Спорт
Здравко Мамиќ му кажа збогум на фудбалот

Контроверзниот хрватски бизнисмен Здравко Мамиќ, кој е во бегство од правосудниот ситем во Хрватска и живее во Босна и Херцеговина, објави дека се збогува од фудбалот.
„Преку ова интервју се простувам од Динамо и хрватскиот фудбал. Да не беше смртта на Ќиро Блажевиќ, веќе ќе одржав прес-конференција и официјално ќе се поздравев. Во емотивна смисла, никогаш нема да се откажам. на Динамо тоа е мојот живот, но што се однесува до мојата работа и учество во какво било управување, тоа е апсолутно минато“, изјави Мамиќ за „Глас Српске“.
За време на неговиот престој во клубот, Динамо стана синоним за одлично работење, бидејќи клубот заработи многу пари од продажба на фудбалери. Но, значителен дел од парите „исчезнале“, поради што „газадата“, на хрватскиот фудбал е осуден на шест и пол години затвор за проневера на 15,5 милиони евра.
„Динамо е минато, никогаш повеќе нема да бидам вклучен и да работам во клубот. Нема повеќе да се занимавам, не со Динамо, туку со фудбалот воопшто. Ќе бидам само обичен навивач. Јас сум во есента на мојот живот, смртта на Ќиро ме потресе најмногу во животот. Некои работи што не ги разбирав баш до сега, по смртта на Ќиро, мислам дека сега ги разбрав и моето збогување со фудбалот е конечно“, изјави Мамиќ.
Во претходниот период тој водеше борба за превласт во Динамо, но се чини дека ја загуби битката.
Десетте најголеми трансфери на Здравко Мамиќ:
1. Марко Пјаца (Јувентус) 29,4 милиони евра
2. Дани Олмо (Лајпциг) 29
3. Лука Модриќ (Тотенхем) 22,5
4. Јошко Гвардиол (Лајпциг) 18.8
5. Филип Бенковиќ (Лестер) 14,5
6. Марко Рог (Наполи) 13.57
7. Едуардо (Арсенал) 13,5
8. Ведран Чорлука (М. Сити) 13
9. Ловро Мајер (Рен) 12
10. Матео Ковачиќ (Интер) 11
10. Дарио Шимиќ (Интер) 11
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Жестока тепачка на натпреварот Комо – Бетис

Бетис и Комо вчера одиграа контролен натпревар во Кадиз, а според сцените од тепачката што се случи на теренот и споделени на социјалните мрежи, натпреварот беше се, само не беше пријателски. Голем број играчи од двата тима учествуваа во големата тепачка.
По завршувањето на првото полувреме, во кое Комо водеше со 2:0 благодарение на головите на Асане Диао и Лукас де Куња, се случи тепачка откако Пабло Форналс и Масимо Пероне разменија удари.
Во моментите на тепачката, видеото покажаува дека напаѓачот на Бетис, Кучо Ернандез, влета во толпата со намера да удри еден од играчите на италијанскиот тим, но наместо тоа успеа да го удри соиграчот Натан.
Форналс, и покрај тоа што прв удри, избегна исклучување, додека Пероне доби црвен картон на стадионот „Естадио Мунисипал де Ла Линеа де ла Консепсион“. Сепак, Бетис остана со еден играч помалку бидејќи Хектор Белерин беше исклучен.
Натпреварот заврши со победа на Комо (3:2).
Real Betis v Como in a friendly tonight 🤛 pic.twitter.com/PxH2jhZSPu
— 𝐂𝐚𝐬𝐮𝐚𝐥 𝐔𝐥𝐭𝐫𝐚 𝐎𝐟𝐟𝐢𝐜𝐢𝐚𝐥 (@thecasualultra) August 6, 2025
Спорт
„Телеграф“: Перишиќ преговара со Нови Пазар

Хрватскиот фудбалер Иван Перишиќ наводно преговара со Нови Пазар во врска со трансфер во српскиот клуб.
Како што неофицијално дознава „Телеграф“, менаџерот на фудбалерот е во напредна фаза од преговорите со Нови Пазар, каде што треба да го замени Адем Љајиќ, кој ќе ја продолжи кариерата во Сараево.
Истиот извор наведува дека Перишиќ веќе бил во Србија и дека станува збор за бизнис што вклучува повеќемилионски суми. Се додава дека работата би можела да биде завршена во наредните денови.
Перишиќ моментално е играч на ПСВ, со кого има договор до 2027 година, а зад себе има одлична сезона во Ередивизие. Претходно во текот на летото, дури беше поврзуван и со Барселона.
Дополнително, веста за неговиот трансфер во Нови Пазар звучи како фикција, но ако се случи, веројатно ќе претставува најголем трансфер во историјата на српскиот клупски фудбал. Барем кога станува збор за 21 век.
Во својата кариера, Перишиќ играл за Клуб Бриж, Борусија Дортмунд, Волфсбург, Интер, Баерн, Тотенхем, Хајдук и ПСВ.
Момчето од Сплит одигра 144 натпревари за Хрватска и постигна 36 гола.
Спорт
Димитриевски би можел да се пресели во Елче

Столе Димитриевски до крајот на преодниот рок ќе ја напушти Валенсија. Целта на македнскиот репрезентативец е да остане во Шпанија.
Димитриевски, минатото лето како слободен играч пристигна во Валенсија од Рајо Ваљекано. Претходно клубот го продаде Георги Мамардашвили во Ливерпул, но клубот од Англија репи да го остави голманот на позајмица.
Кога клубовите се договорија јасно беше дека Димитриевски ќе биде резерва. Бранеше само на натпреварите во Купот и на неколу натпревари во првенството кога Грузиецот беше повреден.
Статусот на Димитриевски не се подобри ниту по завршувањето на сезоната, Мамардашвили замина, но Валенсија реши на позајмица од Атлетик Билбао да го донесе младиот голман Хулен Агирезабала.
Поради ваквата одлука на клубот македонскиот репрезентативец сака да ја напушти „Местаља“.
Шпанските медиуми пишуваат дека постои шанса Димитриевски новата сезона да ја мине на позајмица во Елче. Клубот по пауза од една година се врати меѓу шпанската елита и бара искусен голман за предизвиците во Примера.
Foto/ EPA/Rodrigo Jimenez