Свет
Асанж нема да биде екстрадиран во САД, пресуди британскиот суд
Британскиот суд го одби барањето на САД за ексрадиција на Џулијан Асанж, соопшти судијката Ванеса Бараитсер, нагласувајќи дека тоа би била репресивна мерка поради неговото ментално здравје. Основачот на „Викиликс“ оствари голема победа против американските власти, кои го обвинија за заговор и кршење на Законот за шпионажа.
Судијката истакна дека Асанж ајверојатно би извршил самоубиство доколку биде ексрадиран во САД.
Обвинителството на САД најави дека ќе ја обжали пресудата. САД го товарат 49-годишниот Асанж за 18 точки од обвиниението за откривање 500.000 класифицирани документи во 2010 година. Станува збор за доверливи документи, кои детаљно ги опишуваат американските воени операции во Авганистан и Ирак. Овие обвиненија носат потенцијална затворска казна од 175 години.
BREAKING: UK judge refuses US request to extradite WikiLeaks founder Julian Assange on espionage charges. https://t.co/itjnpHJzgq
— The Associated Press (@AP) January 4, 2021
Неговиот адвокат, Едвард Фицџералд изјави дека во среда ќе поднесе барање за кауција за Асанж.
Одлуката за екстрадиција е донесена по повеќе од десет години меѓународни правни заплеткувања и полемики што го следат случајот на тој Австралиец. Денешната одлука на британскиот суд е предмет на жалба, што значи дека правната сага може да продолжи пред да следува вистинската екстрадиција.
Шведска беше првата земја што издаде потерница за Асанж во 2010 година.
„Викиликс“ подоцна објави електронска преписка, што се покажа како штетна за демократскиот ривал на Трамп, Хилари Клинтон.
Стела Морис, свршеницата на Асанж и мајка на два сина, претходно му се обрати директно на Трамп.
„Луѓето сакаат да го помилувате Асанж. Слушајте, ве молам“, напиша Морис на „Твитер“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Маж е застрелан откако се обидел нелегално да влезе во имотот на Трамп во Флорида
Mаж е убиен откако се обидел нелегално да влезе во имотот на Трамп во Флорида, објави Скај њуз.
Како што објавија разузнавачките служби, мажот на околу 20-годишна возраст бил застрелан околу 1:30 часот наутро.
Идентитетот на осомничениот сè уште е непознат, а обезбедувањето го забележало човекот на северната порта од имотот.
Носел оружје кое личело на пушка и канта со гориво.
Ниеден агент не е повреден.
Во тек се истраги за идентитетот на човекот и неговиот мотив за делото.
Иако Трамп често го поминува викендот на својот имот, во моментот на инцидентот тој бил во Белата куќа, во Вашингтон, а со него била и сопругата Меланија Трамп.
Свет
Гласањето за трговскиот договор ЕУ–САД може да се одложи поради хаосот со тарифите
Претседателот на Комитетот за меѓународна трговија на Европскиот парламент, Бернд Ланге, предложи одложување на гласањето за трговскиот договор меѓу ЕУ и САД, кое беше планирано за следната недела. Тој истакна дека условите и правната основа на договорот се променети поради неодамнешните американски тарифни мерки.
Ланге оцени дека американската администрација создала „тарифен хаос“ со привремените тарифи на претседателот Доналд Трамп, кои првично беа 10%, а потоа беа зголемени на 15%.
Од партијата Зелени во ЕУ исто така побараа пауза во гласањето додека не се разјаснат сите детали.
Договорот, кој беше постигнат минатото лето, предвидува ЕУ да ги укине царините на многу американски производи, додека САД би вовеле тарифа од 15% на поголемиот дел од европскиот извоз. Намалените царини од ЕУ треба да бидат одобрени од владите на земјите-членки и од Европскиот парламент.
Европскиот парламент минатиот месец привремено ја стопираше работата на договорот поради барањето на Трамп за припојување на Гренланд и заканите со царини кон европските сојузници, но подоцна беше одлучено дека договорот ќе биде ставен на гласање крајот на февруари.
Регион
(Видео) Повторно драма на Јахорина: дете висеше од жичара
На Јахорина се случи вистинска драма кога едно дете висеше од жичара.
Како што известува порталот „Drinainfo“, благодарение на брзата реакција на присутните, детето успешно беше спуштено на земја.
На објавеното видео се гледа дека две лица го држат детето кое висеше од седиштето, додека присутните трчаат да му помогнат безбедно да стигне до земјата.
Засега не е познато дали детето е повредено.
Да потсетиме, пред четири дена на Јахорина дете падна од жичара и со повреди на ногата беше пренесено во болница.

