Најголемото жариште на опасниот бразилски сој П1, што однесе десетици илјади животи во Бразил, се наоѓа во канадскиот скијачки центар Вистлер, во Британска Колумбија, објави Гардијан.

Провинциските власти мораа да го затворат одморалиштето кон крајот на март кога сфатија дека меѓу оние кои се заболени од коронавирусот има и со бразилски мутиран тип на Ковид-19.

Додека канадските провинции уриваат негативни рекорди за бројот на заболени од Ковид-19, експертите се многу загрижени за опасното и брзо ширење на разните соеви.

Од 877 потврдени случаи на сојот П1, има речиси 200 заразени во Британска Колумбија, што го прави најголемо жариште на бразилскиот сој надвор од јужноамериканската држава, каде има повеќе од милион активни случаи, а бразилските власти велат дека околу 90 проценти од пациентите страдаат од П1-вирусот.

Се верува дека П1 е многу заразен и значително фатален за помладите луѓе, и има голема моќ да ги реинфицира луѓето кои прележале Ковид-19.

Претходните студии покажаа дека може да изврши реинфекција на 25 до 61 процент од луѓето кои го прележале Ковид-19, но вистинскиот број ќе се утврди само кога ќе се знае повеќе за бразилскиот мутиран тип.

Поради ерупцијата на вулканот Суфрија на карипскиот остров Свети Винсент, дојде до прекин во снабдувањето со електрична енергија и вода, а целиот остров е покриен со пепел.

Ерупцијата почна во петокот.

Околу 16.000 лица мораа да се евакуираат од своите домови, пренесе Би-би-си.

Според информациите, повеќе од 3.200 луѓе се засолнети во прифатните центри во училиштата и црквите.

A giant plume of ash from La Soufriere volcano on the Caribbean island of St. Vincent traveled over 100 miles east Saturday, blanketing Barbados one day after initial eruptions were reported https://t.co/P4v6qio8s2 pic.twitter.com/X0xF8J8gA1

— CBS News (@CBSNews) April 10, 2021

Жителите на Брабадос, околу 200 километри источно, се повикани да останат во затворен простор.

Научниците предупредија дека ерупцијата може да продолжи со денови, па дури и недели.

Српската министерка за трговија, туризам и телекомуникации Татјана Матиќ изјави за телевизијата К1 дека граѓаните на Србија ќе можат да патуваат во Грција под одредени услови од 14 мај, преку Северна Македонија.

Таа рече дека кон средината на овој месец ќе може да се влезе во Грција преку Бугарија, со, како што вели, потврда за вакцинација или негативен тест.

„Работиме на тоа оние кои ќе патуваат на море да можат да се пријават за вакцинација преку туристичките агенции“, рече Тајтана Матиќ, додавајќи дека се чини оти српските граѓани ќе можат да патуваат и во Хрватска и Турција.

Претходно, министрите за туризам на Србија и Грција, Татјана Матиќ и Харис Теохарис, се согласија дека српските граѓани годинава ќе можат да го поминат летниот одмор во Грција, потврдувајќи дека биле вакцинирани со каква било вакцина или со негативен ПЦР или брз тест. Границите за српските туристи најверојатно ќе бидат отворени веќе во средината на април, иако сезоната официјално започнува на 14 мај.

Како што претходно беше прецизирано, граѓаните кои се вакцинирани и кои се упатуваат кон Грција ќе бидат насочени кон зелената лента на границата, што би го намалило метежот.