Европа
Во Австрија најмногу несакани ефекти предизвикува вакцината на „Астра зенека“

Според Федералната здравствена служба на Австрија (BASG), повеќето несакани ефекти на вакцините што моментно се достапни во земјата се предизвикани од вакцините на компанијата „Астра зенека“. Вакцината на „Астра зенека“ предизвикува несакани ефекти во 14,9 случаи на 1.000 вакцини.
За споредба, со вакцината на „Бионтек-Фајзер“ тоа е случај со 3,79 и со „Модерна“ – 5,71.
Досега 365.039 лица се вакцинирани со вакцините на „Бионтек-Фајзер“ во Австрија, а за 1.384 е пријавено дека имаат несакани ефекти.
Со вакцината на „Модерна“ се имунизирани 8.057 лица и пријавени се 46 несакани ефекти.
3.961 лице се вакцинирани со вакцината на „Астра зенека“, а пријавени се и 59 несакани ефекти.
Несаканите ефекти биле претежно лесни по природа. Повеќето изјавиле дека имале главоболка, температура, замор, болка на местото на убодот, болка во мускулите, гадење, треска.
Карактеристично е дека по примањето на вакцината на „Астра зенека“, забележана е температура како најчест несакан ефект.
Во неколку болници во Австрија медицинскиот персонал одбива да прими вакцина на „Астра зенека“ како поради несаканите ефекти така и за наводниот послаб ефект, пред сè, против новите соеви.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Австриски Тирол стана едно од најголемите жаришта на јужноафриканскиот сој во Европа

Австрија ќе добие дополнителни 100.000 дози од вакцината на „Фајзер“ против Ковид-19.
Овие дози ќе служат за да се вакцинираат возрасните во алпскиот регион Тирол, едно од најголемите жаришта на јужноафриканскиот сој на коронавирус во Европа, соопшти денеска владата.
Минатиот месец австриската влада воведе негативен тест на коронавирус како обврзувачки за напуштање на Тирол.
Студиите покажуваат дека постојните вакцини може да бидат помалку ефикасни против оваа варијанта.
„Нашата цел е да го потиснеме овој вид најдобро што можеме. Овој вид коронавирус претставува закана за сите нас, не само во Тирол туку и во цела Австрија“, рече канцеларот Себастијан Курц.
Курц додаде дека ќе бидат спроведени истражувања за да се утврди дали вакцината на „Фајзер“ е ефикасна против јужноафриканскиот сој до степен до кој владата очекува.
Европа
Џонсон: Го осудивме убиството на Кашоги, повикуваме на истрага

Велика Британија го осуди убиството на саудискиот новинар Џамал Кашоги и продолжува да бара целосна истрага за неговата смрт, изјави британскиот премиер Борис Џонсон.
Тој зборуваше на прес-конференција во Лондон, на која беше запрашан дали Велика Британија ќе ја прекине продажбата на оружје на Саудиска Арабија поради конфликтот и хуманитарната криза во Јемен, каде што саудиската коалиција се бори против јеменските бунтовници на страната на меѓународно признатата влада.
Џонсон истакна дека Велика Британија го почитува долгогодишниот пакет-правила и конвенции за продажба на оружје.
Европа
Словачка воведува полициски час

Словачка од вечерва ќе воведе полициски час, изјави министерот за здравство, Марек Крајчи.
Според владината одлука, на Словаците нема да им биде дозволено да ја напуштат куќата од 20 до 5 часот наутро.
На луѓето им се препорачува да останат дома, исклучок е доколку треба да одат на лекар, на работа или на прошетка за рекреација или со кучиња. Полицискиот час ќе биде задолжителен до 19 март и може да биде продолжен, известуваат од владата на Словачка.
Земјата со 5,4 милиони жители во последните две недели има пријавено просечно 24 смртни случаи на 100.000 жители, јавуваат светските агенции.
„Високата стапка на смртност се должи на многу фактори, Словачка направи голем број грешки“, рече претседателот на медицинскиот синдикат, Питер Висолајски.
„Карантинот беше воведен предоцна и не беше доволно набљудуван. Покрај тоа, стапката на смртност е последица на општо лошата здравствена состојба во Словачка“, рече Висолајски.
Според него, наместо да се воведуваат нови ограничувања, подобро е да се применат постојните за да се намали бројот на заразени лица.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа1 недела
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер