Спорт
Здравко Мамиќ му кажа збогум на фудбалот

Контроверзниот хрватски бизнисмен Здравко Мамиќ, кој е во бегство од правосудниот ситем во Хрватска и живее во Босна и Херцеговина, објави дека се збогува од фудбалот.
„Преку ова интервју се простувам од Динамо и хрватскиот фудбал. Да не беше смртта на Ќиро Блажевиќ, веќе ќе одржав прес-конференција и официјално ќе се поздравев. Во емотивна смисла, никогаш нема да се откажам. на Динамо тоа е мојот живот, но што се однесува до мојата работа и учество во какво било управување, тоа е апсолутно минато“, изјави Мамиќ за „Глас Српске“.
За време на неговиот престој во клубот, Динамо стана синоним за одлично работење, бидејќи клубот заработи многу пари од продажба на фудбалери. Но, значителен дел од парите „исчезнале“, поради што „газадата“, на хрватскиот фудбал е осуден на шест и пол години затвор за проневера на 15,5 милиони евра.
„Динамо е минато, никогаш повеќе нема да бидам вклучен и да работам во клубот. Нема повеќе да се занимавам, не со Динамо, туку со фудбалот воопшто. Ќе бидам само обичен навивач. Јас сум во есента на мојот живот, смртта на Ќиро ме потресе најмногу во животот. Некои работи што не ги разбирав баш до сега, по смртта на Ќиро, мислам дека сега ги разбрав и моето збогување со фудбалот е конечно“, изјави Мамиќ.
Во претходниот период тој водеше борба за превласт во Динамо, но се чини дека ја загуби битката.
Десетте најголеми трансфери на Здравко Мамиќ:
1. Марко Пјаца (Јувентус) 29,4 милиони евра
2. Дани Олмо (Лајпциг) 29
3. Лука Модриќ (Тотенхем) 22,5
4. Јошко Гвардиол (Лајпциг) 18.8
5. Филип Бенковиќ (Лестер) 14,5
6. Марко Рог (Наполи) 13.57
7. Едуардо (Арсенал) 13,5
8. Ведран Чорлука (М. Сити) 13
9. Ловро Мајер (Рен) 12
10. Матео Ковачиќ (Интер) 11
10. Дарио Шимиќ (Интер) 11
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Турција ја загази Летонија

Турција, во дербито на денот на 42. Европско првенство во кошарка, ја декласира домашната селекција Летонија со 93:73 (24.21, 23:18, 25:16, 21:18).
Тирците буквално го затрупаа летонскиот кош, шутира фантастични 60 проценти за три поени, Турците погодија а 15 од 25 обиди од зад линијата 6,75.
Летонсците некако се држеа до третиот период, кога се разиграа Шејн Ларкин И Џеди Осман. На почетокот на последниот период резултатот беше 72:55, а во последниот пеирод Турците имаа предост и од 24 поени.
На крајот, најефикасни во Турција беа Осман со 20, Сипахи со 19, Шенгун со 16 и Ларкин со 15 поени. Летонците исто така имаа четворица со двоцифрен број на поени, но со многу послаб настап, Ломас постигна 16, Жагарс 11, а Порзингис и Шмитс постигнаа по десет поени.
Foto/ EPA
Спорт
Убедлив триумф на Литванија во првиот меч на ЕП

Европското првенство во кошарка, 42. по ред, започна со убедливата победа на Литванија против селекцијата на Велика Британија 94:70.
Балтичката селекција против Велика Британија ја оправда својата улога како фаворит во првото коло. Велика Британија даде се од себе, ослабена од отсуството на Гејб Оласени поради повреда на грбот.
Литванците лошо шутираа на овој меч, погодија само две тројки од 19 обиди, но одбраната и офанзивниот скок им обебзедија убедлива победа. Две третини од поените Литванците постигнаа од рекетот.
Британците добро се држеа три четвртини, се враќаа на едноцифрен минус, но потоана во последноте седум минути кога Литванците направија предност од 20 пеони.
Очекувано доминираше во рекетот Јона Валачиунас со 18 поени и девет скока, поен помалку со седум скока имаше Тубелис, а Јокубаитис и Нормантас забележаа по 12 поени.
на спротивната страна се истакна Јебоа со 17 поени, а двоцифрени, со по 10 поени беа Филип и Хенсон.
Foto/ EPA/KIMMO BRANDT
Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.