Денеска, се случи силна експлозија во Севастопол. Не станува збор само за најголемиот град на украинскиот полуостров Крим, кој беше присоединет од Русите во 2014 година, туку и клучно пристаниште, каде што е сместена руската Црноморска флота.

Севастопол од неодамна често е цел на украински воени беспилотни летала и крстосувачки ракети. Според фотографиите и видеата што денеска се проширија на социјалните мрежи, се чини дека експлозијата се случила токму во пристаништето, каде што често се наоѓаат руски воени бродови.

/2. Video from Sevastopol. According to the locals on the video there were missiles flying right over them before the explosion. pic.twitter.com/8MahbiIBd3

— Special Kherson Cat 🐈🇺🇦 (@bayraktar_1love) September 22, 2023

Неофицијалните канали на „Твитер“, блиски до украинската страна, објавија видео на кое се гледа облак чад, а локалните жители велат дека виделе ракети над градот непосредно пред експлозијата.

💥 Video of the hit pic.twitter.com/slk02aVyPq

— Ukrainska Pravda in English (@pravda_eng) September 22, 2023

Русите потврдија: Погодено е седиштето на Црноморската флота

Најмалку една украинска ракета го погоди седиштето на руската Црноморска флота во Севастопол, изјави локалниот проруски гувернер, Михаил Развозаев.

Портпаролката на МНР, Марија Захарова, изјави дека невистинитите изјави на претседателката на Европската комисија, Урсула фон дер Лајен, против Русија се опасни.

Имено, Захарова обрна внимание на говорот на претседателката на Европската комисија на церемонијата на доделување награди на Атлантскиот совет – американскиот аналитички центар во НАТО, чиј лауреат годинава е и јапонскиот премиер Фумио Кишида.

„Фон дер Лајен одржа прилично впечатлив говор. Таа го пофали шефот на јапонската влада за поддршката на режимот во Киев и борбата против Русија. Таа потсети дека неговото семејство е од Хирошима и дека за време на нуклеарното бомбардирање во 1945 година таму загинале неговите роднини. За џелатите на САД и Вашингтон, кои фрлаа бомби врз јапонските градови и цивилното население, ниту збор“, напиша Захарова на „Телеграм“.

Како што додаде таа, Фон дер Лајен, „која е вмешана во најголемите корупциски скандали во историјата на ЕУ, отиде чекор понатаму – ја обвини Русија за трагедијата во Хирошима“.
Захарова ја цитира претседателката на Европската комисија.

„Ова се нејзините зборови дословно: Многу ваши роднини загинаа кога нуклеарната бомба ја срамни Хирошима. Вие пораснавте слушајќи ги приказните на преживеаните и сакавте и ние да ги слушнеме тие приказни, да погледнеме наназад и да научиме нешто за иднината. Русија повторно се заканува дека ќе користи нуклеарно оружје. Одвратно и опасно е како лаже Урсула фон дер Лајен“, напиша Захарова.

Водач на шестчлената група, која вчера беше уапсена за 324 килограми кокаин во Солун, е 40-годишниот Живко Бакиќ, поранешен фудбалер на „Црвена звезда“, објави српски „Блиц“.

Покрај него, уапсени се: А. М., Н. П., С. Ш., М. С. и С. С., поради постоење основано сомнение дека сториле кривични дела здружување за извршување кривични дела во врска со кривичното дело неовластено производство и пуштање во промет наркотични дроги.

Осомничените се обвинети за формирање организирана криминална група во Јужна Америка, Западна Европа, Република Грција и во Република Србија во 2020 и 2021 година со цел купување и пренесување поголема количина наркотична дрога кокаин преку океански бродови од Јужна Америка на територијата на Западна Европа и Република Србија заради пуштање во оптек и прибавување голема противправна имотна корист, пишува српски „Блиц“.

Но, и дека во наведениот временски период оваа организирана криминална група купила, пренела и задржала на продажба 324 килограми наркотична дрога кокаин, од Еквадор до пристаништето во Солун во Грција, каде што наведената наркотична дрога била запленета од грчката полиција.

Осомничените се приведени во полиција по што со кривична пријава ќе бидат изведени пред Јавното обвинителство за организиран криминал, објавија српските медиуми.