Спорт
Златан: Бев најдобриот во МЛС, можеби ќе се вратам да ги потсетам што е фудбал
Златан Ибрахимовиќ се самопрогласи за „најдобар фудбалер во историјата на МЛС лигата“, повторувајќи дека бил „предобар“ за американскиот фудбал, откако помина две сезони со Лос Анџелес галакси.
40-годишниот Златан постигна 53 гола во 58 настапи за Галакси во 2018 и 2019, пред да се врати во Милан во Серија А, но во САД не успеа да влезе во плејофот во 2018, а пото загуби во полуфиналето на Западната конференција во 2019.
„Многу сум благодарен на МЛС лигата бидејќи ми дадоа шанса да се чувстувам жив повторно. Но, проблемот беше тоа што бев премногу жив. Бев предобар за целото натпреварување. Тоа го покажав. И јас сум најдобриот кој играл во МЛС лигата, и тоа не е моето его или фалење. Тоа е вистина. Ми се допаѓаше како работевме, посебно на маркетингот. Горд сум што играв таму бидејќи претходно ми велеа дека е лошо да се игра на празни стадиони. Кога играв јас, немаше празни стадиони, туку се бараше билет повеќе“, вели Ибрахимовиќ за „ЕСПН“.
Ветеранот има проблематична сезона со само 24 настапи за Милан поради повредите, и смета дека би можел да се врати во САД, можеби како Дејвид Бекам, како газда на клуб.
„Никогаш не знаеш, можеби ќе се вратам еден ден. Да им покажам како, да ги потсетам што е вистински фудбал. Може да се вратам и да си купам клуб“, додава Швеѓанецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус најде тренер за следната сезона
Болоња е хитот на сезоната во Серија А. Тимот кој од клупата го предводи Тиаго Мота се бори за место во Лигата на шампионите. Она што е извесно е дека Мота на крајот од сезоната ќе ја напушти Болоња.
Медиумите на Апенинскиот полуостров го поврзуваа со Милан, но тоа нема да се случи. Поранешниот фудбалер на Интер, во овој момент е најблиску до клупата на Јувентус.
Мота ќе го наследи Масимилијано Алегри од чија работа во клубот од Торино не се задоволни.
До пред два месеци Јувентус се тркаше со Интер за шампионската титула, но откако на последните осум натпревари „старата дама“ забележа една победа, тимот на Алегри сега се бори за второот место со Милан.
Наводно, челниците на Јувентус и Алегри спогодбено ќе го раскинат неговиот договор кој важи до јуни 2025 година. За да се реализираа ова работа, двете страни треба само да ја договорат оштетата која ќе му биде исплатена на тренерот.
Спорт
Проблеми за Сити пред дербито со Арсенал – Шестмина првотимци се повредени
Пеп Гвардиола го нарече предизвикот да се одбрани тројната круна „невозможен“, но неговиот Манчестер сити сè уште е во конкуренција за сите три големи трофеи. Во Премиер лигата заостанува бод зад лидерите Ливерпул и Арсенал, во полуфиналето на ФА Купот Сити игра против Челзи, додека во Лигата на шампионите трета сезона по ред игра против Реал Мадрид.
Во недела, Сити ќе го одигра еден од најзначајните натпревари во сезоната, во Манчестер доаѓа Арсенал.
Репрезентативната пауза му донесе големи проблеми на Гвардиола. Шестмина со повреди се вратија воклубот. Станува збор за норвешкиот напаѓач Ерлинг Халанд, Англичаните Џон Стоунс и Кајл Вокер и двајцата Португалци Рубен Дијаш и Бернардо Силва.
Сите тие се под знак прашалник за големото дерби каде Сити може да го прескокне тимот на поранешниот помошник на Гвардиола, Микел Артета. Заедно со шестмината, репрезентативната пауза поради претходни повреди ја прескокнаа и Кевин Де Брујн и Мануел Аканџи.
Спорт
Челси го плати 62 милиона евра, тој одигра 36 минути и ја заврши сезоната
Челзи ги извести своите навивачи дека до крајот на сезоната е завршена за 20-годишниот играч од средниот ред Ромео Лавија. Кариерата на талентираниот фудбалер е забавена поради повредите, последната повреда е трета од доаѓањето во Челси.
Лавија пристигна во Манчестер сити од Андерлехт на 16-годишна возраст, а во тимот на Пеп Гвардиола дебитираше на 17-годишна возраст. Сепак, во 2022 година беше продаден на Саутемптон за нешто повеќе од 22 милиони евра. Челзи го донесе во август минатата година во трансфер кој надмина 62 милиони евра.
Оттогаш, тој пропушти 10 натпревари поради повреда на скочниот зглоб и пет поради фитнес проблеми, а потоа во декември минатата година заработи повреда на тетивата, поради која ја заврши сезоната.
Оваа сезона одигра само 36 минути, сите против Кристал Палас.