Свет
Ал Каеда најавува војна на сите фронтови со повлекувањето на САД од Авганистан

Овој викенд се одбележува 10 годишнината од убиството на Осама Бин Ладен, мозокот на нападите врз САД на 11 септември 2001 година, во неговиот комплекс опкружен со висок ѕид во пакистанскиот град Аботабад, пишуваат американските медиуми. Неговото име и неговата терористичка мрежа Ал Каеда одбележаа ера на американска реакција и одмазда, надминувајќи ги сите претходни политики за борба против тероризмот, пишува Си-Ен-Ен.
Американската „војна против тероризмот“ наскоро ќе влезе во нова фаза кога претседателот Џо Бајден се подготвува да ги повлече сите американски сили од Авганистан до 20 годишнината од нападите на 11.09. Но, Ал Каеда тврди дека нејзината војна со Америка сè уште не е завршена. Во ексклузивното интервју за Си-Ен-Ен, спроведено преку посредници, двајцата оперативци на Ал-Каеда рекоа дека „војната против САД ќе продолжи на сите други фронтови, освен ако Американците не бидат протерани од остатокот на исламскиот свет“.
Во минатото, Ал Каеда ретко одговараше на прашања, претпочитајќи да се крие зад сопствената пропаганда и да избегнува какви било контакти. Нејасно е зошто групата сега одлучи да направи таков потег, анализираат медиумите.
Аналитичарот за тероризам Пол Круикшанк, уредник на Сентинел од Вест Поинт, кој ги разгледа одговорите на Ал-Каеда, вели дека е можно групата да биде поттикната од одлуката на администрацијата на Бајден за повлекување војници од Авганистан, но можеби само сака да го сврти вниманието од неодамнешните големи загуби.
Денес, терористичката група, која некогаш го привлекуваше вниманието на светот, е сведена на лелекање, но е далеку од мртва, смета овој експерт. И сега тој најавува враќање откако американските сили ќе го напуштат Авганистан, во ново партнерство со талибанците. Како одговор на прашањата на Си-Ен-Ен, двајцата членови на Ал Каеда ги пофалија талибанците за продолжување на борбата против Америка: „Благодарение на Авганистанците кои ги штитат своите другари, многу вакви џихадистички фронтови веќе долго време се успешни во различни делови на исламскиот свет“, беше истакнато од нивна страна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Оланд: Путин не е луд, туку е радикално рационален

Поранешниот француски претседател, Франсоа Оланд, смета дека рускиот претседател Владимир Путин не е луд, туку радикално рационален лидер, кој е убеден дека западните земји ќе се изморат од испраќање помош за Украина и дека преговорите ќе донесат крај на конфликтот, кој ќе биде поволен за Русија.
Оланд беше претседател од 2012 до 2017 година и има големо искуство од прва рака со Путин.
„Тој (Путин) е радикално рационална личност или рационално радикална личност, што сакате. Тој има свое мислење во рамките на кое е подготвен да употреби сила“, изјави поранешниот француски лидер за „Политико“.
Пред одбележувањето една година од руската инвазија на Украина, која почна на 24 февруари, Оланд додаде дека Путин ќе се обиде да ги „консолидира своите успеси со цел да го стабилизира конфликтот надевајќи се дека јавноста ќе се замори и дека Европејците ќе се плашат од ескалација сè со цел во таа фаза од војната да се спомене можноста за преговори“.
Оланд смета и дека овој пат улогата на посредник кај Путин ќе падне на Кина или Турција.
Оланд беше еден од најнепопуларните француски претседатели додека беше на функцијата, со ниски едноцифрени рејтинзи. Но, сега тој е вториот најпопуларен политичар, пет места пред Макрон.
Европа
(Видео) Лавина погоди ски-центар на Хималаите, при што загинаа двајца туристи од Полска

Двајца скијачи загинаа, а 19 извесно време беа затрупани под снегот кога лавина погоди популарен ски-центар на Хималаите.
Огромна лавина зафати 21 турист и двајца водичи од Кашмир.
Двајца скијачи од Полска загинаа, а спасувачките екипи ги извлекоа преостанатите туристи.
Туристите скијаа во планините во близина на градот Гулмарг. Почнавме спасувачка акција. Досега најдовме две тела“, соопшти локалната полиција додавајќи дека службите спасиле 19 странски туристи и двајца локални водичи, пренесува „Дневна пошта“.
Планинскиот венец Пирпанџал е популарна скијачка дестинација за Индијците и за странците. Во 2010 година најмалку 17 индиски војници загинаа таму кога лавина ги погоди членовите на военото училиште за време на вежби.
Лавините и одроните се вообичаени во Кашмир. Во текот на 2017 година лавина ја затрупа индиската армија во три одделни наврати, при што загинаа најмалку 20 војници, а во 2012 година голема лавина во Кашмир, контролиран од Пакистан, уби 140 луѓе, вклучувајќи 129 пакистански војници.
Регион
Вучиќ: Знаевме дека снајперистот е за мене, ама надлежните служби си ја завршија работата

„Знаеме дека ја кажуваше вистината затоа што луѓето забораваат, тој сега не е криминалец што може да лаже нешто за себе. Не смее да лаже, тој е обвинет соучесник. Тоа е единствената причина“.
Вака српскиот претседател Александар Вучиќ го коментира вчерашното сведочење на соработникот на обвинетиот Срѓан Лалиќ, кој на судењето на озлогласениот клан на Вељко Беливук и Марко Миљковиќ изнесе тврдења во кои изјави дека Беливук и Миљковиќ му кажале дека Звицер обезбедил 5 милиони евра, а рече дека ќе има уште „колку и да е за убиството на српскиот претседател Александар Вучиќ“.
„Сите други смее да лажат и да кажуваат што сакаат, а тој е единствениот што не смее да лаже бидејќи, ако се согласи, ја губи можноста за соработка и договорот што го постигна со Обвинителството. И постигна договор да одлежи 18 години и вака ќе треба да лаже, не е старец, уште 45, 50 или 60 години. Се спасува кажувајќи ја вистината“, вели Вучиќ.
Друга работа, вели тој, е што ги урива сите лаги и невистини што некои ги кажуваа претходните години, а не само тоа.
„Ова покажува каква кампања и криминализација на власта се вршеше цело време, а колку невистини имаше. Што се однесува до мене, знаев дека е тој ден, знаевме и дека снајперистот е за мене, не беше тајна, а надлежните служби си ја завршија работата за разлика од тие што не го направија тоа во 2003 година“, рече Вучиќ.
Како што додава, интересна е уште една работа.
„Рече дека имало многу инволвирани од српските служби, а уште многу од црногорската АМБ и од нашите служби и Обвинителството ќе мора многу да се занимава со тоа“, изјави тој.