Спорт
Златан: Дали сум уште Бог? Секако!
Златан Ибрахимовиќ е подготвен да му помогне на Милан и да ја продолжи кариерата и покрај тоа што има 41 година, порачувајќи дека уште е „бог“ на фудбалот. Швеѓанецот го очекува својот камбек на терените откако беше на операција на коленото во текот на летото и се враќа во тим кој е во криза.
„Уште сум бог, уште сум број 1 и сега кога ќе се вратам музиката ќе се смени. Имам толку желба, сакам да направам толку многу работи кои ги загубив овие седум-осум месеци. Џабе загубив време. Критики? Тоа е нормално, бидејќи ако не те критикуваат, тогаш не си на врвот. Мене ме критикуваат 25 години бидејќи сум број 1, така што сум навикнат. Тоа е како да додаваш гориво на оган и ќе се изгориш. Дали уште се чувствувам како Бог? Секако, ништо не е сменето“, вели Ибрахимовиќ во интервју за „Медијасет“.
Тој инсистира дека може да помогне на клубот.
„Тимот е во криза? Не сум загрижен, постојат такви моменти во една сезона. Сега треба да зборуваме малку и да се докажеме на теренот. Во овој период направив што можам да помогнам на тренерот, соиграчите и клубот однадвор. Бев трпелив и сега сум подготвен“, додава Ибрахимовиќ.
🗣️ @Ibra_official's message 🔴⚫
"We need to get back up there and we'll do so"🗣️ Il messaggio di Zlatan 🔴⚫
"Dobbiamo tornare in alto e lo faremo"#SempreMilan pic.twitter.com/6qbWj0gxiR— AC Milan (@acmilan) February 8, 2023
"I'm still god, I'm still the number 1: now I return and the music changes.
I have lots of desire, I want to do a lot of things, what I lost in these 7/8 months. I lost time."
🗣️ Ibrahimovic to SportMediaset 🦁 pic.twitter.com/D8sRWH8nYw
— Italian Football TV (@IFTVofficial) February 8, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.
Спорт
Надал: Ако немам чувство дека можам да се натпреварувам тогаш нема да играм на РГ
Шпанскиот тенисер Рафаел Надал, по Мастерсот во Рим, ќе донесе одлука дали ќе настапи на вториот гренс слем во сезоната, Ролан Гарос.
Рафа моментално се наоѓа во Мадрид, каде во првото коло убедливо славеше во дуелот со 16-годишниот Американец Дарвин Бланш.
„Реален сум за тоа што се случува. Искрено, играв против играч кој направи многу грешки и ми ги олесни работите. Со најголема почит кон играчот кој има голема иднина, тој направи многу грешки и мечот траеше само еден час. Ова нема да ги смени моите размислувања за Ролан Гарос. Овде нема да донесам никаква одлука, по Мастерсот во Рим ќе ја донесам конечната одлука. Не зборувам за победите, туку за чувството дека можам да дадам се од себе и дека можам да се натпреварувам. Мислам дека ова е логично по се што направив во Париз“, изјави Надал.
Негов следен ривал ќе биде Алекс де Минор, кој го елиминира минатата недела во Барселона.
Спорт
Бруно Гимараеш има посебна клаузула во договорот која важи до 30 јуни
Играчот од средниот ред на Њукасл, Бруно Гимараеш е на мета на бројни клубови, а тој има посебна клаузула во договорот.
Како што откри трансфер-инсајдерот, Фабрицио Романо, од последната недела на мај до крајот на јуни, Гимараеш има откупна клаузула од 100 милиони фунти или 116 милиони евра.
Доколку Бразилецот се договори со некој клуб и тој клуб ја плати сумата, Њукасл ќе биде принуден да го пушти.
Во моментов не се знае дали некој клуб е подготвен да потроши толку пари, но веќе е познато дека ПСЖ покажува интерес за бразилскиот репрезентативец.
Прашање е само дали е реално еден ваков трансфер да се случи пред официјалниот почеток на летниот преоден рок.
Летниот преоден рок стартува на 1 јули.