Спорт
„Згрешивме, луѓе умираат поради нашиот натпревар во ЛШ“
Бергамо е еден од градовите кој е најмногу погоден од пандемијата што ја предизвика коронавирусот. Одо овој град е фудбалскиот клуб Аталанта, сензационалниот учесник во четврт-финалето во Лигата на шампионите. Поради коронавирусот навивачите не успеаја да го прослават големиот успех со фудбалерите.
„Граѓаните на Бергамо требаа да бидат среќни, требаа да слават, да бидат горди на клубот. Наместо тоа мора да се фокусираат на други работи, на преживување. Мора да мислат на своите семејства“, рекол капитенот на Аталанта Алехандро папу Гомез.
„Во изминатите четири години ги направивме сите среќни, а сега преживуваме нешто страшно. Не можам да поверувам дека, после Кина, во Италија има намјмногу заразени. Не знам дали ќе ја продолжиме сезоната. Не знам дали ќе играме во текот на летото или за неколку месеци. Најважно е ситуацијата во државата да се подобри. Ќе биде тешко да се игра. Како ќе патуваме? Во кои хотели ќе спиеме? Ќе треба да се донесат големи одлуки“.
Гомез смета дека ситуацијата во Бергамо ќе била подобра доколку мечот против Валенсија се играл пред празни трибини. Аталанта на почетокот на февруари ја пречека Валенсија на „Сан Сиро“ во Милано, во првиот осмина-финален натпревар.
Дуелот го следеле 45.000 луѓе, а веќе во тој момент во Милано имало заразени со вирусот.
„На почетокот имаше многу неточни информации, а сите ние не го сфативме вирусот сериозно. Мислевме дека тоа е обичен грип, продолживме нормално да живееме. Погрешивме. Кога почнаа да умираат луѓе околу нас почувствувавме страв. Тој ден некој заразен бил на „Сан Сиро“. Мислам дека денешната ситуација во Бергамо има врска со со натпреварот што го игравме против Валенсија“, заклучил Гомез.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
РФМ и Лазаров ја продолжија соработката до 2029 година
Ракометната федерација на Македонија ја информира јавноста дека со заедничка визија, доверба и јасна стратегија за развој на македонскиот ракомет, ја продолжува соработката со селекторот на машката сениорска репрезентација, Кирил Лазаров.
„Официјално, ќе ја продолжам соработката со тренерот на нашата машка сениорска репрезентација, Кирил Лазаров, со договор до 2029 година“, рече првиот човек на РФМ Александар Стефанов и дополни.
„Веруваме дека континуитетот и стабилноста се клучни за напредокот на репрезентацијата и на македонскиот ракомет во целина. Се надеваме на успешна и плодна соработка во наредниот период, во кој со заеднички труд, посветеност и јасна визија, ќе продолжиме да постигнуваме добри резултати и да го развиваме нашиот спорт.“
„На заедничко задоволство, ќе ја продолжам соработката со Ракометната федерација на Македонија. Водењето на репрезентацијата, особено во мојата земја, е голема чест и одговорност. Благодарен сум за довербата и поддршката што ми е укажана.“
Пред нас е период исполнет со сериозна работа, јасни цели и високи очекувања. Со заеднички труд, дисциплина и целосна посветеност, ќе продолжиме да работиме на напредокот на репрезентацијата и достојно претставување на Македонија, со фокус на стабилност и долгорочни резултати., рече селекторот Лазаров.
Foto/ EPA/Christopher Neundorf
Спорт
Чефениг победи во Бишофсхофен, Домен Превц ја освои Новогодишната турнеја
Словенецот Домен Превц влезе во историјата како трет Словенец, а втор член на семејството Превц, кој триумфираше на Новогодишната турнеја, Четири скокалници. Тој го освои Златниот орел, со освоени 1195,6 поени и беше подобар од Австријците Јан Херл (-42,3) и Стефан Ембахер (-45,0) во генералниот пласман.
Превц го освои второто место на последната скокалница, во Бишофсхофен со скокови од 138 и 138,5 метри кои „вредеа“ 299,8 поени, а минатогодишниот победник на турнејата, Даниел Чофениг, победи на последната станица од Турот. Австриецот застана на 137, а потоа на 140,5 метри, доволно за 303,9 поени.
Иако тоа не е вообичаена практика – Чофениг, како минатогодишен победник и победник во Бишофсхофен, му го врачи трофејот на 26-годишникот од Крањ, а подиумот во вторник вечерта го пополни Јапонецот Рјоју Кобајаши, трикратен победник на Четири скокалници, со 299,8 поени по скокови од 137 и 138 метри.
Ова е 12-ти пат Превац да освои место на подиумот по ред и 13-ти пат во оваа сезона во Светскиот куп.
Само во две изданија (на премиерата во Лилехамер, Норвешка, беше четврти, а три дена подоцна во Фалун, Шведска, беше на 13-то место) не се искачи на подиумот.
foto/ EPA
Спорт
Розениор тренер на Челзи до 2032 година
Досегашниот тренер на Стразбур, Лиам Розениор, е назначен за тренер на Челзи.
41-годишниот Англичанец ќе го замени Енцо Мареска, кој го напушти клубот на Нова година. Розениор и Челзи договорија соработка до 2032 година.
„Не можев да ја одбијам оваа можност да се приклучам на неверојатен клуб и неверојатен тим кој го освои Светското клупско првенство“, рече Розениор.
Стразбур е дел од групацијата „BluCo“, во сопственост на Тод Боли и „Клирлејк Капитал“, која исто така управува со Челзи.
„Ќе го сакам овој клуб до крајот на животот, но не можам да го одбијам Челзи“, рече новиот стратег на двократните европски шампиони.
Лиам Розениор претходно го водеше Хал Сити и беше привремен менаџер во Дерби Каунти. Својата тренерска кариера ја започна како тренер на младинскиот тим на Брајтон.
Како фудбалер играше во Бристол Сити, Фулам, Рединг, Хал и Брајтон.
Челзи моментално е на петтото место во Премиер лигата.
Foto/ EPA

