Спорт
Жиру се враќа во Европа

Оливие Жиру порано ги тресеше мрежите во Лигата на шампионите, но на залезот на кариератс одлучи да оди во МЛС лигата. Сепак, како што стојат работите ветеранот е подготвен да се врати во Европа.
Жиру е во Лос Анџелес веќе една година, но очигледно сè уште му недостасува најквалитетниот европски фудбал. Поради оваа причина, Жиру е на прагот да се врати во родната Франција, каде што ќе потпише договор со Лил.
Доколку тоа се случи, Жиру ќе се врати во својата татковина по 13 години. Играше за Монпелје, од каде подоцна се пресели во Арсенал.
Договорот на Жиру истекува на крајот од календарската година, но извесно е дека ЛА ќе го пушти во Лил, бидејќи во Калифорнија не се премногу задоволни од перформансите што ги имаше Жиру оваа сезона и минатата сезона.
Францускиот напаѓач во кариерата играше за Гренобл, Истр, Тур, Монпелје, Арсенал, Челзи и Милан. Тој одигра 137 натпревари за француската репрезентација и постигна 57 голови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Милан експресно го договори трансферот на Нкунку

Челзи и Милан експресно го договрија трансферот на напаѓачот Кристофер Нкунку.
Клубовите го договорија трансферот за помалку од 24 часа. Двете страни се согласија за обештетување од околу 35 милиони евра.
Што се однесува до Нкунку, тој ќе потпише петгодишен договор со „росонерите“. Потенцијалниот француски репрезентативец е седмото засилување на Милан, но преодниот рок сè уште не е завршен. Тие би сакале да доведат уште еден напаѓа и стопер на „Сан Сиро“. Главни кандидати во моментов се Душан Влаховиќ и Артим Довбик, односно Мануел Аканџи.
Нкунку дојде во Челзи како големо засилување во 2023 година од РБ Лајпциг за 60 милиони евра. За две сезони, тој одигра 62 натпревари и постигна 18 голови.
Спорт
УЕФА го смени терминот на финалниот меч во ЛШ

УЕФА воведе новитет помалку невообичаен. Од оваа сезона финалето на Лигата на шампионите ќе се одржува во 18:00 часот.
Досега, финалниот меч за највредниот трофеј во клупскиот фудбал се одржуваше во 21:00 часот, но тоа повеќе нема да биде случај.
Како што вели првиот човек на УЕФА, Александар Чеферин, оваа новина е донесена првенствено поради навивачите.
„Со оваа промена, го ставаме навивачкото искуство во центарот на нашите планови. Финалето на Лигата на шампионите е клучен момент од фудбалската сезона и новото време на почеток ќе го направи уште подостапно, инклузивно и важно за сите вклучени. Додека терминот од 21:00 часот е посоодветен за натпревари што се играат во средината на неделата, пораното започнување на финалето во сабота значи порано завршување на натпреварот, без оглед на евентуалните продолженија, пенали. А ова им дава поголема можност на навивачите да уживаат со остатокот од вечерта со своето семејство, пријатели, гледајќи го најважниот натпревар во сезоната“, објасни Чеферин.
Првото финале, кое ќе се игра од 18:00 часот, ќе биде на стадионот „Пушкаш Арена“ во Будимпешта, каде што ќе се игра следниот натпревар за титулата европски шампион.
Спорт
Манчестер сити стави вето на трансферот на Савињо и ја реши судбината на Родриго

Манчестер сити го извести Тотенхем дека нема да го промени својот став во врска со трансферот на крилниот напаѓач Савињо.
Сити нема намера да го пушти Бразилецот во Лондон, дури ни за сума поголема од 70.000.000 евра, бидејќи го смета за клучен играч за оваа сезона и во иднина.
Тотенхем за кратко време претрпе уште еден тежок удар на „летниот пазар“, откако минатата недела нивниот најголем ривал Арсенал буквално го грабна Еберечи Езе од Кристал Палас.
Победникот на Лигата на Европа потоа се сврте кон Савињо, но клупските челници добија негативен одговор. Тотенхем сега има многу малку опсции да донесе засилување до крајот на преодниот рок, кој во Премиер лигата завршува на 1 септември во 18 часот.
Овој потег на „граѓаните“ исто така ја блокира секоја можност Родриго од Реал Мадрид да се пресели во Манчестер сити.