Спорт
Забалета и Линекер лути откако емирот му го покри аргентинскиот дрес на Меси
Поранешниот соиграч на Лионел Меси од аргентинската репрезентација, Пабло Забалета беше лут откако пред доделувањето на трофејот на капитенот Меси, катарскиот шеик реши да го покрие фудбалерот со традиционална арапска облека по име бишт, така покривајќи го аргентинскиот грб.
35-годишниот Меси беше повикан последен на подиумот за да го крене трофејот и до подиумот го следеа претседателот на ФИФА, Џани Инфантино и емирот на Катар, Шеик Тамим Бин Хамад Ал-Тани. Двајцата му го облекоа биштот на Меси, така покривајќи голем дел од аргентинскиот дрес.
„Зошто? Навистина не гледам причина да се направи ова“, изјави Забалета, кој беше дел од тимот на Аргентина кој во 2014 загуби во финалето на СП во Бразил од Германија.
Со него се согласи и Гери Линекер.
„Неверојатни сцени, одлични фотографии од прославата. Вистинска срамота, што на некој начин го покрија Меси во неговиот аргентински дрес“, изјави Линекер.
Бишт е традиционална арапска облека, која вообичаено се дава на гостите на свадби и други официјални церемонии.
A final flourish from Qatar.
Dressing Lionel Messi in a bisht before allowing him to lift the World Cup.
What on earth are we watching? pic.twitter.com/yWpkcAgi91
— Gareth Davies (@GD10) December 18, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Супер Светско првенство – ова се домаќините
Светската фудбалска федерација (ФИФА) ги објави имињата на стадионите домаќини на следното Светско клупско првенство.
Натпреварот ќе се одржи на тлото на Соединетите Американски Држави од 15 јуни до 13 јули 2025 година.
Точно 32 екипи ќе бидат домаќини на Мајами, Сиетл, Лос Анџелес, Орландо (два стадиона), Атланта, Нешвил, Шарлот, Синсинати, Вашингтон, Филаделфија и Њујорк (Њу Џерси).
Повеќето од локациите се на источниот брег (8/12), бидејќи распоредот и часовите се многу подобри за гледачите во Европа.
На турнирот ќе учествуваат 32 екипи: Реал Мадрид, Атлетико Мадрид, Манчестер Сити, Челзи, Баерн, Дортмунд, ПСЖ, Интер, Јувентус, Порто, Бенфика, Салцбург, Ал Хилал, Ал Аин, Урава, Улсан, Ал Ахли, Видад, Мамелоди, Леон, Пачука, Сиетл, Палмеирас, Флуминенсе, Фламенго, Бока, Ривер и Окленд.
Преостанатите две екипи ќе бидат шампиони во Копа Либертадорес, а еден член од МЛС лигата.
Спорт
(Фото) Кирјиос повторно го прозва Синер
Австралискиот тенисер Ник Кирјиос уште еднаш потврди дека не верува во невиноста на Јаник Синер.
Во март Италијанецот двапати беше позитивен на забранетиот клостебол, му беше дозволено да игра, а во август Меѓународната агенција за интегритет во тенис го ослободи од обвиненијата за допинг.
Сепак, во саботата Светската антидопинг агенција (ВАДА) поднесе жалба до Судот за спортска арбитража (CAS) и бара суспензија од 12 до 24 месеци за играчот број еден во светот.
Кирјиос ја сподели веста на социјалните мрежи, со коментар:
„Ха-ха-ха, можеби сепак не е толку невин?
Синер е разочаран од жалбата на ВАДА, а целата ситуација ја коментираше и претседателот на Италијанската тениска асоцијација, Анџело Бинаги.
Не се знае кога CAS ќе ја донесе својата конечна одлука, а се може да потрае уште неколку месеци.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.