Кошаркарскиот клуб Будуќност го суспендира македонскиот репрезентативец Џејкоб Вајли. Крилниот центар на своја рака заминал од Подгорица. Неговиот менаџер изјави дека Вајли имал приватни проблеми заминал од главниот град на Црна Гора.

„КК Будуќност Воли сака да ја извести јавноста дека Џејкоб Вајли по настапите за Македонија, не се појави на тренингот, самоиницијативно ја напушти Подгорица. Менаџерот го извести клубот дека Вајли заминал поради семејни проблеми. Клубот го суспендира играчот. Јавноста ќе биде навремено известена за чекорите кои ќе бидат преземи против Вајли“, соопшти клубот.

Будуќност во наредните денови ќе игра против СЦ Дерби во АБА лигата и Промитеас во Еврокупот. За овие натпревари покрај Вајли во тимот ќе ги нема повредените Данило Николиќ, Игор Дробњак и Петар Поповиќ, а под знак прашалник е настапот на Вили Рид.

Легендата на белградски Партизан, Момчило Вукотиќ, почина во петокот во Белград на 72 годишна возраст. Српските медиуми објавија дека Вукотиќ починал од рак на грлото.

Момчио Вукотиќ е еден од најголемите фудбалери во историјата на Партизан. Во два мандати го носел црно-белиот дрес, од 1968 до 1978 и 1979 до 1984 година, во сезоната 1988/89 бил тренер на Партизан.

Според бројот на одиграни натпревари за Партизан се наоѓа на второто место, на вечната листа. Пред него е само Саша Илиќ кој лани ја заврши кариерата.

Покрај во Партизан, една сезона играл и во Бордо. Како тренер работел во Паниониос, Алтај, Неа Самарис, Аполон Лимасол, Етникос, Фарул, ПАОК, Левидијакос и Пансераикос, бил селектор на репрезентацијата на Кипар.

Манчестер јунајтед, синоќа, го совлада Арсенал со 3:2. Англиската јавност, ден по натпреварот, најмногу го анализира моментот од 13.минута, кога Смит-Роу погоди за предност на Арсенал.

Голот е контроверзен, бидејќи Смит-Роу погоди додека голманот Манчестер јунајтед, Девид Де Хеа лежеше повреден на гол-линијата.

Де Хеа повредата ја доби од соиграчот Фред, акцијата продолжи, судијата Мартин Еткинсин не се огласи, а Смит-Роу постигна гол.

Марк Клатенбург, еден од најдобрите англиски судииво изминатата деценија, ја поддржа одлуката на колегата.

„Голот на Смит-Роу е совршено легален. Еткинсон не можеше ништо друго да направи, мораше да го признае голот. Убаво се гледа дека Фред го фаулираше својот голман, значи фаулот не го направи играч на Арсенал. Етикнсон немаше обврска да ја застане играта. Судијата не свирна, значи мораше да го потврди голот“, рекол Клатенбург.