Спорт
Зидан: Роналдо Назарио е далеку пред сите, едноставно најдобар
Зинедин Зидан, легендарниот француски фудбалер го избра најдобриот играч во историјата на фудбалот. Иако го понижуваше на тренинг, тој смета дека е далеку пред сите, што го потврди и во последното интервју.
Познатиот Зизу се присети на една анегдота од времето кога играше за Реал и го искористи интервјуто да каже дека најдобар играч со кого го делел теренот е Роналдо Назарио.
„Беше малку смешно кога играв со Роналдо. Тој (Роанлдо Назарио) доаѓа на тренинг и ми вели денеска двапати ќе ти ја протнам топката низ нозе. Тоа и ќе го направеше. Затоа што ако не го направеше тоа, тогаш им служеше за потсмев на останатите играчи. Тој е убедливо највешт фудбалер, тој е пред сите други. Тој е феноменална личност која постојано се шегува“, рекол Зидан.
Роналдо многумина го сметаат за најдобриот играч на сите времиња, Бразилецот во текот на кариерата имаше големи проблеми со повредите, поради што предвреме ја заврши кариерата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Олимпијакос е последниот патник на завршниот турнир – Грците ја добија мајсторката во Барселона
Кошаркарите на Олимпијакос ја совладаа Барселона, во мајсторката одиграна во Каталонија со 63:59 и се пласираа на завршниот турнир во Евролигата, кој ќе се одржи од 24-26. ќе се одржи во Берлин во мај.
Грчкиот тим, кој вторпат победи на гостински терен во четвртфиналната серија со Барса, на тој начин им се придружи на Реал Мадрид, Панатинаикос и Фенербахче кои претходно се пласираа во Берлин.
Избраниците на Јоргос Баркокас трета година по ред се пласираа на завршниот турнир во Евролигата.
Претходната година беа поразени во финалето од Реал, а годината претходно беа елиминирани во полуфиналето од Анадолу Ефес кој подцна ја освои титулата.
Ривал на Олимпијакос во полуфиналето ќе биде Реал и тоа ќе биде реприза на финалето од минатата сезона од Каунас.
Вечерва во Блауграна, двата тима одиграа исклучително тврд и дисциплиниран натпревар во кој доминираа одбраните.
Олимпијакос во сердишницата од решевачката четвртина со серија поени и добра одбрана со која ги затворија сите патишта до нивниот обрач направија клучен исчекор кон победата.
Серијата од 8:0 во тој налет се покажа како клучна.
Две тројки постигнаа гостите во тој интервал, по една Мекисик и Папаниколау.
Барса, не се предаде, а пропушти одлична можност да го израмни резултатот кога Грците водеа со 57:54. Потоа Абрињес го повлече нападот, но Мекисик му ја „украде“ топката за во продолжение Милутинов да остане сам во рекетото на противникот и со забицвање да ја запечати победата на Олимпијакос.
Српскиот центар го заврши мечот со 10 поени (4/5 за два, 2/4 слободни фрлања), 10 скокови, две асистенции и блокада за убедливо највисок индекс на корисност 26 за 25 минути на теренот, Мекисик постигна 12. (2/4 за три), Папаниколау 11 (3/6 за три).
Само Лапровитола со 17 (3/8 за два, 2/7 за три) со седум скока и четир асистенции и Алекс Абринес со 13 поени (3/3 за два, 2/5 за три) во Барселона постигнаа двоцифрен број на поени.
Спорт
(Видео) Хоселу го реши трилерот во Мадрид – Реал е во финалето на ЛШ
Реал Мадрид 18.пат во клупската историја ќе се бори за трофејот во Купо/Лигата на шампионите. Вечерва на „Сантијаго Бернабеу“ во инфаркт завршница го победи Баерн со 2:1. Апсолутен херој на Реал е искусниот напаѓач Хоселу, кој со головите во 88. и 91.минута направи пресврт, откако Баерн поведе со голот на Дејвис во 68.минута.
Реал Мадрид за трофејот ќе игра против Борусија Дортмунд на 1 јуни во Лондон, на „Вембли“.
IM SPEECHLESS JOSELU THIS IS THE GREATEST PERFORMANCE EVER pic.twitter.com/bkUsielbaP
— WolfRMFC (@WolfRMFC) May 8, 2024
Спорт
Ракометарите убедливо поразени од Фарските Острови
Ракометната репрезентација на Македонија ќе има тешка задача да избори пласман на Светското првенство. Вечерва во Торшван, Фарските Острови ја победија Македонија со 34:27.
Македонија, во дуелот со репрезентацијата која беше најпријатното изнеандување на последното Европско првенство, во ниту еден момент не беше конкурентна.
Од стартот македонските ракометари му дозволија да го наметне својот стил на игра. Одбраната немаше решение за играчот на Кил, Скипаготу кој постигна десет гола.
Македонија ја рпедводеше Филип Кузмановски со осум постигнати гола, Митев постигна пет, а Никола Костески четири.
Реванш натпреварот во Скопје се игра в недела од 19:00 часот.