Свет
Американскиот амбасадор обвинет за мешање во холандски избори

Членови на неколку холандски политички партии го обвинија американскиот амбасадор во Холандија, Пит Хоекстра, за кршење на Виенската конвенција, која конкретно ги предупредува странските дипломати да не се мешаат во политиката на земјата домаќин, пренесува „Спутник“.
Холандските власти побараа објаснување од Хоекстра по извештаите дека тој учествувал на настан за собирање средства за евроскептичната популистичка партија Форум за демократија во Американската амбасада во Хаг претходно овој месец.
Холандскиот неделник „Де Грене Амстердамер“ во понеделникот тврдеше дека на настанот на 10 септември учествувале меѓу 30 и 40 партиски функционери и богати претприемачи и дека домаќин на собирот бил Хоекстра.
Другите холандски политички партии, вклучително и либералната Народна партија за слобода и демократија (ВВД) на премиерот Марк Руте, веднаш покренаа прашања зошто Хоекстра присуствувал на настанот.
„Се разбира, ова не требаше да се случи. Ова е мешање во нашите избори “, изјави Брам ван Ојик од партијата на Зелените за холандскиот радиодифузер НОС.
Парламентарните избори во Холандија се закажани за март 2021 година.
Неименуван претприемач, кој присуствувал на настанот, изјави дека тоа секако не бил состанок на градското собрание туку повеќе неформален почеток за предизборната кампања.
Лидерот на Форумот за демократија, Тиери Баудет, од своја страна, ги отфрли тврдењата дека настанот е собирање средства како глупост и теорија на заговор. Неговиот став го потврдија и претставници на Американската амбасада во Хаг, кои тврдат дека собирот бил сличен на оние настани што се одржувале со други политички партии.
Стејт департментот сè уште не даде коментар за ова прашање. Хоекстра (66) е роден во Холандија, но израснат во Мичиген, а беше назначен за амбасадор од претседателот Доналд Трамп во 2017 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.