Спорт
За десет години Барса фрли во ветер 500.000.000 евра
Заминувањето на Усман Дембеле е само еден во низата трансфери каде Барселона загуби десетици милиони милиони евра.
Барселона е позната по тоа што е еден од најтрофејните клубови во светот, но и по лошите финансиски одлуки и лошите проценки, кои особено се изразени во последната деценија. Во последните десет години шпанскиот шампион загуби речиси половина милијарда евра на трансфери, точно пресметано минусот изнесува 482,4 милиони евра.
Најнов финансиски неуспех на тимот од Каталонија е Усман Дембеле. Французинот кариерата ќе ја продолжи во ПСЖ, а Барселона од трансферот ќе добие 50 милиони евра.
Напаѓачот беше донесен во 2017 година за 140 милиони евра. Тоа е третиот најскап трансфер во историјата на фудбалот. Заминувањето на Дембеле ќе биде една од најлошите зделки во историјата на Барселона, бидејќи тие се во минус за дури 90 милиони евра.
Ова не е првпат Барселона да прави фатални грешки. Филипе Кутињо дојде во шпанскиот клуб во јануари 2018 година за неверојатни 135 милиони евра. Бразилецот не се снајде најдобро, па беше испратен на позајмица во Баерн Минхен, а минатото лето замина во Астон Вила. Тој замина во англискиот клуб за 20 милиони евра, додека позајмицата во Баерн изнесуваше осум и пол милиони евра, што е минус од речиси 107 милиони евра.
Дембеле не е првиот Французин кој ги „оштети буџетот“ на Каталонците. Антоан Гризман се претстави добро во Атлетико Мадрид и Барса потроши 120 милиони евра на неговиот трансфер. Но Гризман не се снајде во Барселона. Атлетико прво го позајми, а на крајот го купи за 30 милиони евра, што значи дека Барселона загуби 90 милиони евра.
Миралем Пјаниќ кој дојде за 60 милиони евра беше огромен неуспех и на крајот замина во Обединетите Арапски Емирати бесплатно. Во моментов игра за Ал-Шарјаха. Не треба да се заборават и неуспешните трансфери на Арда Туран, Малком, Алеиш Видал…
Иако Барселона главно имаше огромни финансиски неуспеси, направија и некои добри зделки. Заработија околу 50 милиони на Артур Мело, скоро 18 милиони на Јери Мина, 12,5 на Пјер-Емерик Обамејанг и 11 милиони на Емерсон Ројал, кој во клубот се задржа само 45 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Осум голови на „Олд Трафорд“, по бод за Мначестер Јунајтед и Борнмут
Манчестер Јунајтед и Бортнумт приредија спектакл за крај на 16-то коло во Премиер лигата. Натпреварот на „Олд Трафорд“ заврши 4:4 (2:1). Јунајтед на табелата се во групата тимови со 26 поени, распоредени од петтото до осмото место, додека Бортмут со 21 бод се наоѓа на 13-та позиција.
Тешко е да се опшише што се се случуваша на „Олд Трафорд“, Јунајтед водеше 1:0 (Диало) и 2:1 (Касемиро) по првиот дел. Борнмут со блиц криг на почетокот на второто полувреме направи пресврт и поведе 2:3 (Еванилсон и Таверние).
На ист начин возратија фудбалерите на Јунајтед во 77-та и 80-та минута кога ја вратија предноста (3:4), стрелци Бруно и Куња, а точка на спектакуларниот меч стави Крупи во 84-та минута.
Спорт
(Видео) Рома го победи Комо, се доближи на три бода до лидеорт Интер
Фудбалерите на Рома го победија Комо (1:0) на „Олимпико“, во последниот натпревар од 15-то коло на Серија А.
Голот за победа на „волчицата“ го постигна Весли Франко во 61-та минута од натпреварот.
Комо ја пропушти најдобрата шанса во финишот, кога ударот на Штефан Пош брилијантно го блокираше Еван Ндика.
Рома навести излез од кризата, по два последователни порази, и моментално го држи четвртото место со 30 бода, три помалку од лидерот Интер.
Комо по вториот последовен пораз остана на седмото место со 24 поени.
Двата тима во наредното коло ќе гостуваат, Рома кај Јувентус, а Комо во Лече.
Спорт
Тиаго Силва се враќа во Европа
Иако минатото лето се чинеше дека ќе стави крај на својата богата кариера во Флуминензе, Тијаго Силва ги промени своите планови.
Легендарниот бразилски стопер, по 15 години поминати во европскиот фудбал, се врати во својата татковина со идеја да се пензионира по шест месеци. Тој дел од планот сè уште стои – но каде ќе заврши кариерата веќе не е сигурно.
Имено, Силва (41) сериозно размислува за враќање во Европа, веќе во текот на претстојната зима. Главната причина е Светското првенство во 2026 година.
Искусниот дефанзивец сака да го импресионира селекторот на Бразил, Карло Анчелоти, и верува дека играњето во европскиот фудбал, дури и ако тоа се само неколку месеци, значително би ги зголемило неговите шанси да биде во составот за Светското првенство во САД, Канада и Мексико.
Заедно со спортските, постојат и приватни причини. Семејството на Силва моментално живее во Лондон – сопругата и децата останаа во Англија бидејќи најмалите се дел од академијата на Челзи – што дополнително ја поттикнува идејата за враќање на Стариот континент.
Ситуацијата во Флуминензе, исто така, придонесе за пресвртот. Клубот беше елиминиран од Купот на Бразил откако беше поразен од Васко де Гама, во Серија А го освои петтото место, а сега се очекува да настапи во првенството на Кариока, што не претставува предизвик што Силва го бара на крајот од кариерата.
Силва веќе се збогува со своите соиграчи во соблекувалната по испаѓањето од купот, што дополнително ги разгоре шпекулациите.
Foto/ depositphotos

