Луѓето панично трчаа во турскиот град Измир, изјавија очевидци, откако земјотресот со јачина од седум степени според Рихтеровата скала започна да го тресе градот. Градските населби се натопени со морска вода којашто ги повлече урнатините кон внатрешноста и остави мртви риби по повлекувањето.

Десетици лица загинаа, а над 400 се повредени во земјотресот во Турција. На грчкиот остров Самос, двајца тинејџери, момче и девојка, биле пронајдени мртви во регионот каде се урнал ѕид. Се појавија различни извештаи за урнати згради кои ги заробувале луѓето под урнатините во некои области на Измир, еден од водечките туристички региони во Турција, и за делумна штета на имотот во другите провинции, соопштија турските власти.

Градоначалникот на Измир, Тунц Сојер рече дека дваесеттина згради биле урнати во покраината. Гувернерот на Измир рече дека 70 лица биле спасени од урнатините. Илке Циде, студент по медицина, кој за време на земјотресот беше во регионот Гузелбахче во провинцијата Измир, изјави дека се упатил кон внатрешноста кога водата почнала да расте по земјотресот.

„Навикнат сум на земјотреси, така што на почетокот не го сфатив ова сериозно, но ова беше навистина застрашувачко“, рече тој и додаде дека земјотресот траел најмалку од 25 до 30 секунди, пренесува „Ројтерс“.

Турскиот претседател, Реџеп Таип Ердоган, изјави дека на пет лица повредени во земјотресот им била извршена операција, а осуммина се на интензивна нега. Ердоган додаде дека телефонски разговарал со грчкиот премиер Кирјакос Мицотакис, додавајќи дека грчката влада е подготвена да испрати помош за Турција.

Земјотрес со јачина од 7 степени го погоди Егејското Море јужно од градот Измир на западниот брег на Турција.Земјотресот се почувствувал сè до Истанбул. Досега е потврдено дека загинале 14 лица, а повеќе од 400 се повредени. Двајца тинејџери загинале во Грција, когаа врз нив се срушил ѕид кога се враќале од училиште.

Бројот на жртви во денешниот земјотрес кој се случи во Турција и Грција, се искачи на 14. Епицентарот на земјотресот со јачина од 7 степени според Рихтеровата скала, бил во Егејското Море, 17 километри од брегот на Измир.

Две деца загинаа на островот Самос, кој припаѓа на Грција, откако се урнал ѕид. Турската агенција за справување со катастрофи и вонредни ситуации објави дека во земјата има 12 загинати и 419 повредени. Земјотресот најтешко го погодил Измир. Најмалку 20 згради се урнале, а се стравува дека бројот на починати ќе се зголемува. Неколку рибари се водат како исчезнати откако земјотресот го покачил и нивото на морето.

По земјотресот од 6,8 степени по Рихтер имало повеќе од 80 послаби земјотреси, од кои 16 со јачина од над 4 степени.Берил Демиралај, која била на одмор во турскиот град Шајакик за Си-ен-ен раскажа дека 20 минути по земјотресот видела бродови кои се судираат во морето.

Таа се искачила на вториот кат во зградата од каде ја снимила поплавата на улиците. Требало два часа да се повлече водата од улиците, предизвикан од цунами што по потресот го погоди Измир.