Според персоналот на ветеринарната клиника во која била донесена по инцидентот, мачката останала во машината за перење 30-ина минути пред сопствениците да ги слушнат нејзините врескања.

Сопствениците објасниле дека мачката обично сака да спие во машината за перење, а бидејќи е сива како и внатрешноста на машината, не ја забележале кога ја вклучиле, пренесе „Спутник“.

Поговорката вели дека мачките имаат девет животи, а тоа го потврди и случајот со мачката во градот Днипро во Украина, која поминала половина час во активирана машина за перење и – преживеала.

Претседателот на САД, Џозеф Бајден, најави дека планира до крајот на февруари да го назначи наследникот на либералниот судија на Врховниот суд, Стивен Бриер, кој најави дека се пензионира и повтори дека ќе биде првиот африкански американски судија во највисокиот суд во земјата.

„Ова е емотивен ден за мене. Денеска сум овде за да ја изразам мојата благодарност во име на нацијата на судијата Стивен Бриер за неговата извонредна кариера во јавната служба“, рече Бајден, пренесе „Гласот на Америка“.

„Имам намера да ја објавам мојата одлука (за кандидатот за судија на Врховниот суд) до крајот на февруари. Тоа ќе биде првата Афроамериканка некогаш номинирана за Врховниот суд. Тоа требаше да се направи одамна“, рече Бајден.

Италијанскиот парламент утре ппетти обид ќе се обиде да избере нов претседател.

Премиерот Марио Драги сѐ уште е кандидат за претседател, но неговите изгледи се избледени оваа недела бидејќи многу пратеници не се подготвени да го поддржат стравувајќи дека каква било промена во владата може да предизвика предвремени избори, објави „Ројтерс“.

Матео Салвини, лидер на десничарската Лига, им рече на новинарите дека пред гласањето в петок, ќе им предложи на партиите на левиот центар неколку непартиски фигури што имаат углед и на домашно и на меѓународно ниво.