Спорт
Златан и Шведска со победа кај Косово, Италијанците без мака со Бугарија

Италија со 2:0 славеше против Бугарија во Софија за да ја забележи втората победа во квалификациите за Мундијалот во Катар во 2022 година, а исто така во нашето соседство, Шведска предводена од Златан Ибрахимовиќ стигна до рутинска 3:0 победа над Косово.
Андреа Белоти со гол од пенал во 43. минута донесе водство за тимот на Роберто Манчини, пред Мануел Локатели да ја потврди победата во 83. минута. Во Приштина пак, Ибрахимовиќ имаше фантастична асистенција до Аугустинсон за 0:1 уште во 12. минута, а откако Александер Исак зголеми на 0:2 во 35. минута, ветеранот беше повлечен во второто полувреме, во кое с0 голот од пенал на Себастијан Ларсон беше поставен конечниот резултат.
Роберт Левандовски постигна два гола при 3:0 победата на Полска над аутсајдерот Андора, Украина и Финска одиграа интересно 1:1 реми, а со ист резултат заврши и дуелот меѓу Израел и Шкотска.
СП 2022, КВАЛИФИКАЦИИ
ГРУПА Б
Грузија – Шпанија 1:2
Косово – Шведска 0:3
Табела: 1.Шведска 6, 2.Шпанија 4, 3.Грција 1, 4.Грузија 0, 5.Косово 0
ГРУПА Ц
Бугарија – Италија 0:2
Швајцарија – Литванија 1:0
Табела: 1.Италија 6, 2.Швајцарија 6, 3.Литванија 0, 4.С.Ирска 0, 5.Бугарија 0
ГРУПА Д
Казахстан – Франција 0:2
Украина – Финска 1:1
Табела: 1.Франција 4, 2.Украина 2, 3.Финска 2, 4.БиХ 1, 5.Казахстан 0
ГРУПА Ф
Данска – Молдавија 8:0
Австрија – Фарски Острови 3:1
Израел – Шкотска 1:1
Табела: 1.Данска 6, 2.Австрија 4, 3.Шкотска 2, 4.Фарски О. 1, 5.Израел 1, 6.Молдавија 1
ГРУПА И
Албанија – Англија 0:2
Полска – Андора 3:0
Сан Марино – Унгарија 0:3
Табела: 1.Англија 6, 2.Полска 4, 3.Унгарија 4, 4.Албанија 3, 5.Сан Марино 0, 6.Андора 0
БУГАРИЈА – ИТАЛИЈА
КОСОВО – ШВЕДСКА
ПОЛСКА – АНДОРА
ИЗРАЕЛ – ШКОТСКА
АВСТРИЈА – ФАРСКИ ОСТРОВИ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Надал продолжи со „походот“ по 12-та титула во Барселона

Освојувачот на 20 гренд слем трофеи, Рафаел Надал, остана на добар пат до својата 12-та титула на Барселона опен, откако во полуфиналето со 6:1/6:4 го „збриша“ Британецот Камерон Нори.
За место во финалето, тој ќе се бори со подобриот од мечот помеѓу Аргентинецот Диего Шварцман и Шпанецот Пабло Карењо-Буста.
Во второто полуфинале, италијанската тениска сензација Јаник Синер со 6:2/7:6(6) го совлада Русинот Андреј Рубљов за да постави полуфинале против грчкиот фаворит Стефанос Циципас, откако вториот носител го совлада Канѓанецот Феликс Оже-Алијасим со 6:3/6:3.
„Се обидувам да бидам подобар секоја недела. Рубљев одигра многу мечеви оваа сезона, а јас се обидував да ја играм мојата игра. Беше тешко да се затвори мечот“, вели 19-рангираниот Синер, кој со своите 19 години е најмлад полуфиналист во Барселона токму од Надал, кој пред 16 години стигна до полуфиналето како 18-годишник.
De esta manera, Rafael Nadal sacaba boleto a las semifinales en Barcelona 💪🏼#BCNOpenBS pic.twitter.com/4VRRh0dL4P
— Tenis Central (@Tenis_Central) April 23, 2021
Спорт
Сити го купија новото бразилско „чудо“ Кајки

Манчестер сити го добија потписот на 17-годишниот Кајки од бразилскиот клуб Флуминенсе за 12 милиони долари плус бонуси, добивајќи ја битката за тинејџерот кој многумина го споредуваат со Нејмар.
Кајки ќе остане во Бразил до крајот на сезоната 2021, пред да се пресели кај „граѓаните“ или да замине на позајмица. Кајки да Силва Шагас дебитираше за сениорскиот тим на Флуминенсе оваа сезона, но е на радарот на скаутите на Сити повеќе години. Тој има постигнато два гола во 9 настапи, откако лани беше најдобар стрелец во У-17 шампионатот на Бразил.
Тој ќе се приклучи на поголемата група на млади бразилски фудбалери кои се преселија на „Етихад“, од кои најпознат секако е Габриел Жесус. 18-годишниот бек Јан Коуто во моментов е позамјен на сестринскиот клуб Џирона во Шпанија, додека 18-годишниот Диего Роса е на позајмица во белгискиот клуб Ломел.
Спорт
Рајан Гигс обвинет за напад на поранешната девојка, му се закануваат 5 години затвор

Легендата на Манчестер јунајтед, Рајан Гигс е обвинет за присилна контрола и напад на својата поранешна девојка, Кејти Гревил по караница во неговиот дом во Манчестер на 3 ноември.
47-годишниот Гигс беше уапсен по инцидентот, а денеска е обвинет за физички напад и за присилна контрола над Гревил од декември 2017 до ноември 2020 година, објави полицијата од Салфорд, Манчестер.
За нападот, Гигс може да добие 6 месеци затвор и казна до 5.000 фунти, но посериозно е обвинението за контрола, за кое може да добие дури 5 години затворска казна. Гигс и Гревил беа заедно од 2017 година, осум месеци по разводот од сопругата Стејси, кога се дозна дека осум години ја мамел со сопругата на неговиот брат, Родри Гигс.
Гигс паузираше три меча од селекторското место во Велс, но потоа се врати на клупата и треба да ги предводи на Европското првенство ова лето.
- Свет3 месеци
Поради примање мито во Кина погубен поранешен државен функционер
- Европа2 месеци
Планот за отклучување на Германија протече во медиумите, Меркел: Имаме трет бран
- Економија2 месеци
Сите брендови на Индитекс доаѓаат во „Ист гејт мол“
- Свет1 месец
(Видео) Полиција собори маж на земја пред неговото мало дете зашто немал маска
- Регион1 недела
„Фајзер“, „спутник В“ или „Синофарм“ – истражување во Србија покажа која вакцина штити најбргу
- Економија3 недели
„Оштетени штедачи“: Фирма на Игор Џамбазов зела неповратен кредит од Еуростандард банка
- Црна хроника3 месеци
Брат и сестра нападнати на Широк сокак
- Регион2 месеци
Вучиќ за ковид-пасошите: Кои сте вие да го ограничите движењето на некој што не сака да се вакцинира?