Свет
Американската држава Вирџинија ја укина смртната казна
Собранието на американската сојузна држава Вирџинија го потврди законот со кој се укинува смртната казна на нејзината територија, што ја прави прва држава од југoт и 23-та во САД што ја укинува најстрогата казна, а куриозитет е што е земјата со најмногу извршени смртни казни во САД, објави „Ен-би-си“.
Гувернерот на Вирџинија, Ралф Нортам најави дека ќе го потпише штотуку потврдениот закон, што е предуслов тој да стапи на сила.
„Со укинување на смртната казна, Вирџинија никогаш повеќе нема да ризикува да убие невино лице и треба да се водиме од правдата, а не од желбата за одмазда“, рече делегатот на Собранието Мајк Малин, кој предложи да се донесе законот.
„Ен-би-си“ наведува дека укинувањето на смртната казна ја имало поддршката на демократите, од чии редови доаѓа гувернерот Нортем, кој неодамна се избори за мнозинство во дводомното собрание на Вирџинија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кандидат за градоначалник во Мексико е убиен во пукање на предизборен митинг
Кандидатот за градоначалник Лусеро Лопез Маза и уште пет лица, од кои едно младо девојче, беа убиени во пукање на предизборен митинг во градот Ла Конкордија во јужната мексиканска држава Чиапас, пренесе АП.
Покрај тоа, две лица се ранети.
„Конфликтот избувна меѓу вооружени цивили за време на политички митинг“, соопшти обвинителството.
Свет
Лидерот на опозициската Напредна Словачка и неговото семејство добија смртни закани
Лидерот на опозициската Прогресивна Словачка (ПС) Михал Симецка поднел кривична пријава поради смртните закани што ги добиле неговата партнерка, ќерката и тој самиот, соопштија за словачката новинска агенција ТАСР во прес-службата на ПС.
Симецка објави дека добил неколку „конкретни и драстични“ смртни закани од „одредени луѓе“, посочувајќи дека слични закани со години биле упатени до словачката претседателка во заминување Зузана Чапутова.
Тој изрази уверување дека повеќето политичари, новинари и јавни функционери кои го изразуваат своето мислење се соочуваат со смртни закани.
Свет
Обвинителството бара притвор за атентаторот на Фицо, одлука судот ќе донесе утре
Утре судијата на Специјализираниот кривичен суд во Словачка ќе донесе одлука за притвор на осомничениот за атентатот на премиерот Роберт Фицо- Јураја Цинтула.
Надлежниот обвинител до судот веќе достави предлог за изведен притвор за 71-годишниот левичар, кој во средата по владината седница неколкупати пукаше во премиерот и тешко го рани. Обвинителот бара притвор за обвинетиот поради евентуално бегство и поради ризик од повторување на делото, изјави портпаролката на судот Катарина Куѓакова.
Цинтула беше уапсен веднаш по нападот и се соочува со обвиненија за обид за убиство од прв степен од одмазда, а се соочува со 25 години затвор, па дури и доживотен затвор. Според министерот за внатрешни работи, Матус Шутај Ешток и министерот за одбрана Роберт Калињак, нападот бил политички мотивиран, пренесува Актуалити.
Состојбата на премиерот Роберт Фицо и понатаму е сериозна и тој е на одделението за интензивна нега.