Свет
Администрацијата на Трамп ги редуцира контактите со СЗО
Администрацијата на Трамп му нареди на својот дипломатски кор да ги редуцирa контактите со Светската здравствена организација.
Додека американскиот претседател руши мостови меѓу САД и СЗО, дел од администрацијата се обидува да го зачува влијанието на САД во СЗО преку промовирање на долгорочни реформи и овластување на одредени американски дипломати да продолжат да работат на програмите на СЗО против детска парализа, ХИВ и други заразни болести, се наведува во анализата на вашингтонскиот магазин „Форин полиси“.
Најновите упатства – за прекинување на виталните дипломатски контакти и соработка со СЗО – дојдоа од Стејт департментот, иако САД немаат намера да се повлечат од членството во СЗО до средината на 2021 година.
Ваквите контрадикторни активности на Вашингтон укажуваат на тоа дека Трамп, од една страна, сака да укаже на огромните предизвици со кои се соочуваше американската администрација за време на пандемијата и сака да го казни СЗО затоа што не прифаќа Кина да биде прогласена за виновна за ширење коронавирусот во светот.
Од друга страна, Белата куќа продолжува да се потпира на СЗО како лидер во глобалната битка против бројни смртоносни болести, кои, ако се занемарат, може да ја загрозат и Америка.
„Сакале или не, се чини дека САД сè уште не можат да живеат без СЗО“, рече Хуанг Јанџонг , постар соработник за глобални здравствени проблеми при њујоршкиот Совет за надворешни односи.
Стејт департментот минатата недела објави дека администрацијата на Трамп ќе испрати околу 80 милиони долари што СЗО ги должи на сметките на ООН, но за други програми на светската организација.
Алма Голден, официјален претставник на американската Агенција за меѓународен развој (УСАИД), неодамна изјави дека САД ќе продолжат да соработуваат со СЗО само во ситуации кога „СЗО покажува дека е способна да реши одредени проблеми за кои не се дораснати алтернативните партнери“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.