Спорт
Заврши сезоната за вундеркиндот на Барселона
Марк Бернал (17), откритието на Ханси Флик, новиот тренер на Барселона, нема да игра до крајот на сезоната.
Младиот дефанзивен играч за врска оваа сеозна дебитираше во сениорскиот тим и беше стартер во сите три првенствени натпревари. Барселона забележа три идентични победи (2:1), но синоќа против Рајо Ваљекано, Бернал се повреди.
Шпанските медиуми пишуваат дека тој при еден старт, кога со прекршок го запре Иси Паласон, ги скинал предните вкрстени лигаменти на левото колено. Додаваат дека ќе биде принуден да паузира девет месеци и дека на терените би можел да се врати најрано на крајот на сезоната. Тоа ги шокираше сите во Барселона и целосно го уништи фактот што по шест години славеа кај Рајо Ваљекано и со таа победа останаа перфектни и осамени на врвот на Ла Лига.
„Ние го добивме натпреварот, но никој во соблекувалната не е среќен. повредата на Бернал не изгледа добро“, рече тренерот Флик.
Шпанските новинари додаваат дека Бернал го напуштил стадионот „Ваљехас“ со помош на патерици и дека по слетувањето во Барселона го напуштил авионот со помош на соиграчите. Тие му помогнале да дојде до амулантното возило кое го чекало.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
По втор пат во Општина Илинден меѓународен фудбалски турнир ,,Илинден куп 2024“
И оваа година Општина Илинден е домаќин на меѓународниот фудбалски турнир ,Илинден куп 2024“, така што од денес до недела Општина Илинден ќе пулсира во духот на спортот. На спортските терени во Марино и Кадино се одржуваат фудбалските натпревари во рамки на меѓународниот фудбалски турнир ,Илинден куп 2024“. На турнирот учествуваат околу 160 европски, балкански и македонски клубови со околу 2000 учесници деца на возраст од 8 до 12 години.
,Илинден куп 2024“ денеска на фудбалскиот терен во Марино го отвори покровителот, градоначалникот на Општина Илинден, Александар Георгиевски. Тој пред голем број присутни љубители на фудбалот го прогласи турнирот за отворен, на гостите им посака топло добредојде, а на играчите им посака убава спортска игра.
Градоначалникот се заблагодари и на организаторот на турнирот Фудбалската школа „Гроздановски“ за одличната организација и порача во иднина да се одржуваат што повеќе вакви спортски настани, а Општина Илинден секогаш ќе ја дава нејзината поддршка.
На терените во Марино и Кадино се очекува овие три дена публиката да проследи интересни фудбалски натпревари, а прогласувањето на најдобрите ќе биде в недела, кога ѝ градоначалникот Георгиевски ќе ги додели наградите и пехарите.
Спорт
„Постојано ме критикуваат, а номиниран сум за Златната топка!“
Нема сомнеж дека Хакан Чалханоглу моментално е еден од најдобрите играчи од средниот ред во светот, иако често е критикуван дека не е константен.
Впрочем, турскиот репрезентативец и фудбалер на Интер се најде во избраното друштво, меѓу 30-те кандидати за Златната топка.
„Секогаш има критики на моја сметка, но не им обрнувам премногу внимание. Не сакам да звучам арогантно, но по 21 година турски играч се врати на листата за Златната топка. И јас сум горд на тоа“, порача тој.
🗣️ Hakan Calhanoglu: "There's always criticism about me, but I don't listen. I don’t want to sound arrogant, but after 21 years, a Turkish player is back on the Ballon d’Or list. And I'm proud of it." 🇹🇷 pic.twitter.com/SBlmDdZDbR
— Football Talk (@FootballTalkHQ) September 11, 2024
Последниот турски играч кој беше номиниран за Златната топка беше Нихат Кавечи во 2003 година кога играше во Шпанија за Реал Сосиедад.
Хакан Чалханоглу има 30 години и веќе осум сезони игра со голем успех во Серија А, прво за Милан, а потоа за градскиот ривал Интер, со кој лани ја освои шампионската титула на Италија.
На почетокот на кариерата играше во Германија за Карлсруе, Хамбургер и Баер Леверкузен. Тој 92 пати го облече дресот на турската репрезентација и постигна 19 гола.
Спорт
Гвардиола едвај чека да започне судењето против Манчестер сити
Пеп Гвардиола, менаџерот на Манчестер сити, истакна дека едвај чека да започне судењето на неговиот клуб поради наводна финансиска проневера. Почетокот е закажан за понеделник, 16 септември.
Актуелниот англиски шампион се соочува со 115 обвиненија во периодот од 2009 до 2018 година. Доколку нешто се покаже како точно, на Сити му се заканува одземање бодови, а во најлош случај исфрлање од Премиер лигата.
Од клубот тврдат дека сè правеле според прописите, а Гвардиола се надева дека се ќе биде готово многу брзо.
„Мило ми е што се почнува и се надевам дека наскоро ќе биде готово. Толку многу се зборува и пишува. Секој е невин додека не се докаже вината. Ќе видиме што ќе се случи“, изјави познатиот стручњак.
Сити има освоено осум од последните 13 титули во Премиер лигата, вклучувајќи четири по ред во последните четири години, односно шест во последните седум години.