Свет
Американски војници во Јужна Кореја предизвикале инцидент со огномет
![](https://makfax.com.mk/wp-content/uploads/2020/07/Ognometi.jpg)
Десетици странски државјани, за кои се претпоставува дека се американски војници, ги вознемириле граѓаните на крајбрежниот град Бусан во Јужна Кореја правејќи огномет на плажа.
Тие го славеле Денот на независноста на САД на плажа поради што полицијата морало да интервенира, па дури и да уапси некои од нив, пренесува „Танјуг“ повикувајќи се на агенцијата „Јонхап“.
Војниците испукале неколку огномети кон небото, дури и кон граѓаните, што траело околу два часа.
Од полицијата изјавуваат дека примиле повеќе од 70 повици од граѓани кои биле вознемирени од оваа состојба, особено затоа што, според полицијата, странците не носеле заштитни маски и не држеле дистанца.
Полицијата тврди дека американските војници пукале огномет без дозвола кон граѓаните и дека ѝ се потсмевале на полицијата поради што шест патролни возила учествувале во смирување на ситуацијата.
So 1 US SM got arrested on spot over independence day celebration in Busan. Residents called KNP over excessive noise, singing, dancing, ‘dangerous’ fireworks, yet foreigners (mostly ??) resisted when being told to stop, n continued fireworks..https://t.co/tfNCcHZI7Y pic.twitter.com/ENwIvtPHpi
— Red Room (@_recto_verso_) July 5, 2020
И покрај присуството на полицијата, војниците не престанале да пукаат огномет, а еден војник во своите 20-ти години, кој пукал огномет кон граѓаните, бил уапсен.
Плажите во Јужна Кореја повторно се отворени за граѓаните со обврска посетителите да постапуваат во согласност со воведените мерки за да се спречи ширењето на коронавирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Од строго чуван затвор во Португалија побегнаа петмина затвореници
![](https://makfax.com.mk/wp-content/uploads/2023/07/R.jpg)
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.