Спорт
Зошто и како пропаднал трансферот на Роналдо во Манчестер сити
Кристијано Роналдо во летниот преоден рок се врати во Манчестер јунајтед. Португалецот, по две сезони, го напушти Јувентус. На дебито за Јунајтед, Роналдо постигна два гола.
Трансферот на Роналдо во Манчсетер јунајтед го шокира фудбалскиот свет бидејќи најавите беа дека тој ќе се пресели во синиот дел на Манчестер.
Истото го тврди еден од најпознатите шпански трансфер-инсајдери, новинарот Гилему Балагеу.
„Роналдо и неговиот менаџер Мендеш преговараа со Сити. Пеп Гаврдиола беше заинтересиран за трансферот. Му вети на Роналдо дека ќе постигне повеќе од 40 гола во сезоната. Јувентус ја прифати понудата. Две години клубот се обидуваше да го продаде, иако преку медиумите, кои му се наклонети на клубот, секогаш ги демантираа тие информации“.
Новинарот открива како се случил пресвртот и како Роналдо неочекувано ја смени дестинацијата.
„Пред да го реализира трансферот, Сити мораше да продаде барем еден фудбалер од нападот. Се појави Барселона на чело со претседателот Џоан Лапорта. Тие беа заинтересирани за Стерлинг, Габриел Жесус и за Бернаро Силва. Бизнисот пропадна кога останаа без пари“, напишал Балагуе.
„Роналдо сакаше да оди во Сити, но имаше и резервен план. Се појави Манчестер јунајтед. Доби подобра понуда, поголема плата од она што му го понудија во Сити. Најпрвин Манчестер јунајтед не беше заинтересиран, но кога се појави таа опција, знаеше дека треба да реагираат. Беа воодушевени што може да го донесат за 15 милиони евра плус одредени бонуси“, информира шпанскиот новинар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.