Новак Ѓоковиќ, в недела ќе се бори за 11-та титула на Австралија Опен. Десеткратниот шампион во Мелбурн, во полуфиналето, во спектакуларен меч го победи бранителот на трофејот, Јаник Синер со 3:2 (3:6, 6:3, 4:6, 6:4, 6:4) за четири часа и девет минути игра.

„Никогаш не престанав да верувам во себе. Многу луѓе се сомневаа во мене. Гледам дека одеднаш се појавија многу „стручњаци“ кои сакаа да ме пензионираат или веќе го направија тоа неколку пати во последните години“, рече Ѓоковиќ и додаде:

„Сакам да им се заблагодарам затоа што ми дадоа сила и мотивација да им го докажам спротивното. Ова не е изненадување за мене. Знам на што сум способен“, рече Ѓоковиќ.

Неговиот настап прптив Синер, особено беше импресивен во петтиот сет, кога спаси осум брејк топки. Во текот на мечот Ѓоковиќ спаси 16 од 18-те топки за брејк.

Противник во финалето в недела ќе му биде Карлос Алкараз.

Foto/ depositphotos

Данската ракометна репрезентација ќе игра во финалето на Европското првенство против Германија, откако во второто полуфинале во Хернинг го победи Исланд со 31:28 (14:14).

Данците, в недела ќе се борат за третото европско злато, исто како и Германците.

Данска последен пат беше европски шампион во 2012 година во Белград, оттогаш двапати беше во финалето и двапати загуби од Франција (2014 и 2024).

Тимот предводен од Николај Јакобсен од клупата ги освои последните четири светски првенства и е актуелен олимписки шампион.

Во натпреварот против Исланд, Данците го скршија отпорот на својот ривал во второто полувреме, откако првиот дел беше израмнет.

Најдобар стрелец во победничкиот тим беше незапирливиот Матијас Гидсел, најдобриот ракометар во светот, со седум гола од исто толку обиди.

Веднаш зад него по ефикасност беше Јохан Хансен со шест гола (седум шута), додека Симон Питлик постигна пет.

Во поразениот тим, Јанус Даги Смарасон и Ори Фрајр Поркесон беа најдобри со по седум гола. Омар Инги Магнусон постигна шест.

Финалето ќе се одигра во недела од 18 часот, претходно во 15.15 часот ќе се одигра натпреварот за третото место.

Foto/ EPA

Германските ракометари се првите финалисти на Европското првенство. Избраниците на Алфред Гисласон го добија полуфиналето против Хрватска со 31:28.

Актуелните вицешампиони на Олимписките игри го надиграа светскиот вицешампион и со тоа го постигнаа најголемиот успех на континенталните натпреварувања од 2016 година, кога го освоија златниот медал.

Германците доживеаа два порази на ова првенство, против Србија и Данска, но клучниот триумф беше постигнат во последното коло од втората фаза над Франција.

Најефикасни кај Германија беа Зербе со шест, односно Ушчинс, Мертенс, Кнор, Фишер и Гола со по четири гола. Волф имаше дури 13 интервенции. За Хрватска се истакна Лучин со шест, односно Мартиновиќ и Кларица со по пет гола.

Хрватите добро се држеа во првото полувреме, кога се играше гол за гол. Во последните 90 секунд Германија успеа да се одвои на два гола разлика.

Добрата игра од финишот на првиот дел, Германците ја пренесоа и на стартот од втриот, кога со серија 5:1 и со тоа го скрши отпорот на своите ривали.

Пред последните неколку минути, Хрватите успеаја да стигнат до негатива од три гола, пред последната минута и до -2, но тоа беше сè од избраниците на Дагур Сигурдсон.

Вториот полуфинален натпревар, помеѓу Данска и Исланд ќе започне во 20:30 часот.

Мечот за бронзениот медал е во недела во 15:15 часот, додека финалето е закажано за 18:00 часот.

foto/ EHF EURO