Спорт
Зенит со сензационална победа во Барселона!
Зенит Санкт Петерсбург имаше сензационално деби во плејофот на Евролигата, откако стигнаа до тесна 76:74 победа над прворангираниот тим на Барселона во „Палау Блауграна“.
Кевин Пангос постигна 14 поени од неговите 19 во првото полувреме за Зенит да имаат предност од 14 поени по првите 20 минути, пред Барса, која брка прво место на Фајанл форот од 2014 година, ја намалија разликата на 54:61 на крајот на третата четвртина.
Кајл Кјурик со своите 12 поени го направи финишот интересен, и на три минути пред крајот Зенит имаа само два поени предност. Кори Хигинс израмни на 68:68, а потоа Барса поведоа, пред Кеј Си Риверс со тројка да ја врати предноста.
Вториот меч е во петок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дуран ја продолжи верноста кон Астон Вила до 2030 година
Колумбиецот Џон Дуран е апсолутна сензација оваа сезона. Тој е еден од најдобрите стрелци во Европа во моментов. Импресионира бидејќи редовно влегува од клупата за резерви.
Брилијантниот Колумбиец постигна шест гола на 10 натпревари во сите натпреварувања, но на теренот минал само 324 минути, што значи дека во просек постигнува гол на секои 54 минути.
Колумбиеот го привлече вниманието на неколку клубови. Челнците на Астон Вила свесни каков бисер имаат во тимот решија да му понудат нов договор, до 2030 година.
Астон Вила е првиот европски клуб на Дуран. Од јануари 2023 година, кога дојде во клубот, одигра 59 натпревари и постигна вкупно 14 голови.
🟣🔵🇨🇴 Jhon Durán’s new contract at Aston Villa will be valid until June 2030. pic.twitter.com/uy1kjeqcN4
— Fabrizio Romano (@FabrizioRomano) October 7, 2024
Спорт
Реал во јануари сака да го донесе Александер-Арнолд
Повредата на Дани Карвахал е една од вестите на неделата во шпанскиот фудбал. Сезоната за десниот бек на Реал Мадрид и шпанската репрезентација заврши поради повреда. Карвахал, во саботата, против Виљареал ги скина вкрстените лигаменти во десното колено.
Реал, сега на оваа позаиција го има само Лукас Васкез, што значи дека клубот ќе мора да биде активен во зимскиот преоден рок.
„Марка“, утрово пренесува дека Реал започнал сериозна потрага по десен бек и дека прва мета е Трент Александер-Арнолд.
Овој фудбалер има договор до крајот на сезоната, а Ливерпул би можел да заработи доколку реши да го пушти во јануари. Оваа варијанта е тешко остварлива, барем од оваа перспектива, бидејќи Ливерпул води преговори со Арнолд околу новиот договор.
Спорт
Бонучи: Двапати ги одбив понудите од Гвардиола
Леонардо Бонучи по завршувањето на минатата сезона реши да стави крај на професионалната кариера. Легендата на Јувентус во пензија замина како играч на Фенербахче.
Најдобрите денови во кариерата Бонучи ги мина во Јувентус, гно свежи се сеќавањата кога реши да го напушти клубот и да се пресели во Милан.
Бонучи во интервју за „Скај Спорт“, се потсети на тој период од кариерата.
„заминав во Милан поради кавгата што ја имав со Масимилијано Алегри. Се создаде чудна атмосфера помеѓу мене, тренерот, клубот… Немаше повеќе ’проток на енергија’. Единствениот што можеше да го реши тоа бев јас. Клубот е тој што одлучува, Алегри доби нов договор по финалето во Лигата на шампионите и сите се договоривме дека треба да се разделиме. Можев да останам, но ќе беше многу тешко да ги вратам работите какви што беа претходно. Сакав да останам блиску до дома поради мојот син и проблемите со срцето што ги имаше. Не ми се допадна идејата да заминам во странство бидејќи тоа е секогаш ризик. Го избрав Милан затоа што тие во тоа време започнуваа нов циклус. Мирабели и Фасоне донесоа многу засилувања, мислам 12“.
Познато е дека тој со години беше голема желба на Пеп Гвардиола, најпрвин во Баерн, потоа и во Сити.
„Ми канеше две години по ред: 2016 и 2017 кога отидов во Милан. Очигледно во 2016 година не размислував да ја прифатам понудата, бидејќи немаше шанси Јуве да ме стави на продажба. И јас бев среќен. Но, во 2017 година ми се јавија Мирабели и Монтела и ми кажаа дека ќе бидам водач и капитен на новиот проект. Не сакав да ја напуштам Италија. Кога му дадов збор на Милан, имаше покани од Манчестер Сити и Пари Сен Жермен. Но, јас сум таков човек и мојот збор е важен. Нивните понуди беа подобри од понудата на Милан, но јаз го дадов зборот…“
Епизодата во Милано заврши неславно.
„На крајот на сезоната, кога се се распадна, ми рекоа: „Веќе нема место за тебе овде“. Тогаш решив да се вратам во Јувентус. Со текот на времето, повторно се зближивме и работите функционираа подобро од порано“.
Во интевјуто Бонучуи, кој во кариерата играл против Меси и Роналдо, кој играч му правел најмногу проблеми.
„Искрено, играч поради кого не спев ноќ пред натпреварот е Дуван Запата. Силен, моќен, подвижен“.