Сеск Фабрегас, сепак нема да стане тренер на Интер. Италијанските медиуми објавија дека газдата на Комо, Мирван Сурвасо, ги информирал челниците на Интер дека, воопшто не ја разгледувал опцијата да го пушти Фабрегас во друг клуб, ниту пак му дозволил на Шпанецот да преговара.

Индонезискиот бизнисмен категорчно потврдил дека Фабрегас ќе остане во клубот следната сезона.

„Директно му го соопштивме нашето одбивање на претседателот на Интер, кој го потврди тоа со учтивост и јасност што се очекува од два почитувани клуба. Поради оваа причина, ги третираме постојаните гласини за нашиот тренер како фантазија“, рече првиот човек на Комо.

Комо со ова ги потврди високите амбиции за следната сезона, втората по враќањето во друштво на најдобрите. Комо, да потсетиме, потроши најмногу пари за засилувања во јануарскиот преоден рок, па клубот сака истиот тренер, кој досега работеше со успех, да продолжи со работата.

Во меѓувреме, Интер се сврте кон други опции во потрагата по наследник на Симоне Инзаги. Главни кандидати сега се Кристијан Киву и Патрик Виеира.

Киву, кој моментално е на клупата на Парма, сега е прв избор на администрацијата на „нераѕурите“ бидејќи некогаш играше за Интер, а потоа како тренер ги водеше сите селекции на клубот, од 14 години до до 19 години.

Според италијанските медиуми, Киву не се појавил на состанокот во Парма, каде што требало да се договори за продолжување на соработката, но тоа го направил неговиот менаџер.

Ваквото однесување покажува дека дефинитивно ја слушне понудата од „Џузепе Меаца“.

Кошаркарскиот сојуз на Јамајка (КСЈ), преговара со неколку имиња од НБА за во иднина да го носат дресот на оваа држава.

Некои играчи веќе се согласиле да го носат дресот на селекцијата на оваа карипска земја, тврди новинарот на „Јамајка Обзервер“ Даниел Блејк. Близнаците Амен (Хјустон) и Аусар Томпсон (Детроит) чиј татко има јамајкански корени, влегле во процес на добивање пасош од оваа земја.

Покрај нив, Јамајка може да смета на Џордан Пауел (поранешен играч на НЦАА) и Џош Минот од Минесота, кои веќе имаат право да играат за репрезентацијата на земјата.

И тоа не е сè, бидејќи КСЈ е во напредни преговори со некои од брилијантни имиња од најсилната лига: Скоти Барнс од Торонто, Ајзеа Стјуарт од Детроит и Девин Васел од Сан Антонио.

Сите тројца, благодарение на еден од нивните родители, го исполнуваат условот за аплицирање за јамајкански пасош.

BREAKING: Been informed that talks are underway for @Raptors All-Star Scottie Barnes, @DetroitPistons centre Isaiah Stewart & @spurs guard Devin Vassell to join Jamaica’s growing basketball team.

Twin brothers Amen & Ausar Thompson begun their passport process last week. pic.twitter.com/iPqzFL1bXW

— Daniel Blake (@DannyBeegie) June 4, 2025

Целта на Јамајканците е да се квалификуваат за Светското првенство во 2027 година, а тоа би било нивно прво учество на најголемото светско натпреварување во историјата.

Досега, тие никогаш не играле на Олимписките игри, а само еднаш учествувале во натпреварувањето на ФИБА Америка Купот, во 2013 година.

Доколку сите споменати играчи му бидат на располагање на селекторот, Јамајка сигурно би била меѓу фаворитите во квалификациите за Мундобаскет. Јамајканците ја „пресликаа“ политиката на Кошаркарскиот сојуз на Бахами, кои не толку одамна ангажираа тројца НБА играчи Бади Хилд, Ерик Гордон и Деандре Ејтон.

Таа селекција беше на прагот на сензација против Шпанија, кого дожиева пораз во продолженија, во баражот за пласман на Олимписките игри.

Челниците на Манчестер јунајтед испратиле официјална понуда за напаѓачот на Брентфорд, Брајан Мбеумо.

„Скај Спортс“, објави дека Јунајтед понудил 45 милиони фунти во кешплус 10 милиони фунти бонуси. Се очекува Брентфорд да ја отфрли понудата. Клубот бара 60 милиони фунти.

Разговорите се очекува да се одржат оваа недела откако Јунајтед доби индикации дека Мбеумо е заинтересиран да се пресели на Олд Трафорд.

Тој постигна 20 гола во Премиер лигата минатата сезона.

Клубот од Манчестер го реализира транаферот на Матеус Куња од Вулверхемптон за 62,5 милиони фунти.