Силен земјотрес со јачина од 4,2 степени според Рихтеровата скала е регистриран утрово во близина на хрватскиот град Глина, соопшти локалната Сеизмолошка служба.

Сеизмолозите го регистрираа земјотресот во 5 часот и 37 минути со епицентар кај Глина. Јачината на земјотресот била 4,2 според Рихтер.

Глина и Петриња во декември минатата година беа погодени од силен земјотрес во кој беше предизвикана материјална штета, а имаше и човечки жртви.

Москва наскоро ќе одговори на санкциите на Европската Унија, објави постојаниот претставник на Русија во ЕУ, Владимир Чижов.

Тој додаде дека станува збор за еднострано ограничување кое не може да донесе резултати и дека Русија ќе преземе реципрочни мерки.

„Можам да кажам дека тоа ќе се случи“, рече Чижов во интервју за ТВ Русија-24, пренесе агенцијата ТАСС.

Европската Унија денес воведе нови санкции во рамките на новиот глобален режим за кршење на човековите права против четворица руски функционери поради апсењето на Алексеј Навални.

Европската агенција за лекови (ЕМА) на 11 март ќе одлучи дали ќе ја препорача вакцината против Ковид-19 од американскиот производител „Џонсон и Џонсон“.

По одлуката на ЕМА, Европската комисија (ЕК) мора да даде зелено светло, но тоа е формалност што може да се направи истиот ден.

Експерти од ЕМА веќе ги анализираат податоците од клиничките испитувања и истражувањата. САД ја одобри вакцината во неделата.

За разлика од другите, вакцината на „Џонсон и Џонсон“ се прима во една доза.

Во ЕУ досега се одобрени три вакцини, и тоа вакцините на „Модерна“, на „Фајзер/Бионтек“ и на „Астразенека“