминува низ чуден период. Од почетокот на годината, тој е далеку од препознатливо ниво, се откажа од мастерсот во Рим без конкретна причина, а се повеќе се шпекулира за крајот на неговата кариера.
Турнирот во Женева е закажан од 17 до 24 мај.