Европа
Австрискиот министер за здравје на боледување, му се слошило во вторникот
Австрискиот министер за здравство Рудолф Аншобер е на боледување откако му се слоши во вторникот.
Аншобер вчера рано наутро требаше да одржи прес-конференција за тоа како се одвива вакцинацијата против коронавирусот, но тој настан помина без него поради болест.
Од неговиот кабинет беше објавено дека министерот бил тестиран во неколку наврати и дека бил негативен на корона.
Министерот, како што е наведено, ќе биде подложен на сеопфатна здравствена проверка и нема да дојде на работа до следната недела.
Од кабинетот истакнуваат дека станува збор за проблеми со крвотокот. Се претпоставува дека министерот заболел од грип.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Силен земјотрес ја погоди Романија
Во текот на ноќта на територијата на Романија е забележан силен земјотрес со јачина од 4,2 степени според Рихтеровата скала, објави ЕМСЦ.
Според податоците, земјотресот се случил синоќа околу 23 часот, а епицентарот бил блиску до Букурешт.
Меѓутоа, американскиот USGS наведува малку поинакви размери, па тврдат дека бил уште посилен – 4,4 степени според Рихтеровата скала.
Засега нема информации за евентуална штета или повредени.
Европа
Пет земји ќе добијат повеќе од една милијарда евра помош од ЕУ за санација на последиците од поплавите
Европскиот парламент (ЕП) денеска одобри помош во износ од над една милијарда евра за санација на последиците од катастрофалните поплави што ги погодија Италија, Словенија, Австрија, Грција и Франција во 2023 година.
Средствата се доделени од Фондот за солидарност на ЕУ, а пакетот помош е одобрен со 632 гласа „за“, седум гласа против и три воздржани, се наведува на веб-страницата на ЕП.
Европратениците велат дека помошта од ЕУ треба да се прошири со оглед на зголемениот број природни катастрофи во Европа.
Европа
Орбан: Ако победи Трамп, ќе отворам неколку шишиња шампањ
Унгарскиот премиер Виктор Орбан изјави дека ќе отвори „неколку шишиња шампањ“ доколку Доналд Трамп се врати во Белата куќа.
Орбан треба да биде домаќин на колегите лидери на ЕУ на самитот во Будимпешта неколку дена по претседателските избори во САД на 5 ноември.
„Ќе отвориме неколку шишиња шампањ ако Трамп се врати“, рече Орбан, опишувајќи го самитот на ЕУ во ноември како момент за „блокот да се собере за да се обиде да најде заеднички глас“.
Орбан рече дека Трамп, доколку биде избран за претседател, нема да чека до неговата инаугурација, туку веднаш ќе дејствува „за да се воспостави мир“ меѓу Украина и Русија „за како европски лидери да немаме што да изгубиме“.
„Прво треба да реагираме интелектуално, филозофски, а потоа и стратешки“, рече тој.
Трамп постојано тврдеше дека може да донесе мир во Украина „многу брзо“, без да понуди никакви детали за тоа како би можело да се постигне трајно решение.
Ставовите на Орбан за руската инвазија многу ги отсликуваат ставовите на Трамп, кој беше обвинет од потпретседателката на САД и кандидат за претседател на Демократската партија Камала Харис дека ги повторува идеите на Владимир Путин, пишува Гардијан.