Спорт
Жестоки критики за Тен Хаг од поранешните премиерлигашки ѕвезди
Поранешните премиерлигашки асови се остри во критиките кон холандскиот менаџер на Манчестер јунајтед, Ерик тен Хаг. Јунајтед вчера доживеа тежок пораз во градското дерби од Манчестер сити (0:3). Рој Кин бара од Тен Хаг да му ја одземе капитенската лента на Бруно Фернандеш
Ниту „д“ од дербито на „Олд Трафорд“. Сити ја продолжи доминацијата над градскиот ривал. Разликата во класата е евидентна во корист на тимот на Пеп Гвардиола.
На Јунајтед ќе му биде тешко да стигне до Лигата на шампионите, па дури и до европските купови, ако продолжи вака. Маркус Рашфорд не е во форма, а критиките на Островот првенствено се насочени кон менаџерот Ерик тен Хаг. Коментаторите на Островот, поранешни асови на Премиер лигата, се согласуваат дека Јунајтед е само бледа сенка на некогаш големиот клуб, дека кризата е евидентна.
„Тоа беше фудбалска лекција. Манчестер јунајтед не знаеше што да прави“, изјави поранешниот играч на Сити, Мика Ричардс, пренесува „Скај спорт“.
Долгогодишниот играч на Јунајтед Гери Невил ја призна немоќта на својот сакан клуб.
„Во првото полувреме играа двата тима, во второто само еден. Настана хаос. Јунајтед исчезна во второто полувреме“, изјави Невил.
Публиката во Театарот на соништата ја исвирка одлуката на Ерик тен Хаг да го извади од игра Данецот Расмус Хојланд во финишот, кога шанса му даде на Аргентинецот Гарначо. Исто така, на почетокот на второто полувреме Мејсон Маунт го замени Мароканецот Амрабат. Наместо да оживее, Јунајтед потона во продолжението.
„Тоа не беше добра промена. Кога влего резервите играта на Јунајтед стана полоша“.
Невил вели дека неговиот гнев не е насочен кон Тен Хаг.
„Мислам дека тој не е главниот проблем. Токсичноста во овој клуб го јаде секој менаџер и играч што доаѓа овде“.
На прашањето дали е за промена на менаџерот, Невил беше категорично против.
„Апсолутно не, но нема сомнеж дека Ерик има проблеми“, изјави поранешниот капитен на тимот од „Олд Трафорд“.
Џејми Карагер беше најстрог кон Холанѓанецот.
„Тој е тука 18 месеци и никој од нас овде не може да објасни што се обидува да направи Манчестер јунајтед. Играат аутсајдерски фудбал на контра напади и долги топки. Ниту еден друг врвен тим не игра така”, изјави поранешниот ас на Ливерпул.
Јунајтед загуби пет од своите 10 натпревари во Премиер лигата. Победите ги забележаа против екипи од долниот дел на табелата Вулверхемптон, Брентфорд, Шефилд јунајтед, Барнли и Нотингем Форест.
Рој Кин упати отровни стрели кон Португалецот Бруно Фернандеш. Тој побара од Тен Хаг да му ја одземе капитенската лента што беше на раката на Хари Мегваер минатата сезона.
„Би му ја земал капитенската лента. Знам дека тоа е голема одлука, но Бруно не е за капитен, го нема капитенскиот материјал. Тој е талентиран играч без сомнение, но она што го видов беше истото во Ливерпул минатата сезона, плачење и постојано кревање на рацете. Тоа навистина не е прифатливо“, изјави пргавиот Ирец.
Во изминатата недела беспомошност беше забележана и против Копенхаген во Лигата на шампионите, кога Камерунецот Онана со одбранет пенал во судиското надополнување спаси три бода против аутсајдерите во ЛШ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Авто-слалом во Кичево: Возбудливо натпреварување со јангтајмери со над 40 учесници
Во рамки на годинешниот календар на Националната Федерација на историски возила на Македонија, на 8 и 9 ноември се одржаа третото и четвртото TSD (брзина, спретност и прецизност) авто-слалом натпреварување – Кичево 3 и 4. Настаните се дел од шампионатот на Македонија за 2025 година во оваа категорија.
По повеќе години пауза, Кичево повторно го почувствува духот на моторните трки – на стартот се појавија околу 40 натпреварувачи од различни клубови, распределени по класи според кубикажата. И покрај лошите временски услови, бројна публика ги бодреше учесниците до самиот крај.
🏆 Резултати
Класа 1 (до 1200 cm³)
Александар Марковски – Пежо 205 (ОТК Скопје)
Класа 2 (до 1600 cm³)
Мојсије Милосавлевски – Даихатсу Шараде (ОТК Скопје)
Владимир Кулушиќ – Рено Меган (ОТК Класика Прилеп)
Даниел Даневски – Пежо 206 (ОТК Скопје)
Класа 3 (над 1600 cm³)
Кире Ставров – Фијат Пунто (ОТК Класика Прилеп)
Кристијан Василев – Ауди 80 (ОТК Скопје)
Лазар Стојаноски – Нисан Премиера (ОТК БМВ Скопје)
Класа 4 (тркачки возила)
Влатко Костовски – Опел Астра (ОТК Скопје)
Мојсије Милосавлевски – Југо 55 (ОТК Скопје)
Димитар Димески – Фијат Сеиченто (ОТК Класика Прилеп)
Пласман на клубови:
ОТК Скопје
ОТК Класика Прилеп
ОТК БМВ Скопје
Натпреварите ги отворија градоначалникот Александар Јовановски и претседателот на Федерацијата, Мојсије Милосавлевски, кои ги претставија идеите за ревитализација и мултифункционалност на автодромот Кичево.
Спорт
Атлетико Мадрид има нов сопственик
Иневстицискиот фонд Аполо Спортс Капитал е новиот мнозински акционер на Атлетико Мадрид, објави шпанската прва фудбалска лига.
„Атлетико Мадрид и неговите главни акционери, Мигел Анхел Хил, Енрике Серезо, Квантум Пацифик Груп и фондовите управувани од Арес Менаџмент, постигнаа договор Аполо Спортс Капитал (ASC), глобална компанија за спортски инвестиции, да стане мнозински акционер на нашиот клуб“, објави клубот.
Четирите поранешни главни акционери ги намалија своите удели за да му дозволат на новиот инвеститор, сега најголемиот акционер на клубот, да стекне удел. Клубот објави дека Мигел Анхел Хил и Енрике Серезо ќе продолжат да го водат Атлетико како извршен директор и претседател на одборот и ќе останат акционери, гарантирајќи го континуитетот и визијата на проектот и нивното водство.
„Инвестицијата на ASC ќе ја зајакне позицијата на нашиот клуб меѓу фудбалската елита и ќе ја поддржи нашата амбиција да постигнеме долгорочен успех за милиони наши фанови низ целиот свет. Акционерите планираат да обезбедат нов капитал за поддршка на долгорочните планови на клубот, вклучувајќи понатамошни инвестиции во тимот и големи инфраструктурни проекти.
Ова вклучува развој на Градот на спортот, нов спортски и забавен центар веднаш до стадионот „Ријад Ер Метрополитано“.
„Целта на овој проект е да стане светска дестинација за спорт, слободно време, култура и социјални активности“, се додава во соопштението.
Финансиските детали од договорот не се откриени, а пазарните проценки за вредноста на Атлетико се движат помеѓу 2,5 и 3 милијарди евра, врз основа на неодамнешните финансиски резултати, вредни земјишни средства и конзистентно учество во Лигата на шампионите во текот на изминатите 13 сезони.
Аполо е брзорастечка, глобална компанија за управување со средства. Според најновите податоци, Аполо има приближно 908 милијарди долари средства под управување.
Спорт
Почнуваат пријавите за јубилејното 10. издание на „Охрид трчаТ“
На 12 ноември 2025 година официјално започнуваат пријавите за јубилејното десетто издание на еден од најголемите спортско-рекреативни настани во Македонија – „Охрид трчаТ“, кое ќе се одржи викендот 5-7 јуни, 2026 година.
„Охрид трчаТ“ слави 10 години постоење, инспирација, пријателства и незаборавни моменти што го претворија настанот во вистински симбол на заедништво, енергија и љубов кон трчањето и градот Охрид.
„Во изминатата деценија, низ улиците на нашиот град поминаа илјадници тркачи од земјата и од светот. Заедно создадовме движење кое ги поврзува луѓето, ги руши границите и ја промовира Македонија како спортска дестинација“, велат организаторите на настанот.
Додаваат дека овој јубилеј е празник на сите, тимот на Охрид трчаТ, тркачи, волонтери, партнери, институции, и над сè, граѓаните на Охрид, кои секоја година заедно со сите нас ја раскажуваат една од најубавите спортски приказни во Македонија.
„Пријавувањето за јубилејното издание на Охрид трчаТ 2026 се врши онлајн преку нашиот систем за регистрација, достапен на официјалната веб-страница www.ohridtrchat.com ,брзо, едноставно и достапно за сите“, се додава.
Со отворањето на пријавите, ги повикуваат сите граѓани, тркачи, спортисти, компании и пријатели на трчањето да се регистрираат и да бидат дел од ова големо јубилејно издание.
Исплатите од ИПАРД програмата привремено прекинати поради проверка на законитоста
Македонија преку структурите и органите за управување на средствата од ИПА/ИПАРД донесе одлука за времен прекин на исплатите на средствата...
Пендаровски му одговори на Фрчкоски: Никогаш не сум мешетарел, тоа го прават други кои се занимаваат со кафеанско озборување
Поранешниот претседател Стево Пендаровски ја отфрли изјавата на Љубомир Фрчкоски дека мешетари во СДСМ и дека има улога во можни...
Приведена жена од Кавадарци поради напад врз своето 6-месечно бебе
Утрово, околу 6 часот, полицијата во Скопје приведе 23-годишна девојка од Кавадарци, која се сомничи дека ноќеска, околу 00:37 часот,...
„’Вреди’ до Јаневска“: Непознавањето на албанскиот јазик не треба да води до фрустрација
Вчера, за време на јавен настап, министерката за образование, Весна Јаневска, во два или три наврати изрази незадоволство од комуникацијата...
Половина од младите во Македонија не веруваат дека земјата некогаш ќе стане членка на ЕУ
Повеќе од 46 отсто од младите во Македонија не веруваат дека земјата ќе стане членка на Европската унија, покажува новиот...
Граѓаните да бидат внимателни и да не отвораат лажни електронски пораки во име на директорот на БЈБ, предупредува МВР
Министерството за внатрешни работи известува дека до неколку граѓани од страна на сторители што лажно се претставуваат во име на...
Комисијата за историски прашања е алиби за моментно многу комплицираните односи меѓу Бугарија и Северна Македонија, вели Димитров
Комисијата за историски прашања со РСМ е еден вид алиби за моментно многу комплицираните односи меѓу Бугарија и Северна Македонија,...
Турција сака безбеден премин за 200 цивили заробени во тунелите во Газа
Турција се обидува да обезбеди сигурен премин за околу 200 цивили заробени во тунелите во Газа, откако го олесни враќањето...
Сенатот постигна договор: заврши најдолгата блокада на буџетот во историјата на САД
Американските сенатори постигнаа привремен договор со кој ќе се стави крај на буџетската парализа што блокираше некои јавни услуги рекордни...
(Видео) Зеленски: За разлика од целиот свет, јас не се плашам од Трамп
Украинскиот претседател Володимир Зеленски изјави дека, за разлика од многу западни лидери, не се плаши од Доналд Трамп и ги...
(Видео) Супертајфун ги погоди Филипините: бројот на жртви расте, еден милион луѓе принудени да се евакуираат
Супертајфунот Фунг-вонг ги погоди Филипините вчера, при што загинаа две лица, а еден милион луѓе беа принудени да се евакуираат...
(Видео) Нов напад врз Крим: погоден важен руски складиштен објект за нафта
Украинските војници во неделата нападнаа руско складиште за нафта во близина на селото Гвардејское на окупираниот украински полуостров Крим, објави...
(Видео) Судир на возови во Словачка, десетици повредени
Два воза се судрија ноќеска во Словачка откако едниот се удрил во задниот дел на другиот, при што се повредени...
Ѓорѓиевски: За два дена од Скопје се исчисти над четири и пол илјади тони отпад, скопјани имаат човек на кој може да се потпрат
Над четири и пол илјади тони отпад или четири до пет пати повеќе од секој вообичаен викенд што се собирало...
Пијан возач од Турција направи хаос во Аеродром
Полицијата објави фотографија од сообраќајката што се случила синоќа на улицата Матеја Матевски во Аеродром, кога возач на „БМВ 5“...
Ѓорѓиевски со предупредување до граѓаните, ќе се казнува секој што ќе фрла отпад
Градоначалникот на Град Скопје, Орце Ѓорѓиевски, објави дека акцијата за чистење „72 часа“ се одвива одлично, со цел градот да...
Таткото на едно од девојчињата загинати со „Пулс“ објави видео од нејзиното последно излегување од дома
Александар Наунов, таткото на трагично загинатата Надица, една од 63-те жртви во пожарот во дискотеката „Пулс“ во Кочани, сподели видео...
Јаневска: Следната година нема „прогледување низ прсти“ ако директорите не нарачаат учебници на време
Директорите на училиштата треба многу сериозно да си ја сфатат работата дека се должни да ги почитуваат законите и да...
„Супорт Кочани“ собра 11 милиони денари од донации за настраданите од „Пулс“, државата им наплати 1 милион денари данок
Околу 11 милиони денари се распоредени од заедничката сметка за донации од граѓанската иницијатива „Супорт Кочани“. Од граѓанската иницијатива велат...
Родителите на починатите во „Пулс“ со порака до судиите: Не дозволувајте болката и гневот да станат уште поголеми
Во Кочани денеска родителите на жртвите од пожарот во дискотоеката „Пулс“ одржаа нов „Марш за ангелите“, упатувајќи порака до правосудните...
