Спорт
Затворски казни за уценувачите на семејството Шумахер
Судот во Вупертал, Германија, осуди тројца мажи на затворски казни поради обид за уцена на семејството на легендарниот седумкратен светски шампион во Формула 1, Михаел Шумахер.
Дојче веле пренесува дека 53-годишниот Јилмаз Т. добил тригодишна затворска казна поради закана дека ќе ги објави приватните податоци на славниот Германец и неговото семејство на „dark web“ доколку семејството на Шумахер не им плати на уценувачите 15 милиони евра, додека неговиот 30-годишен син Даниел Л. ќе помине шест месеци зад решетки поради соучесништво.
Ова вклучува 900 фотографии, 583 видеа и сите податоци за здравствената состојба на Шумахер.
Поранешниот член на обезбедувањето на семејството Шумахер, Маркус Ф., е осуден на две години затвор затоа што продавал фотографии на уценувачи за наводна петцифрена сума пари.
Таткото, кој работел како обезбедување во ноќен клуб во Констанц, германски град на границата со Швајцарија, изразил каење по почетокот на судењето.
Познато е дека 56-годишниот Шумахер се здобил со сериозна повреда на мозокот по пад на скијање на француските Алпи во 2013 година.
Неговата здравствена состојба оттогаш не и е позната на пошироката јавност, бидејќи членовите на неговото семејство вешто кријат информацијата од медиумите, иако се шпекулираше дека се појавил на свадбата на неговата ќерка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Трет триумф во низа – Манчестер јунајтед го победи Брајтон
Манчестер јунајтед ја забележа третата победа во низа, во Премиер лигата, што никогаш не се случило во ерата на Рубен Аморим.
Повеќекратните европски шампиони, во деветтото коло, го победија Брајтон со 4:2.
Серијата голови ја отвори Матеус Куња со одличен шут. Во 24-та минута, Бразилецот упати удар од околу 20 метри во левиот агол на голманот на Брајтон, кој беше немоќен.
Само 10 минути подоцна, предноста беше удвоена со многу среќа. Стрелец беше Касемиро, лошо шутираше Бразилецот, но на патото кон голот закачи еден играч на Брајтон и заврши во мрежата.
Во второто полувреме Мбумо му донесе на Јунајтед недостижна предност во 61-та минута.
Брајтон успеа да го намали резултатот во 74-та минута преку ветеранот Дени Велбек, инаку поранешен играч на Манчестер Јунајтед. Целосна неизвесност внесе младиот 18-годишен Грк Костулас, со голот во 92-та минута.
Надежите на гостите дека можат да направат чудо ги урна Мбумо со вториот гол на натпреварот во седмата минута од судиското продолжение.
Јунајтед сега го зазема четвртото место на табелата со 16 бода. Брајтон е на 11-та позиција со 12 бода.
Спорт
(Видео) Наполи го победи Интер – Бизарна повреда на Де Брујне
Наполи во дербито на осмата рунда во Серија, го победи Интер со 3:1 (1:0) и се врати на челната победа на табелата. Натпреварот на „Диего Марадона“ стадионот ја обележа бизарната повреда на Де Брујне и спектакуѕларните голови на Мектоминеј и Ангиса. Репрезентативецот на Македонија, Елиф Елмас на теренот влезе во 82-та минута кога го замени Политано.
Наполи победи во дербиот, кое имаше чуден тек, барем во првото полувреме. Интер доминираше во првиот дел, создадоа играчите на Кристијан Киву неколку опасни шанси, но она што не го одбрани Милинковиќ-Савиќ, заврши во рамката на голот. Пречката ја погоди Бастони, а стативата Дамфрис.
Предност на Наполи му донесе Де Брујне од пенал во 33-та минута. Пеналот го направи Михитаријан со невнимателен старт воз Ди Лоренцо. Бизарно, но Де Брујне кога го изведе пеналот се повреди. На крајот со помош на медицинскиот тим го напушти теренот. Во вториот дел, репрезентативецот на Белгија, со помош на патерици дојде до клупата.
Вториот дел го обележаа головите на играчите на Наполи, постигнати по лошите реакции во послената линија на Интер.
Најдобриот играч во Серија А минатата сезона, Мектоминеј, испрати вистинска бомба во голот на Зомер во 54-та минута. со што го врати водството на својот тим.
Пет минути подцна, Бонџорно играше со рака, Интер доби пенал, а Чалханоглу го намали резултатот. Надежите на Интер дека ќе избегне пораз во Неаполо ги уништи Ангиса со прекрасна соло акција од која погоди во 66-та минута.
Foto/ EPA
Спорт
(Видео) Сандерленд го шокира Челзи во 93-та минута – Њукасл го победи Фулам
Два натпревари ја отворија саботната програма во Премиер лигата. Сандерленд покажа дека веќе не е изненадување во шампионатот, победи на „Стенфорд Бриџ“ со 2:1, додека со ист резултат Њукасл славеше во дуелот со Фулам.
Сандерленд, оваа сезона се врати во Премиер лигата и покажа дека нема намера да испадне. „Црните мачки“ во раната фаза оримија гол, Граначо погоди по само четири минути. За Аргентинецот ова беше деби гол во дресот на Челзи.
Гостите успеаја да се вратат во натпреварот во 22-та минута го израмнија резултатот со голот на Вилијам Исидор.
Овој резултат беше актуелен се до 93-та минута, кога молскавичен контранапад изведоа гостите, а „Стенфорд Бриџ“ го шокира Чемсдин Талби.
Челзи го забележа третиот пораз во последните пет натпревари и се наоѓа на деветтото место на табелата, додека Сандерленд со петтата победа, барем за момент се искачи на второто место.
Њукасл против Фулам поведе со голот на Џејкоб Марфи во 18-та минута и со тој резултат замина на полувреме.
Во продолжението од натпреварот, Саша Лукиќ постигна гол во 56-та минута и изедначи на 1:1.
Фулам сепак не успеа да освои бод, во таа намера го спречи Бруно Гимараеш, кој 90-та минута со спектакуларен удар му ја донесе победата на Њукасл.
„Страчките“ сега се на 11-то место, додека Фулам има четири порази по ред и моментално се на 16-то место на табелата.
Foto/ EPA

