Спорт
Зверев: Синер е како Ѓоковиќ во најдобрите денови, друг универзум

Александар Зврев му подели комплименти на Јаник Синер од кого загуби во финалето на Австралија опен со 0:2 (3:6, 6:7, 3:6).
Зверев по мечот беше запрашан дали Синер повеќе личи на Новак Ѓоковиќ или на Рафаел Надал.
„Тој е многу, многу сличен најдоброто издание на Новак. Тој едвај промашува. Многу е тешко да се освои поен од основната линија против Новак и него. Тие се константни. Не ви даваат простор. Тој е премногу добар. Ќе направам се што можам за да можам да се натпреварувам со нив и да освојам трофејот, но ова денес воопшто не беше добро“, рече Зверев.
Синер и претходно беше доминантен, на Ју-ес опен.
„Тој е убедливо најдобар. Фактите зборуваат сами за себе. Тој ги освои сите Грен слемови на тврда подлога од минатата година. Загуби само три или четир меча на тврда подлога. Тој сега е друг универзум за сите”, вели Германецот.
Зверев го победи Синер на Ју-ес опен во 2021 и 2023 година. Но, Синер сега е поинаков играч
„Тој сервира подобро. Ритернира подобро. Подобро се движи, подобро ги игра волеите. Нема ништо што не го прави подобро во моментов. Да, сега тој е како Новак во неговите најдобри денови. Тешко е да се пробие. Тој е многу подобар играч сега.“ отколку што беше“, истакна Зверев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Ника Превц постави светски рекорд во ски-скокови

Двократната светска шампионка Словенката Ника Превц постави светски рекорд во ски скокови.
Во Викерсунд, Ника леташе 236 метри, 45,5 метри подолго од нејзиниот личен рекорд. Оваа 19-годишна Словенка двапати постави нов светски рекорд на тренингот во петокот.
Ника потекнува од многу успешно спортско семејство. Има тројца браќа: Петер, Цене и Домен, исто така ски-скокачи. Петер Превц е поранешен светски шампион и има четири медали на Зимските олимписки игри.
Таа го подобри претходниот рекорд на Норвежанката Силја Опсет од минатата година на истата скокалница за цели 5,5 метри.
Дамите во сабота и недела во Викерсунд ќе се натпреваруваат во единствените две натпреварувања на леталниците, оваа сезона на Светскиот куп.
Nika Prevc 🤤🤤 pic.twitter.com/meONyn7wjn
— Stian André Skinnes (@SASkinnes) March 14, 2025
Спорт
Менди ќе отсуствува до три недели

Реал Мадрид успеа да се пласира во четвртфиналето на Лигата на шампионите по подоброто изведување на пенали против Атлетико Мадрид, но остана без уште еден дефанзивец.
Во 83. минута од натпреварот Ферланд Менди се здоби со повреда на тетивата. Веднаш беше јасно дека ќе мора да ја напушти играта, бидејќи падна на тревата и веднаш побара лекарска помош.
Лекарски прегледи утврдија дека Менди ќе мора на принудна пауза. Според прогнозите ќе отсуствува до три недели.
Покрај Менди, во Реал подолго време се повредени и Дани Карвахал и Едер Милитао, а од повредата неодамна се опорави Давид Алаба.
Спорт
Гвардиола нема ништо против Грилиш да го напушти клубот

Џек Грилиш, извесно е ќе го напушти Манчестер сити во летниот преоден рок. „Граѓаните“ во наредниот период ќе слушаат понуди за англискиот интернационалец. Пеп Гвардиола не е задоволен од неговите настапи, а ниту Гралиш од неговата минутажа.
Имено, крилниот напаѓач на Сити го изрази своето незадоволство поради тоа што пред него е новото засилување Омар Мармуш.
Грилиш не е на посакуваното ниво од почетокот на сезоната. Лошите игри прво го оддалечија од првиот тим, а потоа го доведоа во позиција ретко да добива шанса и како резерва.
Англискиот интернационалец, според извештаите од Англија, делува незаинтересирано дури и за тренинзите, а тоа воопшто не му се допаѓа на Гвардиола.
Грилиш му се приклучи на Манчестер сити од Астон Вила во 2021 година, а оваа сезона има само една асистенција на 16 натпревари во Премиер лигата.