Бројот на загинати во силниот земјотрес што го погоди егејскиот брег на Турција и источниот грчки остров Самос се искачи на 26 лица, а над 800 се повредени.

Спасувачките екипи пробиваат бетонски блокови од урнати згради во потрага по преживеани во Измир, третиот по големина град во Турција, која беше најпогоден од земјотресот, пренесува агенцијата АП.

По првиот, најсилен земјотрес од седум степени, следеле околу сто помали помали, од кои најмалку 16 биле посилни од четири степени, а областа ја зафати и мало цунами.

Во Измир загинале најмалку 24 лица, соопшти турската служба за вонредни ситуации (АФАД).

На Самос, загинале двајца тинејџери кога се срушил ѕид врз нив, а дваесетина лица биле повредени. Двајца од повредените, меѓу кои и 14-годишно момче, се пренесени во Атина, а седуммина се хоспитализирани на островот, соопштија локалните власти.

Земјотрес со јачина од 5,7 степени, го погоди западниот дел на Перу, соопшти Европскиот-медитерански сеизмолошки центар.

Епицентарот на земјотресот бил 58 километри северозападно од Охапампе, пренесува Ројтерс.

Земјотрес со јачина од 6,6 степени според Рихтеровата скала денеска ја стресе западната провинција Измир во Турција.

Турските медиуми објавија дека земјотресот бил почувствуван во егејскиот регион и во Мармара, каде се наоѓа Истанбул. Се чувствуваше и во Грција, во главниот град – Атина.

İZMİR/TURKEY

Magnitude 6.6 #earthquake

Many houses/apartment blocks appear to have collapsed #İzmir #Turkey #PrayforTurkey pic.twitter.com/WC0dH98ocT

— Kenan Toprak (@kenanebubekir63) October 30, 2020

Според последните информации, повеќе од 400 лица биле повредени, 14 лица загинаа. Предизвикана е голема материјална штета во Турција.

#deprem yeni görüntüler pic.twitter.com/wHxVEQgbHE

— Nur Deveci (@nrsn_deveci) October 30, 2020

На снимките кои кружат на социјалните мрежи можат да се забележат остатоци од урнатини, како и фрижидери, столови и маси кои пливаат низ улиците.На снимките можат да се забележат и згради кои буквално за секунда исчезнуваат при силниот потрес, кој урна околу 20-тина објекти.

Министрите за надворешни работи на Турција и Грција, земји кои се расправаат околу сопственоста на потенцијалните ресурси на јаглеводороди во источниот дел на Средоземното Море, разговараа телефонски по земјотресот и рекоа дека се подготвени да си помагаат едни на други, соопшти Анкара.