Спорт
Жиру: Натпреварот со Интер ќе биде дербисимо
Фудбалерот на Милан, Оливие Жиру во интервју за „Лекип“, зборуваше за пласманот во полуфиналето во Лигата на шампионите, како и за својот нов договор со клубот од „Сан Сиро“.
Фудбалерите на Милан го елиминираа Наполи во четврт-финалето од Лигата на шампионите, во полуфиналето за противник ќе го имаат градскиот ривал Интер.
„Тоа ќе биде дербисимо, Милано ќе гори. Градот ќе доживее нешто неверојатно, а исто така и ние. Еднаш стигнав до полуфиналето, тогаш со Челси победив во Лигата на шампионите. И тогаш со Челси бевме аутсајдери. И овој пат не бевме фаворити, но го елиминиравме Наполи“, вели Жиру.
Францускиот напаѓач ги пофали и соиграчите, прво Рафаел Леао, а потоа не можеше да не го спомене и сонародникот Мајк Мењон кој брани фантастично во дресот на Милан.
„Милан полека се враќа таму каде што му е местото благодарение на добриот тим. Има интензитет и голема цврстина, што е нашата сила. Почнувајќи од Мајк (Менјан). Тој ни носи смиреност и самодоверба, тоа е многу важно. Ние сме цврст тим кој има иднина, но мораме да се подобруваме секој ден. Тимот е млад и покарј тоа што јас му ја ’убивам’ просечната возраст“, се пошегува Жиру.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Разбојници пукале врз тројца фудбалери на Марсеј
Тројца фудбалери на Олимпик Марсеј биле нападнати утрово во 3 часот по враќањето од Ле Авр, каде тимот го одигра последниот натпревар во сезоната, во Лига 1. Марсеј победи со 2.1 но не успеа да избори пласман во европските купови.
Како што јави „Европа 1“, жртви на напдто биле Фарис Мумбања, Жан Онана и Бамо Меите. Група разбојници, им се заканиле со пиштоли и се обиделе да ги украдат нинвите автомобили.
Драмата, кулминирала кога кон фудбалерите биле испукани неколку куршуми додека тие се обидувале да избегаат. Во еден од автомобилите два куршуми завршиле во врата на возачот, а во вториот куршум бил испукан во багажникот.
23-годишниот Мумбања е напаѓач од Камерун кој на почетокот на годината дојде од Норвешка, Меите е стопер од Брегот на Слоновата Коска, а Онана е Камерунец кој игра на позицијата заден играч за врска. Тој дојде во Марсеј на позајмица од Бешикташ.
Спорт
Брест не може на својот стадион да биде домаќин во ЛШ
Најголемото изненадување во Франција, Брест, кој како трет во француското првенство директно се пласираше во Лигата на шампионите, европските натпревари ќе ги игра на стадионот „Стад де Рудуру“ во Генгамп, најави градоначалникот на Брест, Франсоа Куиландре. Иако во игра беше и „Роажон парк“ во Рен, Куиландре истакна дека Рудуру е „најблискиот стадион до Брест“.
„Жал ми е што не е во Ле-Бле, но исто така ја зајакнува нашата идеја за изградба на нов стадион“, додаде тој.
„Стад Франсис-Ле-Блеу“, каде Брест игра во Лига 1, не ги исполнува стандардите што ги бара УЕФА за натпревари од Лигата на шампионите, особено затоа што три од неговите четири трибини се цевчести структури, што е забрането со континенталните прописи.
По техничкиот преглед на крајот на април, УЕФА го извести Брест дека, доколку не се изведат градежни работи, ќе им дозволи да играат на совјот стадион но тогаш капацитетот би бил само 5.000 места.
Брест мора да ја извести УЕФА до 22 мај каде ќе биде домаќин.
Брест пред неколку години започна проект за изградба на нов стадион со 15.000 седишта, чија изградба е планирана за 2025 година и кој не треба да биде завршен пред 2027 година.
Спорт
Рома на Азурниот брег најде спортски директор
Французинот Флорен Гизолфи ќе стане нов спортски директор на фудбалскиот клуб Рома.
Оваа вест ја потврди и претседателот на Ница каде до крајот на сезоната ќе работи на истата позиција.
„Флорен Гизолфи нè напушта, се сели во Рома и ние сме среќни поради него. Поминавме неколку добри месеци заедно, тој е добар човек и тоа многу го цениме. Му посакуваме се најдобро. Тој побара да си замине и ние прифативме“, изјави Жан-Пјер Ривер.
Гизолфи ќе го раскине договорот со Ница и на тој начин ќе и олесни на Рома која нема да мора да го откупи неговиот договор од Ница.
Местото спортски директор на Рома е испразнето откако Тиаго Пинто поднесе оставка на крајот од јануарскиот преоден рок.