Најмалку пет лица го загубиле животот во силното зимско невреме Јури што ги погоди САД, во кое речиси пет милиони куќи и компании останале без електрична енергија во Тексас, а застрашувачки торнада биле забележани на југозападот, пренесуваат светските медиуми.

Националаната метеоролошка служба соопшти дека екстремно ниски температури биле забележани во Тексас, со температури до минус 29 Целзиусови степени.

„Во делови на Тексас е забележано нешто што може да се нарече снежна топка, односно комбинација од торнада и снег“, известуваат од Националаната служба.

Додавааат дека меѓу најпогодените држави се Тексас, Кентаки, Тенеси, Мисисипи, Алабама, Оклахома.

Според последните податоци од службата, во Луизијана 50-годишен маж починал кога се лизнал и паднал на леден тротоар и си ја повредил главата. Две лица починале во Тексас поради смрзнување. Станува збор за 78-годишен старец, кој паднал во дворот на својата куќа и останал на студ неколку часа, и за еден бездомник во Хјустон, кој одбил засолниште и подоцна бил пронајден мртов во округот Харис.

Ледената бура достигна дури и до северните делови на Мексико, каде што повеќе од четири милиони домови и деловни активности останаа без електрична енергија, известуваат од американската служба.