Ѕвездата на Манчестер сити, Кевин де Брујне го откри „чудниот“ разговор со Жозе Мурињо кој предивикал Белгиецот да си замине од Челси.

Де Брујне имаше само три настапи во Премиер лигата за „сините“ во 2013/14, пред да биде продаден во Волфсбург во јануарскиот преоден рок. Година и пол подоцна, тој се врати во Премиер лигата со Манчестер сити и таму стана еден од најдобрите на светот.

29-годишниот Белгиец во интервју за магазинот „Фор Фор Ту“ објасни што се случило.

„Имаше многу во медиумите за моите односи со Жозе Мурињо, но вистината е дека јас зборував со него само двапати. И така планот беше да одам на позајмица малку. Жозе ме повика во канцеларијата во декември и тоа беше еден од моментите кои ми го променија животот. Имаше некои хартии пред него и ми кажа: ‘Една аситенција. Нула голови. Десет вратени топки’. Ми беше потребно време да сфатам што прави. Потоа почна да ги чита статистиките на другите: Вилијан, Оскар, Хуан Мата, Андре Ширле. И таму имаше – 5 гола, 10 асистенции, и така натаму. Тој чекаше нешто да му кажам, и му одговорив: ‘Тие момци одиграле 15-20 меча, јас само три, мора да е поинаку нели?’. Беше многу чудно. Му кажав: ‘Изгледа клубот не ме сака тука. Сакам да играм фудбал и подобро да ме продадеш’. Најдобрата одлука беше да одам на место каде што ќе почнам одново. Секако, не очекував да заврши вака, но тоа беше најнискиот дел од мојата кариера и не се сомневав во квалитетите“, вели Де Брујне.

Белгиецот има 249 настапи за Сити, две титули од Премиер лигата, ФА куп и 4 Лига купови по трансферот од 55 милиони фунти од Волфсбург.

Хрватската тенисерка Мирјана Лучиќ-Барони, повеќе пати зборувала за својот тежок животен пат, но сега откри дека нејзиниот живот бил спасен од хрватскиот тениски великан, а сега тренер на Новак Ѓоковиќ, Горан Иванишевиќ.

Се работи за инцидентот на Вимблдон во 1998 година, кога Лучиќ трпела семејно насилство од страна на својот татко, и таа призна дека тој се заканувал дека ќе ја убие нејзината мајка. Тогаш на сцена стапил Иванишевиќ, кој ја сокрил во Лондон тенисерката и нејзината мајка.

По ова, Лучиќ и нејзината мајка се вратиле во Загреб, каде што 18 дена чекале виза, пред да заминат во Њујорк заедно со шест бодигарди.

„Горан ми го спаси животот. Тоа наликуваше на филмовите за Џејмс Бонд, само што се работеше за реалност и за нашите животи. Мојот татко почна да ме тепа од мојата петта година, кога загубив од постара тенисерка. Потоа беше пекол“, открива Лучиќ-Барони.

На Мирјана најмногу и помогнал нејзиниот сопруг, Американецот Даниеле Барони, со кого е заедно од 2007 година, кога стави крај на најтешкиот период во животот. Од 2003 до 2007 година, Лучиќ ретко играла тенис, работејќи на благајна на еден тениски клуб на Флорида, бидејќи немаше пари за тренер

38-годишната Лучиќ-Барони, сега го доби своето прво дете и вели дека планира да се врати на тенисот и покрај нејзините години. Во својата кариера таа освои три ВТА титули, а највисоко беше на 20. место на ВТА-листата во 2017 година.

Младиот Швајцарец Марко Одермат стигна до фантастична супер-џи победа во австрискиот ски-центар Залбах, со што остана во игра за кристалниот глобус во дисциплината (со многу помали шанси), но и за големиот кристален глобус (со многу повеќе шанси).

23-годишниот Одермат, еден од ретките скијачи кои настапуваат во сите дисциплини со релативно голем успех, до својата трета победа во кариерата и втора оваа сезона стигна со време од 1:29.53, за 0.63 секунди подобро од Французинот Матју Баје и 0.83 секунди пред лидерот во дисциплината, Винсент Крихмаер.

Со овој резултат, Одермат има 318 поени во генерален пласман во дисциплината, додека Крихмаер е лидер со 401, а на програмата останува само уште финалето во Ленцерхајде. Во вкупен генерален пласман пак, лидер е Французинот Алексис Пинтуро со 1.050 поени, пред Одермат со 969, а тука на програмата покрај финалните трки во Ленцерхајде е и велеслаломот во Крањска Гора.

Super gara di Marco Odermatt 🔥

Lo svizzero vince il bellissimo Super-G di Saalbach ⛷️#EurosportSCI | #FISAlpine | #Saalbach pic.twitter.com/0zKv3vwoTR

— Eurosport IT (@Eurosport_IT) March 7, 2021