Спорт
Зидан со една изјава ги загрижи навивачите на Реал

Реал Мадрид во четвртокот ја освои 34 титула во клупската историја, а Зинедин Зидан покажа дека знае да освојува трофеи.
Претседателот на Реал Флорентино Перез додека играчите славеа изјави дека приоритет ќе му биде Зидан да остане на тренерската позиција. Сепак на денешната прес-конференција, во пресрет на утрешниот натпревар со Леганес во Ла Лига Зидан со една своја изјава ги шокирал присутните новинари.
„Мене ми е преубаво во Реал и секој ден размислувам дека тоа еден ден ќе мора да заврши, исто како што тоа веќе еднаш и се случи. Бидејќи тоа е неизбежно, решив да живеам од ден за ден и да не размислувам што ќе ми донесе иднината“, рекол Зизу и продолжил.
„Никој не знае што ќе се случи. Имам договор, сакам да сум во реал, но никогаш не можете да знаете што може да се случи во фудбалот. Тука секојдневно се менуваат работите и никогаш не се знае што може да донесе иднината“, заклучил тренерот на Реал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Аморим: Најголемата победа откако го водам Јунајтед

Менаџерот на Манчестер јунајтед, Рубен Аморим, конечно се радуваше на голема, многу важна победа откако седна на клупата на славниот тим.
Неговиот тим го победи Ливерпул во најголемото дерби на англискиот фудбал со резултат од 2:1 на „Енфилд“.
„Мислам дека ова е најголемата победа во мојата кариера на клупата на Манчестер. Денес значи многу, но нема да значи многу утре. Тоа се само три бода и убава победа“, рече Аморим по победата.
Јунајтед започна совршено, поведе во 62-та секунда и совршено го заврши натпреварот – со голот на Хари Магваер во 83-та минута за 2:1.
„Се боревме за секоја топка, ја изгубивме самоконтролата во второто полувреме, но духот беше тука и тоа е најважно. Ако имате дух, можете да победите во секој натпревар. Беше добар ден за нас и сега ме интересира само Брајтон. Ќе уживам, но да се фокусираме на Брајтон“, рече Португалецот.
Аморим е среќен и поради фактот што за прв пат откако го презеде Јунајтед, неговиот тим врза две победи во Премиер лигата.
Спорт
(Видео) Агонијата на Ливерпул трае, Манчестер јунајтед победи на „Енфилд“

Манчестер јунајтед го доби најголемото дерби во англискиот фудбал. На „Енфилд“, Јунајтед го победи Ливерпул со 2:1. Прв пат во ерата на Рубен Аморим, Манчестер јунајтед забележа две победи по ред во Премиер лигата. Ливерпул потврди дека е во криза, има четири порази во низа, три од нив се во првенството. Голот за победа со кој Јунајтед победи во Ливерпул за прв пат по ноември 2016 година, го постигна Хари Мегваер во 83-та минута.
Јунајтед експресно дојде до предност, по само 61 секунда, по додавањето од Диало, стрелец беше Мбеумо.
Ливерпул во првиот дел не блескаше, но имаше две големи шанси, преку Гакпо. Репрезентативецот на Холандија два пати ја погоди стативата. Во овој дел од играта, шанса за Јунајтед имаше Бруно Фернандеш.
Вториот дел апсолутно му припадна на Ливерпул. Целосна иницијатива, шанса за Исак, потоа и за Салах, два опасни удари на Екетике. Домаќините изедначија во 78-та минта, мешаница пред голот ан Јунајтед, а Гакпо од пет метри ја спроведе топката во голот.
Холанѓанецот три минути подоцна од чиста позиција, по центаршутот на Фримпонг, од пет метри ја испрати топката крај голот.
Казната дојде во следниот напад. Ливерпул одбрани корнер, но топката пред голот ја врати Фернандеш. Мегваер највсокот скокна и го совлада Мамардашвили.
До крајот Ливерпул притисна со сите сили, Јунајтед сепак успеа да се одбрани.
Спорт
(Видео) Пресврт и победа на Астон Вила кај Тотенхем

Во натпреварот од осмото коло од Премиер лигата одигран во Лондон, Астон Вила го победи Тотенхем како гостин по пресвртот со 2:1.
Астон Вила имаше лош почеток на сезоната, дури под знак прашалник беше и иднната на менаџерот Унаи Емери, но во последниот месец екипата игра повторно игра како во своите најдобри денови.
Тимот од Бирмингем продолжи да победува и по репрезентативната пауза. Веќе има три по ред кога е во прашање лигата, а последниот е особено импресивен, запишан против сериозен ривал и тоа на негов терен.
Почетокот не ветуваше за гостите. Веќе во петтата минута, Тотенхем поведе по одлична акција на Кудус и Палиња, стрелец беше Родриго Бетанкур. Две минути подоцна Кудус ја затресе мрежата. Сепак, голот беше поништен поради офсајд.
Тотенхем беше подобар противник во тие моменти, тие ги контролираа настаните на теренот. А потоа шок во 37-та минута. Морган Роџерс демонстрираше каков шут има, Викарио беше немоќен.
Мудро, Астон Вила чекаше Тотенхем да се отвори и да остави простор во одбраната. Резервата Емилијано Буендија искористи една таква ситуација. Аргентинецот ја погоди малата мрежа со исклучително прецизен удар во 77-та минута и донесе целосен пресврт. Пресврт кој на крајот ѝ донесе на Астон Вила три големи бода.