Британскиот министер за одбрана Бен Валас изјави дека постои реална можност Украина да го врати Крим оваа година.

Валас изјави за Вашингтон пост дека полуостровот повторно би можел да му припадне на Киев по девет години руска окупација бидејќи на силите на Москва им снемува опрема.

„Ако ги погодите руските сили каде што треба, тие ќе паднат. Можете да испратите десетици илјади млади мажи во смрт, што тие го прават, но не можете магично да создадете тенкови и потребните системи за оружје“, додаде Валас.

На прашањето за потенцијалниот пристап на Украина во НАТО, тој рече дека треба да бидеме реални и дека тоа нема да се случи на самитот на Алијансата во Литванија во јули.

„Тоа нема да се случи наскоро“, рече британскиот министер за одбрана.

Претседателката на Косово, Вјоса Османи, раскажа каква била нејзината вчерашна средба со српскиот претседател Александар Вучиќ во Молдавија. Таа тврди дека средбата имала информативен карактер и оти не станало збор за преговори, а била одржана на барање на францускиот претседател Емануел Макрон и германскиот канцелар Олаф Шолц.

На средбата, покрај Макрон и Шолц, присуствувал и Жозеп Борел, високиот претставник на ЕУ за надворешна и безбедносна политика, а Османи кажала дека од Косово се побарани нови избори на север, пренесува „Аваз“.

„Не планирав да се сретнам со Вучиќ. Се разбира, дијалогот меѓу Косово и Србија е во тек во Брисел“, рече таа.

„Средбата дојде на инсистирање на европските лидери. Како претседателка на Косово, сакав да ја покажам конструктивноста што е доблест на нашиот народ и дека можеме да разговараме со сите. Не е првпат да се сретнам со Вучиќ на ваква средба. Морам да кажам дека оваа средба, која се одржа на инсистирање на претседателот Макрон и канцеларот Шолц, не беше преговарање, туку средба на која разменивме мислења. Вучиќ се жалеше и негодуваше и секако не ја кажуваше вистината“, продолжи таа.

Како што кажа, ситуацијата на северот на Косово и понатаму е главна тема на нејзините средби со европските лидери.

„Имав трилатерална средба со претседателот Макрон и канцеларот Шолц. Борел се приклучи на состанокот и детално разговаравме за предизвиците со кои се соочуваме и кои се некои од опциите што можат да не натераат да одиме напред“, најави таа.

„Во овој момент клучно е Србија да престане да ги поддржува криминалните групи кои предизвикуваат најголем дел од проблемите на северот и поширокиот регион. Ова е предуслов за деескалација на ситуацијата. И второ, целосно спроведување на Договорот постигнат во Охрид, бидејќи Вучиќ повеќепати кажа дека нема намера. Го прекршил најмалку осум пати и затоа е клучно да има јасна порака од ЕУ“, заклучи косовската претседателка.

Во судир на два воза во источната индиска држава Одиша, повредени се најмалку стотина луѓе, јавува Би-би-си. Според информациите на порталот „Индија тудеј“, досега бројот на повредени е 179.

Речиси 50 возила на итната помош се испратени на местото на несреќата, рече државниот секретар.

#Train #accident near Bahanaga railway station in Balasore, Odisha. Emergency control room numbers:

– HWH: 03326382217
– KGP: 8972073925, 9332392339
– BLS: 8249591559, 7978418322
– SHM: 9903370746

Must Share.#TrainAccident #Odisha #CoromandelExpress #TrainAccident pic.twitter.com/p4uucgxgNe

— DEEPAK SINGH (@deep5457) June 2, 2023

„Ројтерс“ јавува дека загинале најмалку 30 луѓе.

Индискиот премиер Нарендра Моди на Твитер објави дека е потресен од несреќата и оти неговите мисли се со семејствата на жртвите.