Претседтелот на Барселона, Џоан Лапорта, уште еднаш потврдил дека клубот ќе ги продолжи преговорите со Усман Дембеле. Актуелниот договор на францускиот репрезентативец истекува по завршувањето на сезоната, доколку не го продолжи ќе го напушти клубот како слободен играч или Барселона ќе го продаде во јануарскиот преоден рок.

Медиумите од Барселона, тврдат дека Дембеле сака да остане во клубот, меѓутоа неговиот менаџер имал поинакви планови. Го терал својот клиент да се пресели во Премиер лигата каде може да добие поголема плата.

„Ние излеговме со понуда. Мораме да му покажаме дека некогаш не е се во парите. Мислам дека проблем е во менаџерот. Лично го обожувам Дембеле. Сметам дека тој е подобар играч од Мбапе. Се надевам дека ќе остане во Барселона“, рекол Лапорта.

Усман Дембеле во Барселона пристигна во 2017 година од Борусија Дортмунд. Поради честите повреди, за четири години одиграл само 82 натпревари.

Голема трагедија го обележа натпреварот во Египет помеѓу Ал Магда и Ал Зарка. Тренерот на Ал Магда, Адхам Ел-Селхедар, доживеал срцев удар славејќи го голот на својот тим.

Во моментот кога тренерот колабирал, интервенирале лекарските служби, но не успеале да го реанимираат.

Ел-Селхедар бил префрлен и во блиската болница, каде лекарите можеле само да ја констатираат неговата смрт.

Најголемиот дел од тренерската кариера, Ел-Селхадар, минал во Исмаила. Во деведесеттите години од минатиот век со овој тим ги освоил првенството и купот на Египет.



Реал Мадрид наредната сезона, 2022/23 ја планира со Килијан Мбапе во тимот. Причина за ваквиот оптимизам, како што пишува „АС“ е ветувањето што му го дал младиот напаѓач на Флорентино Перез.

Уште од времето на Зинедин Зидан, Реал не кријат дека имаат намера да го донесат Мбапе во Мадрид. Се обидоа во летниот преоден рок, понудија 180.000.000 евра и покрај тоа што фудбалерот влезе во последната година од договорот со ПСЖ, меѓутоа Леонардо и Насер Ал-Келаифи ја одбија понудата.

За помалку од еден месец, Мбапе, ќе може да преговара со заинтересираните клубови и да потпише пред договор.

Јасно е дека негова цел е Реал. Смета дека како играч на „кралскиот клуб“ ќе му биде многу полесно да ја освои Златната топка. Оваа година во изборот на „Франс фудбал“ заврши на деветтото место.

Исто така тој добил уверување дека ќе биде прва ѕвезда во Реал што ќе го задоволи неговото его. Во моментов, во ПСЖ, Мбапе е зад Лионел Меси и Нејмар.