Њукасл јунајтед, клубот со најбогатите сопственици во светот, летово ќе прави голема реконструкција на тимот. „Тајмс“ објави дека првиот фудбалер што ќе го донесе Њукасл, во летниот преоден рок, ќе биде Лукас Пакета.

Бразилскиот играч за врска има договор со Лион до 2025 година, а Њукасл за неговиот трансфер подготви 60 милиони евра. Доколку трансферот биде реализиран тоа ќе биде клупски рекорд. Во јануари, Њукасл од Лион за 50 милиони евра го донесоа Бруно Гимараеш.

Пакета, 24-годишната бразилски репрезентативец е во Лион од 2020 година. Лион му плати на Милан 20 милиони евра, 18 милиони помалку отколку што Милан година и пол порано му плати на бразилскиот Фламенго.

Во последниот преоден рок Њукасл потроши повеќе од 100 милиони евра за да го засили тимот во борбата за опстанок во Премиер лигата. Тој ги доведе Бруно Гимараеш од Лион, Крис Вуд од Барнли, Киран Трипие од Атлетико и Ден Бурн од Брајтон.

Фудбалската репрезентација на Македонија ќе започна подготовките за новиот циклус во Лигата на нациите. Македонија во Ц-дивизијата, во Лигата на нации, ќе се натпреварува во Групата 4 заедно со Бугарија, Грузија и Гибралтар.

Во Лигата на нации, во јуни, Македонија за десет дена ќе одигра четири натпревари. На страртот Македонија ќе гостува најпрвин во Бугарија (2.јуни), а потоа и во Гибралтар (5.јуни).

Потоа следуваат домашните натпревари со Грузија (9.јуни) и Гибралтар (12.јуни).

„Овие натпревари ќе ја искористиме да им дадеме шанса на сите, за да знаеме со што располагаме, за она што следува во иднина, а тоа се квалификциите за ЕП 2024. Сите учесници во оваа група се со израмнет квалитет, не би го нарекол аутсајдер ниту Гибралтар“, рече селекторот Милевски.

Селекторот повика 28 фудбалери за овие натпревари. Уште пред да го објави списокот ги ослободи од обрските Адис Јаховиќ и Аријан Адеми.

Дополнително од списокот отпаднаа капитенот Стефан Ристовски и Ердал Ракип.

„Ристовски има контузија на стапалото, станува збор за серизна повреда. Добро е што нема скршеница, туку има голем оток“, откри македонскиот селектор.

Селекторот потврди дека нема да повика други фудбалери во репрезентацијата, туку останаите 26-мина ќе бидат во конкуренција за четири натпревари во јунскиот циклус, во Лигата на нации.

Фудбалскиот клуб Ливерпул одлучи да го продаде поранешниот англиски репрезентативец Алекс Окслејд-Чембрлен на крајот на сезоната, пренесуваат британските медиуми.

Окслејд-Чембрлен (28) пристигна во Ливерпул во 2017 година од Арсенал, но најмногу поради честите повреди, не ги исполни очекувањата на клупските челници и тренери.

Тој има договор со клубот до јуни следната година, но менаџерот Јирген Клоп нема да смета на него следната сезона.

Челниците на славниот англиски клуб поради тоа решија да го продадат искусниот фудбалер на крајот од сезоната, а обештетувањето за Окслејд-Чембрлен, најверојатно, ќе изнесува околу 10 милиони фунти.

Интерес за поранешниот англиски репрезентативец веќе покажаа Вест Хем, Њукасл и Астон Вила.

Окслејд-Чембрлен одигра 133 натпревари за Ливерпул и постигна 17 гола.